Межелі жоспарға жету көзделді

Кеше Премьер-Министр Бақытжан Сағынтаевтың төрағалығымен өткен Үкімет отырысында Жастарды әлеуметтендіру және жұмыспен қамту бойынша жол картасының жобасы қаралып, Астана қаласының 2019-2023 жылдарға арналған жинақы құрылысы жөніндегі кешенді жоспары таныстырылды. Сонымен қатар биылғы егін жинау жұмысының барысы баяндалды. 

 

Егемен Қазақстан
19.09.2018 2309
2

2,1 млн жас жұмыспен қамтылды

«Халықаралық еңбек ұйымы» келтірген ақпарат бойынша, соң­ғы 20 жыл ішінде әлемде жас­тар саны 139 млн адамға артып отыр. Бұл туралы Қоғамдық даму министрі Дархан Кәлетаевтың баяндамасында кеңінен айтылды. Жастарды әлеуметтендіру және жұмыспен қамту бойынша жол картасының жобасымен таныстырған министр, елімізде жұмыссыз жастардың саны жыл сайын кеміп келе жатқанын тілге тиек етті. Оған мысал, 14 пен 29 жас аралығындағы жұмыссыз жас­тардың үлесі 2001 жылы 18,6 процентті құраса, биыл жұмыс­сыздық деңгейі 7,7 процент­ке кеміген. Жұмыссыздық дең­гейінің төмендеу көрсеткішін Білім және ғылым министрі Ерлан Сағадиев те растап, 2015 жылмен салыстырғанда жас­тар арасындағы жұмыссыздық 4,2 проценттен 2017 жылы 3,8 про­центке дейін кемігенін жеткіз­ді. Оның айтуынша, осындай нәтижеге қол жеткізуге «Жұмыспен қамтудың жол картасы-2020», «Жасыл ел», «Дип­ломмен – ауылға!», «Жастар практикасы», «Мәңгілік ел жастары – индустрияға! («Серпін»)» секілді және тағы басқа әлеуметтік бағдарламалар мен жобалар мұрындық болған. Мысалы, 2014 жылдан бастап іске асырылып келе жатқан «Серпін» жобасы аясында 9 облыстағы 26 жоғары оқу орнында 12 344 студент және 7 өңірде 37 колледжде 2276 студент білім алуда. Әсіресе әлеуметтік жағынан аз қамтылған және көп балалы отбасылардан шыққан балалар аталған жоба арқылы оқуға мүмкіндік алып отыр. Бұған қоса өткен жылдан бастап баршаға арналған тегін техникалық-кә­сіптік білім беру жобасы іске асырылуда. Жоба шеңберінде колледждерде мемлекеттік білім беру тапсырысы 54 процентке дейін көбейді. 

Еңбек және халықты әлеуметтік қорғау министрі Мәдина Әбілқасымова өз баян­дамасында 2018 жылғы ІІ тоқ­санның қорытындысы бойын­ша жастар арасындағы жұмыс­сыздық деңгейі 3,8 процентті құ­райтынын жеткізді. Бұл дегеніміз бүгінде 82,4 мың адам жұмыссыз ретінде тіркелгенін көрсетеді. Ал жұмыспен қамтылған жастардың жалпы саны 2,1 млн адам. Оның ішінде 1,5 миллионы жалдамалы жұмыскерлер болса, 456 мыңы өзін-өзі жұмыспен қамтығандар қатарына жатады. Еліміздегі жастардың 36 проценті – жоғары білім, 39 проценті арнайы орта білім алған. Ал қалған 25 процент негізгі білім алған жастарға тиесілі болып отыр. Елімізде жыл сайын 21 мыңнан астам адам техникалық және жұмысшы кәсіптеріне оқытылады. 

Елорда тұрғындарының саны 2 млн-ға жетпек

Үкімет отырысында елорда әкімі Бақыт Сұлтанов Астана қа­ласының 2019-2023 жылдарға арналған жинақы құрылысы жөніндегі кешенді жоспарымен таныстырды. Аталған жоспар бойынша Астана қаласындағы 25,7 мың гектардан 15,4 мың гектарға дейінгі аралық, оның ішіне Мыңжылдық аллеясы мен «Нұрлы жол» вокзалы, Мәңгілік Ел даңғылы, Тұран даңғылынан батысқа қарай, Тельман кентінен оңтүстікке қарай және Асан Қайғы көшесі аумағын жаңарту көзделіп отыр. Әкімнің келтірген дерегіне сәйкес, халықтың көші-қон және туу көрсеткіштерінің өсуі есебінен халық санының жыл сайын орташа есеппен 2,5 есеге ұлғаюы мүмкін. Сөйтіп бас қаланың тұрғындары 2030 жылға қарай шамамен 2 млн адамға жетпек. Халық санының артуына байланысты туындаған мәселелерді шешу жолдарын Премьер-Министрдің бірінші орынбасары Асқар Мамин былай түсіндіреді:

