Зағип жандар смартфонды меңгеруде

Алматыдағы зағип және нашар көретін азаматтарға арналған республикалық кітапхана қызметкерлері қала маңында тұратын мүмкіндігі шектеулі жандарды қажетті кітаптармен қамтамасыз етуде жүйелі жұмыстарды жолға қойған. Әр аптаның сәрсенбі күндері кітапхана мамандары белгілі мекенжайлар бойынша тапсырыс берілген әдебиеттерді оқырмандарға жеткізіп тұрады. Бүгінде кітапхананың оқырмандары 2 мыңнан асатын болса, үйден тапсырыс беріп оқитындар саны – 45. 

Егемен Қазақстан
05.09.2018 3605
2

Сәрсенбідегі кезекті ісса­пар барысында кітапхананың ди­­ректоры Асхат Байұзақов пен кітапхана қорын сақтау және абонемент бөлімінің мең­ге­ру­ші­сі Айым Мұсабекова оқыр­мандармен кездесіп, ұсыныс-пікірлерін тыңдап, тиісті әдебиет­терді үлестірді.

Кітапты үйге жаздыртып алып оқитын оқырмандардың бірі – Нелли Бабина жасының кел­геніне қарамастан, кітап оқудан қол үзбеген жан. Осы жолы «Сва­рог», «По ту сторо­ну льда», «Я очень хочу жить» және жануарлар әлеміне қа­тысты кітаптарға тапсырыс берген екен. Наталья Саяпина да тұрақты оқырман ретінде ­поэзия, проза, әскери тақырып­­та­­ғы әдебиеттерді үзбей оқып тұрады. Оқитын кітаптарын үйге дейін жеткізетін кітапхана қызметкерлеріне алғысы шек­сіз. Валентина Сахбаева да кі­тап­хананың ұзақ жылдан бергі тұрақты оқырманы. С.Мұ­қа­нов­тың «Ботагөз» романын және С.Есениннің өлеңдері мен поэ­маларын оқып шықпақ ниетте.

Палина Манушина үшін де кітап оқу үлкен ғанибет. Жасы жетпістен асса да уақытының басым көпшілігін кітап оқып, немерелеріне арнайтын ол кітап­хана қызметкерлері келгенде бір мәре-сәре болып қалаты­ны бар. Ал Өтеген батыр кен­тінде тұратын Наталья Наумчак кейіннен зағип болған жан. Кі­тапхана қызметкерлерін ерекше көңіл-күйде қарсы алған Наталья Васильевна «Менің қазақ тілін үйренгім келеді» деп бастады әңгімесін. Өз ортасында хор­ға қатысатын жан үшін тіл біл­мегендігінен ұжыммен дидарласу қиынға соғуда. «Тілді смартфон арқылы игеруге болады. Телефоныма арнайы бағ­дарламаны жүктеп алдым. Бірақ ол үшін смартфонды қалай пайдалану қажеттігін үйренуім қа­жет», деді. Қызу әңгіме барысында талап білдірушілер болса Брайль қарпіне де үйретер едім деген ұсынысын білдірді.

«Ұсынысыңызды жергілікті әлеуметтік сала мамандарына жеткізіп, компьютер, смартфонды үйренуіңіз үшін кітапханаға келуіңізге көмектесуге тырыса­мыз», деді оқырман тілегін құп­таған кітапхана директоры. Кі­­­тап­хана мамандарының бір күн­гі жұмысы тиісті мекенжай­­лар­ға кітап таратумен жал­ға­сын тапты. Осы күні оқыр­ман­­дар­ға Ғ.Мүсіреповтың «Өмір жо­рығы», Ю.Семеновтың «Дип­ло­матический агент», В.Шук­шин­нің әңгімелер жина­ғы, Д.Ру­бинаның «Цы­ганка», Е.Гай­ва­ровскаяның «Наслед­ство» сияқ­ты кітаптары СД дискке, таспа­ға жазылып, Брайль қарпінде үлестірілді.

Көзі көрмегенімен кітап оқу­ды өмірінің бір бөлшегіне айнал­дырған мүмкіндігі шектеулі жан­дардың белсенді, көңілді әрі зерек екендігі олардың әрбір сөзі мен іс-қимылынан аңғарылады. Мынау әлемнің көріністерін өз қалпында көре алмағанымен, ішкі түйсігімен қабылдап, айна­ласындағыларға ерекше күш-жігер сыйлайтындай әсер береді. Оқыған әдебиеттері арқылы таным-түйсігін ғана дамытып қой­май, кітап оқуға уақыты жет­пей жүрген айналасындағы жа­қындарымен бөліскенді ұна­тады. Ерік-жігері шыңдалған зағип жандар заман ағысынан қалыспай, жаңашылдықтарды да дер кезінде меңгергісі келеді. Күнделікті жаңалықтарды есту арқылы және қағаз бетіндегі бедерлі нүктелермен танитын зағиптар үшін кітап, газет оқудың маңызы зор. Бүгінде кітапханада республика ай­мақтарына тегін таратылатын Брайль қарпіндегі «РБНСГ-Вести» және «Менің жолым» – «Мой путь» дыбысты газеттері жарық көріп тұрады.

Кітапхана директоры Асхат Құ­сайынұлы бүгінде қазақ тіл­­­ді кітаптарды көптеп шы­ғару қа­­жет­тілігін алға тартты. Оқыр­­­мандардың екі тілдегі әде­биет­­терге де сұранысы зор. Кі­тапхана қоры жыл сайын то­лықтырылып отырады. Бүгінде онда 250 мыңға жуық кітап пен басылымдар бар дегенімізбен де, соңғы жылдарда көптеп жарыққа шығып жатқан жас авторлар еңбектерін, қазақ тілінде шығып жатқан басқа да қызықты басылымдарды Брайль қарпінде шығару талабы туындап отыр. Орыс тіліндегі кітаптар Мәскеу және Петербордан жеткізілетін болса, елімізде қазақ тіліндегі кі­таптарды басатын өндіріс орындары кемде-кем.

Ал Брайль қарпімен қазақ тілінде шығатын кітаптар атал­ған кітапханада зағиптар қолы­мен жасалса, бұл бағыттағы жұ­мыс­тарды жетілдіру мақса­тында зағиптар қоғамымен бай­­ланыстар жалғасын табуда. Заман талаптарына орай за­ғип­тардың сұранысын өтеу уақыт күттірмейтін мәселе. Осы тұр­ғыдан алғанда кітапханада «Daisy» форматындағы кітап­тарды жасау, редакциялау жұ­мыстары, яғни арнайы студияда дыбыс арқылы жазылатын диск-кітаптарды жазу жұмыстарының өзіндік ерекшелігі бар. Дыбыстау жұмыстарына сырттан мамандар шақырылатындықтан, дыбыс ырғағына талғам жоғары. Жа­зылған дыбыс пен кітап маз­мұнының үйлесімі оқырман-тыңдаушының көңілінен шыға­тындай болуы керек.

Кітапханадағы тағы бір тоқта­лып өтетін мәселе, компьютер, смартфон тілін зағип жандар аса құлшыныспен игеруде. Техника тілін меңгеруге баулитын мамандар құрамы да зағип жандардан құралған. Бүгінде кітапханада жұмыс істейтін қызметкерлердің 20%-ін зағиптар құрайды.

«Кітапханашының міндеті оқырманға кітапты жеткізу болса, оқыту, үйрету мәселесіне әлеу­меттік сала мамандары қолдау көрсетуі қажет. За­ғип жандар да қоғамның ерекше қам­қорлығына зәру тобы бол­ғандықтан, олардың сұра­ны­сына жауап беріп отыру кез келген өркениетті елдің үлгісі», дейді Асхат Құсайынұлы.

Кітапханада сонымен қатар көру қабілетінен жүре айырыл­ған балаларды психология­лық қолдау кабинеті жұмыс істейді. Арнайы сабақтарда ма­мандар олардың әлеуметтік ортаға, яғни қоғамдық орындарда еркін жүріп-тұруы үшін әртүрлі кедергілерді, дыбыстарды ажыратуға бейімдеуі қажет.

Зағип жандар қоғамның бел­сенді мүшесі ретінде кітапхана қабырғасында өтетін «Ашық есік» күндеріне мәдени, спорт­­тық шараларға белсене қа­ты­сады. Ал кітапхананың бұл ба­ғытта қол­ға алған жұмыстары өз алдына бір бөлек.

 

Эльвира СЕРІКҚЫЗЫ,

«Егемен Қазақстан»

АЛМАТЫ

СОҢҒЫ ЖАҢАЛЫҚТАР

22.02.2019

ИИДМ көлік комитеті 2018 жылдың жұмысын қорытындылады

22.02.2019

Алматы облысында бекіре тұқымдас балық өсіріледі

22.02.2019

«Хромтау – Алтынсарин» темір жолы қалай салынды?

22.02.2019

2019 жылы республикалық маңызы бар 4,4 мың км автожол салынады және қайта жаңғыртылады

22.02.2019

Озық білімді жастар – өркениетті елдің өзегі

22.02.2019

Түркістан: Бәйдібекте жылына 70 млн кірпіш өндіретін зауыт салынады

22.02.2019

Түркістан спортшылары Токио олимпиадасына дайындықты бастады

22.02.2019

Есімғалидың алмағайып әлемі

22.02.2019

Жұмада Астана, Алматы мен Шымкент айырбас қосынында доллар бағамы түрлі бағытта өзгерді

22.02.2019

Оралдық оқушылар Гонконг университетінің грантына ие болды

22.02.2019

Мұқтаж отбасылар баспаналы болуда

22.02.2019

Жұма күні Қазақстанның батысы мен солтүстік-батысында жауын-шашын болуы мүмкін

22.02.2019

Мүгедек жандар үшін құнды құрылғы

22.02.2019

Қазақстанның футболшылары Молдованы ұтты

22.02.2019

Жекешелендірілген балабақшаларды неге қайтармайды?

22.02.2019

Конькиден әлем чемпионаты басталады

22.02.2019

Жамбыл өңіріндегі жақсы бастама

22.02.2019

Бағдарламаның жемісі айқын аңғарылады

22.02.2019

Туған жерге туыңды тік!

22.02.2019

Жолдау жүгін елмен бірге көтеріп жүр

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу