Көп көрсеткішке көңіл толмайды

Елбасы Нұрсұлтан Назарбаевтың «Президенттің бес әлеуметтік бастамасы» атты халыққа Үндеуі тұрғындар үшін үлкен мүмкіндік екені белгілі. Президенттің өзі басымдық берген бес бастама өңірлерде бүгінде жүзеге асырылуда. Үндеуде көрсетілген әрбір отбасына баспана алудың жаңа мүмкіндіктерін беру, жалақысы төмен жұмысшылардың жалақысын көбейту үшін олардың салық жүктемесін азайту, жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту, шағын несие беруді көбейту және елді газбен қамтамасыз етуді жалғастыру сияқты бес бастаманың маңызы тұрғындар үшін өте зор. Бүгінде Президент белгілеп берген бес бастаманың Жамбыл облысында насихатталуы қай деңгейде?

Егемен Қазақстан
19.09.2018 3008
2

Бүгінде баспана басты мәселесіне айналған адам көп. Бұл орайда әрбір тұрғынның баспаналы болуына мемлекеттік «7-20-25» бағдарламасының тигізер көмегі орасан. Жамбыл облыстық құрылыс, жолаушылар көлігі және автомобиль жолдары басқармасы басшысы орынбасарының міндетін атқарушы Нұрбол Қалдыбаевтың айтуынша, ағымдағы жылдың 8 айының қорытындысы бойынша өңірде 311,2 мың шаршы метр тұрғын үй пайдалануға беріліп, жоспар 72,2 пайызға орындалыпты. Сонымен қатар, бүгінгі таңда әкімдіктерде арендалық тұрғын үй алу үшін 23055 адам кезекте тұр екен. Олардың ішінде 12 986 азамат халықтың әлеуметтік осал тобының өкілі болса, 7354 азамат бюджеттік мекеме қызметкерлері болып саналады. Ал кезекте тұрған 2706 адам жетім, ата-ана қамқорлығынсыз қалған балалар болса, 8-і Ұлы Отан соғысының ардагері, 1 азаматтың үйі апатты жағдайда деп танылған. Дей тұрғанмен, биылғы жылы 953 пәтерді пайдалануға беру жоспарланған. Бұл көрсеткіш кезекте тұрған тұрғындардың 4,1 пайызын қамтиды екен. «Осындай қарқында тұрғын үй салынатын болса, бүгінгі күнге дейін кезекке тұрғандарды және жыл сайын кезекке тұратындарды есептемегенде, 24 жылда тұрғындарды тұрғын үймен қамтамасыз етеміз. Соңғы 3 жылда жасалған мониторинг бойынша, орта есеппен жылына 1900 адам кезекке тұруда», дейді Нұрбол Қалдыбаев.

Өңірдегі тұрғын үйлер негізінен республикалық бюджет есебінен салынуда. Аталған басқарманың мәліметінше, «Нұрлы жер» мемлекеттік бағдарламасына сәйкес, республикалық бюджет есебінен жылына 35,0 миллиард теңге қаралып, ол еліміздегі 17 өңірге бірдей бөлінгенде 2,187 миллиард теңгені құрап отыр. Бұл қаражатқа 1 шаршы метрін 140,0 мың теңгеден есептегенде, 3-5 көпқабатты тұрғын үй салуға болады екен. Сонымен қатар, «Қазақстанның тұрғын үй құрылыс жинақ банкі» АҚ Жамбыл облыстық филиалының мәліметінше, облыс бойынша 44 648 салымшы есебінен 99,5 миллиард теңге жинақталған. Осы орайда Нұрбол Қалдыбаев ағымдағы жылы тапсырылатын 800 пәтерлі 10 көпқабатты тұрғын үйден пәтер алуға 1039 азаматтың ниет білдіргенін айтты. Олардан түскен 308 өтініш қаралып, 228 азаматтың төлем қабілеттілігі бойынша растау алынған. «Қалған 572 пәтерді сату мақсатында биылғы жылғы 17 қыркүйектен бастап өтініштерді қабылдау туралы хабарлама берілген. Ал «7-20-25»  бағдарламасы аясында екінші деңгейлі банктерге 125,7 миллион теңгеге 11 өтініш түсіп, 69,9 миллион теңгеге 7 өтініш бойынша несие берілді», дейді ол.

Президенттің бес әлеуметтік бастамасының орындалуын бақылау туралы жиында Жамбыл облысының әкімі Асқар Мырзахметов бұл көрсеткіштерге көңілінің толмайтынын жеткізген болатын. Яғни әкім бұл бағыттағы жұмыстардың жүйесіздігін сынға алып, алдағы уақыттарда тұрғындар арасында түсіндіру жұмыстарын жүйелі түрде жүргізу керектігін айтқан еді. Ал «АТФ» банкі Тараз қалалық филиалының директоры Гуля Оразбаева да бүгінгі күні «7-20-25» бағдарламасына қатысты түсіндіру жұмыстары тиісті деңгейде жүргізілмей жатқанын алға тартты. Ал облыс әкімі әкімдік, банк және «Баспана» ипотекалық компаниясы өкілдерінің бір ғимаратта бірлесе түсіндіру жұмыстарын жүргізу бастамасы тек сөз жүзінде қалып отырғанын ескертті.

 Ал Елбасы белгілеп берген бастамада студенттерді жатақханамен қамту жайы да айтылған болатын. Бүгінде Тараз қаласында үш жоғары оқу орны жұмыс істейді. Екі жоғары оқу орнында 1264 орынға арналған жатақхана бар болса, бүгінде өңірде 1637 студенттің жатақханаға мұқтаж екені белгілі болып отыр. Мәселен М.Х.Дулати атындағы Тараз Мемлекеттік университетінде 657 орынға, Тараз Мемлекеттік педагогикалық университетінде 780 орынға және Тараз инновациялық-гуманитарлық университетінде 200 орынға жатақхана қажеттілігі туындауда. Сонымен қатар, облыстағы үш колледж студенттері үшін 750 орындық жатақхана салу қажет. Дегенмен, Жамбыл облыстық білім басқармасының басшысы Рахия Тұрмаханбетованың айтуынша, М.Х.Дулати атындағы Тараз Мемлекеттік университетінің балансында 1,5 гектар жер телімі бар. Сондықтан бүгінгі күнге аталған оқу орны тарапынан «ПИКО» жауапкершілігі шектеулі серіктестігі инвестор ретінде анықталыпты. Сонымен қатар, басқарма басшысы жобалық құны 1 миллиард  350 миллион теңге болатын жобалық-сметалық құжаттардың ашық порталға салынғанын, қазіргі таңда жобаны қаржыландыру үшін еліміздің Білім және ғылым министрлігі тарапынан жасалып жатқан типтік үшжақты келісімшарт пен мемлекеттік тапсырысты орналастыру жөніндегі Ереженің бекітілуі күтілуде екенін айтты.

Ал Тараз Мемлекеттік педагогикалық университетінің балансында 0,7 гектар жер телімі бар екен. Бүгінде аталған оқу орны мен Қазақстан ипотекалық компаниясы өзара Меморандумға қол қойған. Сонымен қатар, жобалық құны 1 миллиард 160 миллион теңге болатын жобалық-сметалық құжаттары толығымен әзірленіп, мемлекеттік сараптамадан өткен. Енді министрлік тарапынан тиісті Ереже мен келісімшарт жобасы бекітілсе, қол қойылған Меморандум аясында екінші деңгейлі банктер арқылы қаржыландыру мен инвестор тарту жұмыстары жүргізіледі.

Президент ұсынған бес әлеуметтік бастамада айтылған шағын несие беруді көбейту бойынша да өңірде қолға алынған жобалар бар. Облыста өз ісін бастауға ынталы азаматтар үшін тиімді шарттарға негізделген шағын несие беру мекемесі құрылады. Аталған мекеменің негізгі қорына өңір кәсіпкерлері мен Тараз әлеуметтік-кәсіпкерлік корпорациясы салған қаражат есебінен шағын несиелер беріледі. Сонымен қатар, қор қаражаты көлемін үш жылда 3 миллиард теңгеге жеткізу жоспарланған.

Бес әлеуметтік бастама негізінде тұрғындарды газбен қамту да өзекті мәселе. Жамбыл облыстық энергетика және тұрғын үй-коммуналдық шаруашылық басқармасының басшысы Нұрлан Алдамжаровтың мәліметінше, бүгінде өңірдегі елдімекендердің 48 пайызы газбен қамтылған. Ал бұл көрсеткішті 2018-2025 жылдары 94 пайызға жеткізу жоспарда бар. Нақты айтсақ, соңғы он жыл ішінде 133 елдімекен газдандырылған.

«Президенттің бес әлеуметтік бастамасын» орындауда көңіл көншітерлік те, көңіл толмайтын да көрсеткіштер бар. Ең бастысы, өңірде атқарылып жатқан жұмыстар бақылауда. Сонымен қатар, нақты жобалар мен жоспарлар да жетерлік.

Хамит ЕСАМАН,

Жамбыл облысы

СОҢҒЫ ЖАҢАЛЫҚТАР

15.02.2019

Бірге барайық: Интеллектуал дос тапқыңыз келе ме?

15.02.2019

Назгүлдің фото нысанасында – бейкүнә сәбилер қасіреті

15.02.2019

Е.Біртанов медицина саласындағы сапасыз қызметтерді атады

15.02.2019

Смартфоныңыз денсаулығыңыздың көмекшісіне айналады

15.02.2019

Мұхтар Тайжан ауылшарушылығы жерлерін жалға беру туралы пікір білдірді

15.02.2019

Өскемен көшелері  жаңғырып жатыр

15.02.2019

Батырхан Шүкеновтің естелік медалін анасына табыстау рәсімі өтті

15.02.2019

Бердібек Сапарбаев халық алдында есеп берді

15.02.2019

Абайдың латын графикасындағы кітаптары көрмеге қойылды

15.02.2019

Тағам өндірушілерінің І халықаралық форумы өтті

15.02.2019

Адамзат тарихында ең қымбатқа бағаланған картина

15.02.2019

Әлемге әйгілі болған қазақ қызы алдағы уақытта Америкаға аттанады  

15.02.2019

Дипломатиялық қатынастар орнату туралы бірлескен коммюникеге қол қойылды

15.02.2019

Сенатор Ә.Құртаев Азия елдері парламентшілерінің кездесуіне қатысты

15.02.2019

Қолжетімді баспанамен қамтуда қозғалыс бар

15.02.2019

Астана әкімі Бақыт Сұлтанов көпбалалы аналармен кездесті

15.02.2019

Семейде өлкетану оқулары өтті

15.02.2019

Испанияда кезектен тыс сайлау болады

15.02.2019

Киногерлер Шәкен Аймановтың ескерткішіне гүл шоқтарын қойды

15.02.2019

Зауыттар көбейсе, жұмыссыздық азаяр еді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу