Қаржы • 04 Қыркүйек, 2018

Қазақстан Ұлттық Банкі базалық мөлшерлемені 9% деңгейінде сақтады

375 рет
көрсетілді
1 мин
оқу үшін

Қазақстан Ұлттық Банкі 3 қыркүйекте базалық мөлшерлемені +/-1% деңгейіндегі пайыздық мөлшерлемелердің симметриялық дәлізімен 9% деңгейінде сақтау туралы шешім қабылдады. 

Қазақстан Ұлттық Банкі базалық мөлшерлемені 9% деңгейінде сақтады

Өтімділікті беру мен алу операциялары бойынша мөлшерлемелер тиісінше 10% және 8% деңгейлерде сақталды. Бұл туралы бүгін Қазақстан Ұлттық Банкінің Төрағасы Данияр Ақышев Алматы қаласында өткен телевизиялық БАҚ өкілдеріне арналған брифингіде сөз сөйлеген кезде хабарлады. Ол ресми қайта қаржыландыру мөлшерлемесінің де базалық мөлшерлеме – 9 % деңгейінде сақталғанын атап өтті. «Жаңартылған болжамдарға сәйкес, біз инфляцияның төмендеу қарқындарының баяулау тәуекелдерін көріп отырмыз, яғни инфляция баяулайды, бірақ біз бұрын бағалағанннан гөрі баяу. Ағымдағы жылы өзінің қалпына келуін жалғастыратын ішкі сұраныс және тұтастай алғанда әлемдік экономика көрсеткіштерінің тарапынан проинфляциялық қысым күшеюде», - деді Д. Ақышев.

Осылайша, Қазақстан Ұлттық Банкі басшысының айтуынша, инфляцияның 2019 жылы 4-6%-дық болжамды дәліздің жоғары шегіне жақын болуы және 2020 жылдың соңында 4%-дан төмен дәлізден асып кету тәуекелдері ұлғаюда. Базалық мөлшерлеме бойынша кезекті шешім 2018 жылғы 15 қазанда Астана уақыты бойынша сағат 17:00 жарияланатын болады.