− Жоспарға сәйкес, 2023 жылға қарай қала тұрғындарының саны 1,5 млн адам болады деп есеп­телген. Қала халқының саны артқан жағдайда тұрғын үймен қамтамасыз ету және құрылыс, инженерлік инфрақұрылымды салу, орта білім беру, денсаулық сақтау, мәдениет нысандарын салу мәселелері туындайтыны анық. Осы жоспарда аталған мәсе­ле­лер бойынша нақты шаралар қарастырылған. Жоспар бойын­ша алдағы 5 жылда 10 млн шар­шы метр тұрғын үй салынып, 546 мың адам баспанамен қам­тамасыз етіледі. Бұған қоса, 37 мектеп, 13 денсаулық сақтау ны­санының құрылысы жүргізіледі. Кешенді жоспарда мемлекеттік-жекеменшік әріптестік тетігін қолдану арқылы жобаларды іске асыру қарастырылған. Жалпы қаланың дамуына 6 трлн теңге жекеменшік инвестиция тартылады, – деді А.Мамин. Ал қа­ла әкімі Б.Сұлтановтың айтуын­ша, Астана қаласынан респуб­ли­калық бюджетке жыл сайынғы тү­сім­дер 14 процентке, 2018 жыл­ғы 823 млрд теңгеден 2023 жы­лы 940 млрд теңгеге дейін өседі. 
Сонымен қатар қала әкімі елордада жаңбыр суларын жинау алаңы 10 гектарға ұлғаятынын ха­барлады. Нақты шешімді қа­жет­сінетін Астананың өзекті мәсе­лелерінің бірі нөсер кәрізі екеніне тоқталып, 2019 жылдың соңына қарай тазалау құрылыстарын реконструкциялау және жаңаларын салу жұмыстары жоспарланатынын айтты. «Бұл 17 мың гектар ауданды қамтуға және жер үстіндегі сулардың кедергісіз кетуіне мүмкіндік береді», деді Б.Сұлтанов. Оның айтуынша, су жинаудың жалпы алаңы 13 мың гектардан 23 мың гектарға дейін ұлғаяды. 
2019-2023 жылдарға арналған жинақы құрылыс жөніндегі кешенді жоспар туралы баяндамалар аяқталған соң, Премьер-Министр Бақытжан Сағынтаев Мемлекет басшысының «Ас­та­на экономикасы бәсекеге қабілетті, өмір сапасы жоғары және қоршаған ортасы жайлы, көп функционалды қала ретінде дамуы тиіс» деп шегелеп айтқан тапсырмасын тілге тиек етіп, Астана әкімдігіне және барлық мүдделі мемлекеттік органдарға кешенді жоспардың іс-шараларын уақтылы әрі сапалы орындауды тапсырды.

Биыл экспортқа шығарылатын астық көлемі – 9 млн тонна

Премьер-Министрдің орынбасары – Ауыл шаруашылығы министрі Өмірзақ Шөкеев өз баяндамасында егін жинау нау­қаны қазан айының бірінші он­күндігінде аяқталатынын айтты. Оның айтуынша, қазіргі таңда 8,9 млн гектардан 11,2 млн тонна астық алынып, түсім гектары­на 12,5 центнерді құрады. Оңтүстік облыстарда 86 процент, батыс облыстарда – 89 процент, солтүстік, орталық және шығыс облыстарда 56 процент дәнді дақыл жиналды. Алдағы уақытта 6,1 млн гектар алқаптан дәнді дақыл жиналады деп күтілуде. Қолда бар егін жинайтын ком­байн­дардың күндік өнімділігі 800 мың гектарға жуық және ауа райы қолайлы болған жағдайда егін жинауды қазан айының бірінші онкүндігінде аяқтауға мүмкіндік бар. Бұған қоса, биыл елімізде 20 млн тонна дәнді дақыл жиналмақ. 

− Ағымдағы жылы дәнді дақылдар 15 млн гектар алқаптан жиналатын болады. Оның ішінде бидай 11,1 млн гектарды құраса, ал майлы дақылдардың жиналатын алқабы 2,8 млн гектар. Бұл көрсеткіш өткен жылғы дең­гейден 400 мың гектарға артық болып отыр. Республика бо­йынша 20 млн тонна дәнді дақыл жиналады деп болжануда. Майлы дақылдар өндіру көлемі 2,3 млн тонна деңгейінде болады деп күтілуде, – деді Ө.Шө­кеев. Министрдің айтуын­ша, көрсетілген көлемдер ас­тық­тың экспорттық әлеуетін 
9 млн тоннаға дейін, майлы дақылдардың экспортын 1 млн тоннаға дейін жеткізуге және май шығаратын кәсіпорындарды шикізатпен қамтамасыз етуге мүмкіндік береді. 

Шілде-қазан айларының ара­лығында егін жинау жұмыс­тарына 394 мың тонна дизель отыны жұмсалған. 14 қыркүйек­тегі жағдай бойынша егін ора­ғын жүргізуге 268 мың тонна дизель жөнелтілді. Жалпы бү­гін­ге дейін жіберілген дизель оты­нының көлемі 68 процентті құ­райды. Өңірлерде қыркүйек айында шаруаларға жеткізіп беру бағасын қоса алғанда, дизель отынының орташа бағасы литріне 165 теңгені құрап отыр.
Сонымен қатар Ө.Шөкеев жауын-шашынның әсерінен негізгі астық егетін өңірлер был­тыр­ғы жылмен салыстырғанда егін жинау кестесінен 20-25 процентке қалып келе жатқанын айтты. Бақытжан Сағынтаев болса, қазіргі ауа райын тиімді пайдаланып, егін жинау жұмысын уақтылы аяқтауды тапсырды.

Еркежан АЙТҚАЗЫ,
«Егемен Қазақстан»

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу