Жаратылыстану пәндері ағылшынша оқытылады

Жаңа білімді терең меңгеру мектептердің материалдық-техника­лық жабдықталуына, оқытудың сапалық мазмұнын артты­руға, ұстаздардың біліктілігін жетілдіруге, заманауи техно­логияларды қолдануға тікелей байланысты екені талас тудырмайды.

Егемен Қазақстан
12.09.2018 3778
2

Жаратылыстану пәндері ағылшынша оқытылады

Елбасы «Төртінші өнеркә­сіп­­тік революция жағдайындағы дамудың жаңа мүмкіндіктері» атты Жолдауында барлық жас­та­ғы азаматтарды қамтитын бі­лім беру ісінде өзіміздің озық жүйе­­мізді құруды жеделде­ту қа­жеттігін атап көрсеткен бо­ла­тын. Айталық цифрланды­ру­­ды, 3D-баспаға негіз­дел­ген Big­Dataны, биотехно­логия­лар­дың, жүргізушісіз автокөлік пен меди­цинаның жинақтау және талдау әдістерін дамыту, индустриялан­дыру талаптарына сәйкес жаңа ма­мандықтарды енгізу – бүгін­гі жаһандану үрдісіне тән құбы­лыстар.

Осыған орай білім беру бағдарламаларының басымдығы өзгерістерге үнемі бейім болуға аударылып, жаңа білімді меңгеру қабілетін күшейту талап етіліп отыр. Инновациялық білім жүйе­сін дамыту мақсатында өңір ұстаз­дары биылдан бастап жерг­і­лікті Назарбаев зияткерлік мектебінің тәжірибесін басқару, оқыту, білім беру және тәрбиелеу, сонымен қатар педагогтердің кәсіби деңгейін арттыру істе­рін­де қолданбақ. Елімізде пе­дагог­терді аттестаттаудың жа­ңа жүйесі енгізілгені белгілі. Жа­ңа фор­маттағы аттестаттау нәти­жесінде облыста жаңа 1599 ұстаз­дың жалақысына үстеме қосыл­мақ. Ал келер жылы химия, био­логия, информатика, физи­ка пәндері жаңартылған бағдарлама бойынша ағылшын тілінде оқытылып, еңбекақы 30 процентке ұлғаяды. Оқушының білімі мен оқудағы табысы нақты критерий мен дескрипторлар бойынша сараланып, бағалау жүйесіндегі шынайылыққа қол жет­кізіледі. Қазіргі уақытта мек­­тептерде жаратылыстану ғы­лым­­дары пәндерін ағылшын тілін­де оқытуға басымдық беріле бас­­тады. Мұндай тәжірибені 57 мектеп қолданады. Алдағы жы­лы олардың саны 205-ке дейін кө­бей­мек. Түрлі байқауларға 1,5 мыңнан астам оқушы қаты­сып, 320 жүлделі орынға қол жет­кі­зілді. Жалпы білім беру пәндері бойынша өткен респуб­ли­калық олим­пиадада солтүстік­қазақ­стан­дық команда екінші орынды иеленді.

Ара мен жібек шаруашылығына даярлауда

 Жолдау талаптарының бірі – білім беру жүйесін «цифр­лы дәуір» кезеңіндегі индустрия­ландыру талаптарына бейімдеу. Облыста 12 жылдық білім беру моделіне негізделген ақпарат­тық-білім беру ортасы қалып­тас­қанын айта кеткен жөн. Цифр­лан­дырудың жол картасын жү­зеге асыру шеңберінде барлық білім ордаларындағы интернет жылдамдығы 20 мбит/с-ке дейін жеткізіледі. Қазір жылдам интернетке қосылған мектептердің үлесі 80%-ті құрайды. Жыл аяғына дейін осы жүйемен толық қамтамасыз етіледі. Ұстаздар «Білімland» сандық білім беру платформасы мен өзге де цифрлы ақпараттық ресурстарды тұрақты пайдалана бастады.

Облыс орта­лығында «смарт-балабақша» мен «смарт-мектеп» жобалары іске қосылды. №1 жалпы білім беру ли­цейінде ІТ-лицей жобасы енгізіліп, оқыту пәнаралық инте­г­рациялар негізінде атқары­лады. «БЭСТ» гимназиясында мем­лекет-жекеменшік әріптес­тігі негізінде «Е-асхана» моду­лі қолданылмақшы. Өзге білім ошақ­тарында да STEM-техно­ло­гияларын енгізу арқы­лы бас­қарудың негізгі процес­­те­рі автоматтандырылған жүйеге көшіріледі. 2016-2019 жыл­дарға арналған мемлекеттік бағ­дар­ламада мектептерде инклю­зивті білім беру жүйесін жетіл­ді­руге және ерекше білім беру­ді қажет ететін балалар үшін инте­грациялық оқытудың модульдік жоспарын құруға ерекше назар аударылған. 339 мектепте инклюзивті білім беру үшін қажетті жағдай жасалған. 830 сыныпта ерекше білім беруді қажет ететін балалар өзге оқушылармен бірге оқиды. Алдағы уақытта ресурстық, инклюзивті қолдау сыныптары ашылады. «Солтүстік Қазақстан кәсіптік даярлық және қызмет көрсету» жекеменшік мекемесі алғаш рет «Ара өсіру және жібек шаруашылығы» ­ма­ман­дығына мемлекеттік тапсырыс алып, түлектерді осы кәсіп тү­рін игеруге бейімдейтін болады.

Оқушылар сарайы ашылады

Әр білім ошағында жеке тұл­­­­ғаның адамгершілік-руха­ни қасиеттерін дамытуға ықпал ете­тін орта құру – жаңа мазмұн­дағы білім берудің басты қағи­даттарының бірі. Осы орай­да жуырда пайдалануға бері­летін Оқушылар сарайы әлем­дегі ең озық техникалармен жаб­дықталған бірегей орталыққа айналмақ. Оның жұмысы жоба­лық-зерттеулерге, ғылыми-тех­никалық шығармашылықты да­мытуға бағытталады. Онда балалар мен жастардың бос уа­қытын пайдалы өткізуіне және дамуына ықпал ететін экспло­раториумды инновациялы IT-орталығы, «Multiplace Cowor­king» аймағы құрылады. Бағдар­ламалау және графикалық дизайн зертханалары, роботты техника құрылымдау, анимациялық студиялары, голография, каркасты-вакуумды кинотеатр, электромобильдер, басқа да технологиялар болады.

Кәсіптік және техникалық білім беру жүйе­сінің алдында да зор міндет­тер тұр. Мағжан Жұмабаев атын­дағы гуманитарлық колледж­ге қолданбалы бакалавриат, ал өзгелеріне модульді білім беру бағдарламасы енгізілуде. «Цифр­лы Қазақстан» бағдарламасы шеңберінде 6 колледжде ІТ-ма­­мандықтар бойынша кадр­лар даярлау ісі қолға алынды. Биз­нес-қауым­­дас­­тықтардың тех­никалық және кәсіптік білім беру мекеме­л­е­рінің жұмысына деген қызығушы­лы­ғын арттыру үшін колледж­дерді жауапкершілігі шектеулі серіктестіктер мен ком­мерциялық емес акцио­нер­лік қоғамдардың ұжым­дық басқаруына беру мәсе­лесі қа­растырылуда. Ірі кәсіп­ор­ын­дардың колледждерді бас­қару және мамандық иелерін даярлау ісіне қатысуы инвести­ция тартуға, нарықтық жағдай­ға бейімделуіне әсер етері сөз­сіз. Петропавл құрылыс-экономи­калық колледжінде жауапкер­ші­лігі шектеулі серіктестік ре­­­тінде құқықтық формасын енгі­­зу­дің алғышарттары жасал­ды. Жергілікті колледждер 4 жыл­дан бері «Серпін-2050» бағ­дарламасы бойынша оңтүстік өңір­лердің мектеп түлектерін қабылдап келеді. Оқу бітіргеннен кейін оларға жұмыс орындары ұсынылады.

Қазақ мектебі салынуда

Таяуда ұстаздар қауымының тамыз кеңесіне қатысқан өңір басшысы Құмар Ақсақалов Петропавл қаласында соңғы білім ғимараты 11 жыл бұрын салынғанын айтқан болатын. Қазір 1500 орынға лайықталған 2 қазақ мектебінің құрылысы басталды. Қызылжар ауданында мемлекеттік тілде білім беретін білім ордасын тұрғызу жоспарланған. Соңғы бес жылда жөндеу жұмыстарына жылына 300 миллион теңге бөлініп, ғимараттардың 10 проценті ғана қалпына келтірілсе, келесі жылы қаржы 10 есе артық бағытталады. Ал 2019 жылы 5 миллиард теңгеге 120 мектеп жөнделеді. Жыл сайын 300-400 компьютер жаңартылса, келесі жылы 4 мың компьютер сатып алынбақ.

 Білім үйлерінің 80 проценті шағын жинақты мектептер бол­ғандықтан қаржыландыру жа­ғынан тиімсіз екені жиі көте­ріліп жүр. Осы жағы ескеріліп, Құмар Іргебайұлы «Уақытша отбасы» жобасын жүзеге асырудың міндеттерін белгілеп берді. Оған сәйкес өзге ауылдарда оқитын оқушылар интернатта емес, патронатты отбасыларда тұрады. Ондай шаңырақтарға арнайы төлемақы беріледі. «Дипломмен – ауылға!» бағдарламасы бойын­ша жұмысқа орналасқан жас мамандарға баспана салып беру жолдары да қарастырылған. Бұл мақсатқа жеке кәсіпкерлер тартылып, экономикалық әлеуеті зор елді мекендердің мүмкіндіктері кеңінен пайдаланылмақ.

 

Өмір ЕСҚАЛИ,

«Егемен Қазақстан»

Солтүстік Қазақстан облысы

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу