Сонымен қатар, филиалдың ашылу салтанатында Президент жанындағы Мемлекеттік басқару академиясының ректоры Фатима Жақыпова және Алматы, Қызылорда, Түркістан облыстары мен Алматы, Шымкент қалаларының аумақтық департаменттерінің басшылары да болды. Алик Шпекбаев өз сөзінде Мемлекеттік басқару академиясының өңірлердегі филиалдарының ашылуы еліміздегі мемлекеттік қызметшілердің дамуына айтарлықтай үлес қосатынын айтып өтті.
Тараз қаласында орналасқан Академия филиалы елімізде мемлекеттік қызметкерлерді оқытудың бірыңғай жүйесін құру шеңберінде ашылған болатын. Сонымен қатар, аталмыш филиал өңірдегі мемлекеттік қызметшілердің біліктілігін арттыруға арналған. Орта есеппен алғанда, филиал базасында облыстағы мемлекеттік органдардың екі мыңға жуық қызметкері қайта даярланып, біліктілігін арттыра алады. Академия филиалы мемлекеттік басқарудағы жобалық басқаруды қолдану бойынша да консультациялық қызметтер көрсетеді. Бұл мақсатта қажетті инфрақұрылым мен педагогикалық әлеует қарастырылған.
Бұдан кейін Агенттік Төрағасының Жамбыл облысына іссапары Тараз қаласындағы бірқатар нысандарда жалғасады.
Хамит ЕСАМАН,
«Егемен Қазақстан»
Жамбыл облысы
