«Батыр бабалар» жолы «Атамекенге» әкеледі

Бүгінде «Рухани жаңғыру» бағдарламасы аясында Алматы облысында үш жүзден астам жоба жүзеге асырылып жатыр. Бірнеше бағыт бойынша жобалаған іс-шараларға 37,1 миллиард теңге қаражат қарастырылған. Ел мен жерді түлетуге бағытталған қаржының бір бөлігі меценаттар мен кәсіпкерлер тарапынан бөлінген екен. Мәселен, өткен екі жыл ішінде қалталы азаматтардың қаржылай қолдауы 9,4 млрд теңгеге жетті.

 
Егемен Қазақстан
07.09.2018 2619
2

Өңірдегі жұмыстарды үйлестіру мақсатында Талдықорған қаласында «Рухани жаңғыру» орталығы ашылған болатын. Ел аймақтары арасында алғашқы болып жасақталған жобалық кеңсенің жұмысы бағдарлама аясындағы істерді жүйелі атқаруға септігін тигізіп отыр. Қазір кәсіби мамандар тобы осы арнайы ғимаратта отырып, өңірдегі «Ру­­­ха­­ни жаңғыру» бағдарламасы бо­йынша атқарылып жатқан жұмыстарды қадағалап, талдау жасаумен айналысуда.

– Елбасы Нұрсұлтан Назарбаевтың «Болашаққа бағдар: рухани жаңғыру» мақаласы жарық көріп, нәтижесінде мемлекеттік бағдарламаның қабылдануы облыстағы жұмысқа жаңаша серпін берді. Әсіресе бағдарламаның «Туған жер» бағыты бойынша жергілікті билік пен өңірден шыққан азаматтар ара­сын­да байланыс орнап, екіжақты келі­сім­дерге қол жеткіздік. Нәтижесінде, бағ­дарламаға облыстағы ірі меценаттар мен кәсіпкерлер қолдау білдіріп, белсене атсалысуда. Бір ғана нақты мысал айтайын, осы бағдарлама аясында Қарасай ауда­нында Тұңғыш Президент – Елбасының «Атамекен» тарихи-мәдени орта­лығы, «Батыр бабалар» музейі жаңа­дан салынып, іске қосылды, – дейді Алма­ты облысының әкімі Амандық Баталов.

Облыс басшысының сөзіне арқау болған «Батыр бабалар» мемориалды кешені Қарасай ауданында былтыр ашылған еді. Жалпы көлемі 465 миллион теңге шамасында қаржы құйылған кешеннің іргетасынан шатырына дейінгі құрылысы демеушілердің көмегімен салынса, әрлеу, безендіру мен көркемдеу жұмыстарына жұмсалған қаржы ғана облыстық бюджеттен бөлінген екен. 

Қазақ тарихының қалың қатпарынан сыр шертетін шежірелік суреттермен әрленген бұл кешен бабалардың ерлік жолына қойылған ескерткіш сияқты. Киіз үй бейнелі мемориалды кешеннің іші-сырты ақ мәрмәр таспен қапталған. Көкке ұмтылған биік стелла болаттан құйылып, сүйірлене біткен күмбезді шатырға үйлесіп тұр. Мұндағы ежелгі сақ заманына арналған экспозицияның өзі бір әлем. Ұзындығы 15, ені 3 метр болатын Тұмар ханшайымның заманын бейнелейтін, сол кезеңдегі ұрыс даласына жетелейтін панораманың жөні және бөлек. Алтын адам дәуірінен жеткен жәдігерлер, тұтас дала өркениетінің бөлшегіндей көрінетін қолөнер мен ұста қолынан шыққан бұйымдар да ежелгі дүниеге шақыратындай...

Ал нысан қабырғасында мемлекет­­тілік шежіресі жылдар легімен өріліп, Қа­зақ хандығының құрылуы мен бүгінгі Тәуелсіз еліміздің арасындағы ғасыр­ларға созылған соқтықпалы-соқпақсыз тарихтың әр сәті көркем суреттермен безендіріліпті. Ғимарат іші құдды бір батыр бабаларымыздың заманы қазіргі ұрпағына «Ұлы дала тарихы осылай жазылған...» деп тіл қата жөнелетіндей көркемдік пен тылсым сырға тұнып тұр. Мемориалды кешенді аралауға Алматы маңындағы аудандардың мектеп оқушылары ынта танытып, жиі келеді екен. Тіпті тарих сабағын осында келіп өткізетін тәжірибе қалыптасуда.

Осы «Рухани жаңғыру» бағдарламасы аясында Алматы облысының Қарасай ауданында ашылған екінші айтулы нысан бар. Ол Шамалған ауылындағы Қазақстан Республикасының Тұңғыш Президент – Елбасының «Атамекен» тарихи-мәдени орталығы. Ашылғанына әлі жыл толмаған орталықтың бұл ауылдан салынуына үлкен мән бар. Шамалған – Елбасының кіндік қаны тамған ауыл. Әлем назарындағы Қазақстанның Тұң­ғыш Президенті Үшқоңыр тауының етегіндегі осы бір етек-жеңі жинақы елді мекеннен түлеп ұшқан еді. 

Айтпақшы, ауылда Мемлекет бас­шы­­­сының тағылымды өмір жолын өскелең ұрпаққа паш ететін тарихи-өлке­тану мұражайы 1998 жылдан бері келушілерге қызмет етіп келген болатын. Ал өткен жылы Тұңғыш Прези­дент күні мерекесіне орай есігін айқара ашқан «Атамекен» тарихи-мәдени орталығы шамалғандықтар ғана емес, тұтас еліміздің мақтанышы болатын­дай рухани кешенге айналды. Елбасы­ның өмір жолы мен қызметінен тағы­лымды сыр шертетін кітаптар мен экспонаттарды осы «Атамекен» тарихи-мәдени орталығынан тамашалауға болады. Құнды жәдігерлерді жинақтауға Шамалғандағы тарихи өлкетану мұра­жайы, орта мектептің ұжымы жұмылса, Мемлекет басшысының жазба еңбектері мен танымдық фотосуреттері, әр жыл­дарда жарық көрген кітаптары Елбасы кітапханасы мен Ұлттық кітап­хана мұрағатынан алынған. Ал орталықтағы келушілерді қызықтыратын экспонаттың бірі – Мемлекет басшысы пайдаланған үкіметтік автокөлік екен.

– Орталықтың алтын қорына жинал­ған барлық экспонаттар Елбасының балалық шағынан бастап егемен елдің Көшбасшысына айналғанға дейінгі кезеңді қамтиды. Мемлекетіміздің осы күнге дейінгі жүріп өткен сара жолынан сыр шертеді. Менің ойымша, ашылғалы бері бұл орталық өскелең ұрпақты отансүйгіштікке тәрбиелеуде, олардың санасын жаңғыртуда өзіндік елеулі үлесін қосты. Жалпы, қысқа мерзім ішінде «Атамекен» тарихи-мәдени орталығы барша қазақстандықтарды Елбасымен жақындастыратын рухани мекенге айналды, – дейді бұл жайында облыс әкімі Амандық Баталов.

Жалпы, Алматы облысында жаңа­­дан ашылған тарихи-танымдық орталық­тардан бөлек өңірдегі мәдени нысан­дардың қайта жаңғыруына ерекше көңіл бөлініп отыр. Мысалға, қазір облыс­тағы 243 мәдениет үйін күрделі жөндеу­ден өткізіп, ел игілігіне беру жұмыс­тары қызу жүріп жатыр. Бұл деге­ніңіз, есігіне қара құлып ілінген, көбі жеке­шеленіп кеткен ауылдардағы мәдени ошақтарды қайта түлетуге бағытталған қадам. Былтыр осындай ошақтардың жетеуі толық жөнделіп, қайта ашылса, биыл 11 руханият үйі жаңғырмақшы. Қалғаны кезекпен жасала бермек. Демек, «Рухани жаңғыру» бағдарламасы шын мағынасында ел ішіндегі мәдени-ағарту жұмыстарының екінші тынысын ашты деуге толық негіз бар.

Қалмаханбет МҰҚАМЕТҚАЛИ,

«Егемен Қазақстан»

Алматы облысы,

Қарасай ауданы

СОҢҒЫ ЖАҢАЛЫҚТАР

25.09.2018

Сенат комитетінде діни қызмет және діни бірлестіктер мәселелері туралы заң жобасы қаралды

25.09.2018

Игорь Чжан: Велосипедтің кесірінен жүлде алмадым

25.09.2018

Әл-Фараби атындағы ҚазҰУ QS рейтингінде тағы да алға жылжыды

25.09.2018

142 үміткерге «Болашақ» стипендиясы тағайындалды

25.09.2018

Жақсы өсім - нәтижелі жұмыстың кепілі

25.09.2018

Инвесторлармен ортақ келісімге келді

25.09.2018

«Egemen Qazaqstan» газетінің журналисі марапатталды

25.09.2018

Қазақстан Экономикалық ынтымақтастық ұйымын нығайтуға және реформалауға шақырды

25.09.2018

Қазақстан Нельсон Мандела Бейбітшілік саммитіне қатысты

25.09.2018

Астана тұрғыны 10-қабаттан құлаған баланы тосып алды

25.09.2018

Қ. Қасымов ұялы телефондар ұрлығының жолын кесу шаралары туралы айтып берді

25.09.2018

Назарбаев Университетінде тың жобалар таныстырылды

25.09.2018

Нәубәт Қалиев қайтыс болды

25.09.2018

Үкіметте өңірлерді дамытудың 2020 жылға дейінгі мемлекеттік бағдарламасының жобасы мақұлданды

25.09.2018

Астаналық журналистің өліміне қатысты күдіктіні іздеу шаралары басталды

25.09.2018

АӨК цифрландыру аясында 20 цифрлық және 4000 дамыған ферма құрылады

25.09.2018

Жағажай волейболынан әлем чемпионатының іріктеу турнирі өтеді

25.09.2018

«Барыс» Мәскеуде «Динамоны» ұтты

25.09.2018

Бүгін Бакуде белдескен қос балуанымыз ұтылды

25.09.2018

«Хат қоржын» (25.09.2018)

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Tirshilikti mádenıet bıleıtin qoǵam

Osy ýaqytqa deıin jeke adamnyń tirshiligin, turmys jaǵdaıyn onyń bilimi men eńbekqorlyq qasıetiniń bılep kelgendigi belgili. Adamdar kóp jaǵdaıda qoǵamnan bilimine saı oryn alyp otyrdy. 

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу