Тарихи атаулармен түрленеді

Егемен Қазақстан
19.09.2018 2320
2

Бас жоспары жасалып жатқан Түркістан қаласы қай бағытта дамиды? Бір анығы – қаланың өзегі ұлттық рухани құндылықтар, оның ішінде тарихы, тілі мен дәстүрі болып айқындалған. Қаланың ертеңгі тіршілігін айқын­дайтын жобаларды бекітуге ұсыну­шылардың мәлімдеуінше, Түр­кістан түрленіп тарихын жаңғыртады, мемлекеттік тілді төрге оздырып, дәстүрді дәріп­тейді. Көшелер мен алаңдар өткенге сәуле түсіретін әуезді атауларды иеленіп, көше, ғимарат атаулары латын графикасындағы қазақ тілінде сөйлейтін болады. 

Олай деуімізге қолдау тапқан «Түркістан облысының әкімшілік-аумақтық бірліктерін қайта атау туралы» және «Түркістан облысы Түркістан қаласының атауы жоқ көшелеріне атау беру туралы» облыстық мәслихат шешімінің жобасы да себеп болып отыр. Осы шешімге сәйкес, Түркістан қаласындағы «32-Разъезд» елді мекені Қарсақты болып өзгер­тілсе, «30-Разъезд» елді мекені Ескі Сауран деп аталады. Сонымен қатар Түркістан қала­сындағы аты жоқ 330 көшеге атаулар беріледі. Осыған сәйкес облыс орталығында Күлтегін, Қазтуған жырау, Ханқорған, Алты Алаш, Мәңгілік Ел, Елім-ай, Болат хан, Күлтөбе және өзге де көшелер пайда болады. Тағы бір белгілісі Түркістанды білімге құштар жастардың қаласына айналдыру көзделген. Бұл орайда Қожа Ахмет Ясауи атындағы Халықаралық қазақ-түрік универ­ситетінің жанынан әлемнің озық тілдерін үйрететін орталық құру жолдары қарастырылмақ.

Жаңадан бой көтеретін нысандар да аса биік болмай, шығыстық қалыпта салынбақ. Ал енді құрылыс компаниялары мұндай талаптарды орындай ала ма, ол екінші мәселедегі әңгіме. Жуырда Түркістан облысының әкімі Жансейіт Түймебаев «Хайвилл Қазақстан» компаниясының бас директоры Джон Дэ Кангты қабылдаған болатын. Әрине әңгіме Түркістан қаласын дамыту мен екіжақты әріптестікті күшейту төңірегінде өрбіген. Кореялық құрылысшыға Түркістан қала­сын дамыту Елбасы Нұрсұлтан Назарбаевтың тікелей бақы­лауында тұрғанын ескерткен облыс әкімі қазірдің өзінде ғимараттар салуға көптеген компаниялар қызығушылық танытып отырғанын да құлаққағыс етті. Бірге жұмыс істеуге шақырды. Келіссөз сәтті аяқталса, жер беріліп, инфрақұрылым тартыла­тынын да, заман талабына сай нысандарды салуға мүм­кіндіктері бар екенін де білдірді. Ал «Хайвилл Қазақстан» компа­ниясының бас директоры Джон Дэ Канг Түркістан қаласында түрлі әлеуметтік нысандар мен көпқабатты үйлер салуға ниетті екенін жеткізді. 

Облыс орталығын дамыту, бірінші кезекте қажетті нысандар құрылысын қарқынды жүргізу бүгінде күн тәртібіндегі маңызды мәселе. Дегенмен облыс әкімдігі өңірге инвестиция тартуды да назардан тыс қалдырған емес. Жуырда Түркістан облысының делегациясы Анкарада өткен Қазақстан-Түркия бизнес-форумында Түркияның ірі хол­дингтері мен компаниялары басшыларымен келіссөздер жүргізді. Нәтижесінде Түркия­ның «DAL Holding Investment Company» холдингі Түркістан облысының 200 га жер аумағында инвестициялық құны 500 млн АҚШ долларын құрайтын жылыжай салуға ниет білдіріпті. Жобаны жүзеге асыру барысында жылыжай аумағында тоңазытқыш әрі көкөніс қоймасы салынып, 1000-нан астам жұмыс орны ашылады. Ал түркиялық «Dilmen Dekorasyon inş. Taah. Tic. Ltd Şti» атты компаниясы келесі жылы Түркістан облысында жиһаз шығаратын фабриканың құрылысын бастамақ. Тартылатын инвестиция көлемі – 5 млн АҚШ доллары. Форум барысында «Çalık Enerji» және «Zorlu Holding – Zorlu Enerji» атты ірі компаниялар 50 МВт қуаты бар күн электр стансаларын салуға дайын екендерін білдірген. Жобаның жалпы құны 120 млн АҚШ долларын құрамақ. Осындай нәтижелі келіссөздер қорытындысы бойын­ша Түркістан облысы әкімдігі мен ірі түрік компанияларының арасында жалпы инвестиция көле­мі 625 млн АҚШ долларын құрай­тын 4 меморандум түзілген. 

Ғалымжан ЕЛШІБАЙ,
«Егемен Қазақстан»

Түркістан облысы

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу