«Астананың» Еуропа лигасы топтық кезеңіндегі қарсыластары белгілі болды

48 команда УЕФА рейтингіндегі орнына қарай 4 қоржынға жіктелді. «Астана» екінші қоржынға орналасты. Жеребе қорытындылары бойынша, елордалық ұжым «К» тобына түсті. Топта «Астана» Украинаның «Динамо Киев», Францияның «Ренн», Чехияның «Яблонец» командаларымен ойнайды. 

Топтық кезең ойындары 20 қыркүйекте, 4, 25 қазан, 8, 29 қараша күндері және 13 желтоқсанда болады.