Түркістан облысында 184 оқу ошағын салу қажеттілігі туындап отыр

Егемен Қазақстан
30.08.2018 1072
2

Түркістан облысы бойынша жаңа оқу жылында 55385 оқушы бірінші сынып табалдырығын аттайды. Яғни мектепке келетін оқушы саны 19 мыңға артқан. Демографиялық өсімге байла­нысты 2018-2025 жылдар аралығында облыста 184 мектеп салу қажеттілігі туындап отыр. Биыл 83 нысанның құры­­лысы жүргізіліп жатса, оның 40-ы жыл соңына дейін пайда­лануға беріледі. Осылайша 9 апатты, 5 үш ауысымды, 13 ыңға­й­лас­тырылған және орын тапшылығы байқалған 10 мектептің мәселесі шешілмек. Сондай-ақ 3 колледж­дің ғимараты жаңарады. 

Оқушысы көп өңірдің білім саласында ұстаздардың әлеуметтік жағдайын жақсарту да алдыңғы қатарға қойылып отыр. Мәселен, қыркүйек айынан бастап ұлттық біліктілік тестілеуден өткен 4200 педагогтың айлық жалақысы санаттарына қарай 30-50 процентке артады. Оған облыстық бюджеттен 1 млрд 67 млн теңге қаралған. Жаңартылған білім беру мазмұнымен сабақ беріп жатқан 32 мыңнан астам ұстазға 30 процент жалақы қосылып, оған бюджеттен 10 млрд 290 млн теңге бөлінген. Түркістан қаласында өткен облыстық Тамыз кеңесінде өңір басшысы Жансейіт Түймебаев осындай деректерді келтіре келе, ұстаздар қауымына мемлекет тарапынан әлеуметтік қолдау күшейтілетінін атап өтті. «Егер, сіздер Түркістан қаласына келген жағдайда айлық жалақыларыңызға 20 процент қосымша ақы, еңбек демалыстарыңызға 7 қосымша күн және 1 айлық қосымша сауықтыру ақысы қосылады. Әлеуметтік сала қызметкерлері мен ұстаздар қауымы үшін Түркістан облысының 13 ауданында инвесторлар есебінен 14 мың шаршы метрлі 31 тұрғын үй салынып жатыр», деді облыс әкімі. Мұғалімдердің білімін жетілдіру де маңызды. Бұл орайда биыл бірінші рет өңір ұстаздарына М.Ломоносов атындағы Мәскеу мемлекеттік университетінің магистратурасына 20 грант бөлініпті. Олар үш мамандық бойынша әлемдегі ең атақты оқу орындарының бірінде білімін жетілдіреді. Игі іске облыс бюджетінен қаржы қарастырылған. Сондай-ақ Қазығұрт ауданында орналасқан Ж.Қаппаров атындағы физика-математика бағытында оқытатын мамандандырылған мектеп-интернатына шеттен келген мұ­ғалімдер үшін 15 жеке үй са­лын­бақ. Бүгінгі таңда қажетті құ­жат­тары дайындалып жатыр. 

Кеңесте өңір басшысы қо­ғамда жиі көтеріліп жүрген мәселеге қатысты көзқарасын білдірді. «Бұдан былай мұ­ға­лімдерді өз міндеттеріне кір­мейтін шаруаларға жөнсіз жұмсау тоқтатылуы керек», деп мәлімдеді Ж.Түймебаев. Сон­дай-ақ ол барлық аудан және қала әкімдеріне мұғалімдердің жағдайына мұқият қарауды, олардың әлеуметтік мәселелерін барынша шешу жөнінде тапсырма беретінін жеткізді. «Биылғы тамыз кеңесі ерекше тарихи кезеңде өтіп жатыр. Елбасы Жарлығымен Түркістан облысы құрылып, оның орталығы болып Түркістан қаласы бекітілді. Ясауидей бабамыз, Абылай хан бастаған қазақтың 21 ханы жатқан, қазақтың қаймақтары мәңгі қоныс тапқан Түркістан­ның тарихын ұстаздар қауымы оқушыларға сіңіруі керек», деді облыс әкімі. 

Кәсіптік білім сапасын көтеру мәселесі де назардан тыс қалмайды. Жасыратыны жоқ, кәсіптік білім мекемелерін бітіруші түлектердің 25-30 про­центі жұмыспен қамтамасыз етілмей келеді. Яғни қоғамға нақты қандай мамандар қажет екені жіті зерттелмегендіктен жастар алған дипломына сай жұмыс таппай жүр. Өңірде осы олқылықты болдырмау мақсатында биыл кәсіптік маман даярлау бағытында мем­лекеттік тапсырысты жүйелеу үшін 7 жұмысшы топ құрылған. Жұмысшы топ қоғамға аса қажетті мамандықтарды сара­лаған. Енді осы жаңа формат бойынша өңірге қажетті маман­дар даярланатын болады. Облыс әкімінің мәлімдеуінше, биыл мемлекеттік тапсырысқа рес­публикадан 3 млрд 900 млн теңге, ал облыстан 17 млрд теңге қаралған. Осылайша нақты іс арқылы кәсіптік білімнің сапасын көтеріп, облыс экономикасына қажетті мамандар тапшылығы мәселесін шешу көзделіп отыр. Айта кетелік, техникалық және кәсіптік білім беруде облыс­та 94 колледж 109 мамандық бо­йынша кадрлар даярлап келеді. Кеңесте 2017-2018 оқу жылында атқарылған жұмыстары мен алдағы міндеттер туралы баяндама жасаған облыстық білім басқармасының басшысы Исатай Сағындықовтың айтуынша, биыл өңірдің білім беру саласына 262 млрд 24 млн теңге қаралып, қаржы көлемі 2017 жылмен салыстырғанда 6 млрд 15 млн теңгеге ұлғайған. Өңірде 909 орта білім беру мекемелері бар. Мектептерді жаңа оқу жылына дайындау мақсатында жергілікті бюджет есебінен 863 мектепке ағымдағы жөндеу жұмыстары жүргізілсе, 83 білім беру нысанының құрылысы басталған. Басқарма басшысының айтуынша, орта білім беру мекемелерінде оқулықтармен қамтамасыз ету көрсеткіші толық орындалып отыр, сондай-ақ «Мектепке жол» акциясы бойынша 9604 оқушыға материалдық көмек көрсетілген. Ал өңірдегі 1381 мектепке дейінгі білім беру ұйымдарының 590-ы мемлекеттік, 791-і жекеменшік. Биыл жергілікті бюджет есебінен 188 балабақшаға ағымдағы, ал 280 балабақшаға күрделі жөндеу жұмыстары жүргізілді.

Айта кетелік, тамыз кеңесінде облыс әкімі 5 ұстазға «Облысқа сіңірген еңбегі үшін» медалін, 10 педагогқа облыс әкімінің Құрмет грамотасы мен Алғыс хатын табыс етті. Сонымен қатар 20 адам Білім және ғылым министрлігінің марапаттарына ие болса, 5 ұстаз облыстық мәслихаттың грамотасымен марапатталды.

Ғалымжан ЕЛШІБАЙ,

«Егемен Қазақстан»

Түркістан облысы

СОҢҒЫ ЖАҢАЛЫҚТАР

23.01.2019

Ресей 2020 жылғы Олимпиада ойындарына қатыспауы мүмкін

23.01.2019

Қытайдың ІЖӨ-нің өсу қарқыны ең төменгі деңгейге жетті

23.01.2019

Жас мамандарға пайдалы ақпарат (видео)

23.01.2019

Бокстан әйелдер арасындағы әлем чемпионатының қожайыны анықталды

23.01.2019

Футбол күнтізбесі жарияланды

23.01.2019

«Иван Ярыгин» турниріне қатысады

23.01.2019

Данияр Елеусінов шаршы алаңға наурызда шығады

23.01.2019

Маңғыстауда арнайы мониторинг тобының алғашқы отырысы өтті

23.01.2019

«Ойыншық» сабындар

23.01.2019

Мұстафа рухын іздеген қазақтар

23.01.2019

Тұранның тұғырлы тұлғасы

23.01.2019

Инновациялық идеяларды тиімді пайдаланса...

23.01.2019

Ғылым деңгейі неге төмен?

23.01.2019

Adasqandardyń aldy jón, arty soqpaq...

23.01.2019

Қайырымдылық байқауына іріктеу жалғасып жатыр

23.01.2019

Г.Әбдіқалықова Армения елшісімен кездесті

23.01.2019

Бес әлеуметтік бастама: Атқарар іс аз емес

23.01.2019

Ауылда отырып, аукционда жеңген фермер

23.01.2019

Өзгенің қаңсыған су көліктері неліктен біздің жағалауда қалуы тиіс?

23.01.2019

Нәрестелердің шетінеуі екі есеге жуық азайды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу