Күйіков БҰҰ мінберінен сөз сөйледі

БҰҰ Бас Ассамблеясы Ядролық сынақтарға қарсы іс-қимылдың халықаралық күнін алғаш рет жоғары деңгейдегі ресми пленарлық отырыс форматында атап өтті. Оған қазақстандық суретші, АТОМ жобасының Құрметті елшісі Кәріпбек Күйіков арнайы қонақ ретінде қатысты.

Егемен Қазақстан
10.09.2018 1924
2

К.Күйіков БҰҰ мінберінен сөйлеген сөзін: «Мен ядролық қарудан зардап шеккен және сынақтардан құрбан болған барлық адамдардың атынан сөз қозғаймын. Бүгін Қазақстанның ядролық сынақтардан көрген бүкіл қасіреттері мен зардаптарын тағы бір еске салуға болады», деп бастады. Одан әрі К. Күйіков өз ғұмыр жолының тарихын баяндап, өмірінің 25 жылын қылқаламды тісімен және аяқтары көмегімен қозғалтып сурет салу арқылы ядролық қа­ру­сыз әлем үшін күресуге арна­ғанын атап өтті.

Ол сондай-ақ Қазақстан Пре­зи­денті Нұрсұлтан Назарбаевтың Семей ядролық сынақ полигонын жабу туралы шешімі бүкіл әлемге Қазақстан таңдаған бейбітшілік пен ізгілік жолын көрсеткеніне және басқа елдерге лайықты үлгі болғанына назар аударды. Нақты сегіз мемлекеттің – Мы­сыр, Үндістан, Иран, Израиль, КХДР, Қытай, Пәкістан және АҚШ-тың тиісті қадамдарына байланысты Ядролық сынақтарға жаппай тыйым салу туралы шар­тының өз күшіне енетіне орай, оларды ЯСЖТШ-қа қол қою­ға және ратификациялауға ша­қыр­ды. «Сіздерге әлемді одан әрі жақ­сартып, өзгертетін уақыт кел­ді», деп мәлімдеді К.Күйіков.

БҰҰ Бас Ассамблеясының төр­ағасы Мирослав Лайчак өткіз­ген отырыс барысында БҰҰ Бас хатшысы Антониу Гутер­риш, Ядролық сынақтарға жаппай тыйым салу туралы шарт ұйымы­ның атқарушы хатшысы Лассина Зербо, сондай-ақ 27 мемлекет және өңірлік топтардың өкілдері сөз сөйледі.

«Бүгін біз Ядролық сынақ­тарға қарсы іс-қимылдың халық­аралық күнін атап өту үшін жи­налдық. Біз бұндайды көп рет өткіздік. Бірақ бүгін біз бірінші рет жоғары деңгейдегі ресми отырыс форматында кездесіп отырмыз. Біз Қазақстанға күш-жігері үшін және осы отырыс үшін алғысымызды білдіруіміз керек», деп мәлімдеді М.Лайчак БҰҰ Бас Ассамблеясы отырысының ашылуында.

БҰҰ Бас хатшысы А. Гу­тер­риш өз сөзінде кең ауқымды ядролық сынақтардың құр­бан­дарын ұмытпауға шақырды. Ол әлемнің көптеген өңірлерінің адамдары 2000-нан астам яд­ролық сынақтардың зардабын тартып отырғанын атап өтті. Бас хатшы ЯСЖТШ-ның күшіне енуі үшін барлық күш-жігерді салу қажеттілігіне назар аударды.

Отырыста басқа да қаты­сушылар, Қазақстанға ядролық қаруды таратпау саласындағы жетекші рөлі үшін алғысын білдіре отырып, бұл мәселені халықаралық қоғамдастықтың басты назарында үнемі ұстап тұрудың маңыздылығын атап өтті. Сонымен қатар ядролық қа­ру­дан азат әлем құру үшін ядро­лық сынақтарға жедел түрде ты­йым салу шараларына айрықша назар аударылды.

Қазақстанның БҰҰ жанын­дағы Тұрақты өкілі Қайрат Ома­ров өз сөзінде Қазақстанның яд­ро­лық тарихының қайғылы бет­терін ядролық қару мен олардың салдары адамзаттың игі­лікті әрі қауіпсіз болашағымен үйлесімсіздігінің жарқын мысалына теңеді. «Дүниежүзілік қоғам­дастықтың басым көпшілігі Ядро­лық сынақтарға жаппай тыйым салу туралы шартқа қол қою және оны ратификация­лау арқылы сенімділік пен ізгі­лік амалдарын таныта білді. Осын­дай игілікті әрекеттер мен өзара се­німді нығайту шаралары әлемді ядролық сынақтардың қауіп-қа­терінен түпкiлiктi құтқаруға мүм­кіндігі бар қалған азшылықтан талап етілуде», деді Қазақстан елшісі.

Айта кетейік, Ядролық сы­нақ­тарға қарсы іс-қимылдың халық­аралық күні 2010 жылдан бастап аталып келеді. Бұл күн Қа­зақ­станның бастамасы бойынша 2009 жылдың желтоқсанында БҰҰ Бас Ассамблеясының 64/35 қа­рарымен қабылданған. Ал 2017 жылғы желтоқсанда қабылданған қарарға сәйкес, аталған күнді Бас Ас­самблеяның жоғары дең­гей­­дегі ресми отырыстары фор­мат­ын­­да атап өту мүмкіндігі бекі­тілген.

Дайындаған

Жолдыбай БАЗАР,

«Егемен Қазақстан»

СОҢҒЫ ЖАҢАЛЫҚТАР

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу