Ұлы Дала Еліне саяхат — «Жаңа Жібек жолы» бағыты бойынша экспедиция Таразға келді

Осыдан біраз уақыт бұрын еліміздің Мәдениет және спорт министрлігі Туризм индустриясы комитетінің тапсырысы бойынша «Kazakh Tourism» Ұлттық компаниясының ұйымдастыруымен Қазақстан аймақтарына жасалатын ең ірі экспедиция ретінде «Ұлы Дала Еліне саяхат» жобасы қолға алынған болатын. Жаңа туристік бағыттарды жасау үшін табиғи, тарихи, киелі мекендерді зерттеу, ішкі туризм мен инфрақұрылымды дамыту мақсатында ұйымдастырылған «Жаңа Жібек жолы» экспедициясының бағытын «QazaqGeography» республикалық қоғамдық бірлестігі жүзеге асыруда.

Егемен Қазақстан
24.09.2018 4749
2

Экспедицияның алғашқы күндері 17 қыркүйек күні Алматы өңірінде басталып, мұнда экспедиция мүшелері сол өңірдің тарихи құндылықтарымен танысқан еді. Енді «Ұлы Дала Еліне саяхат» жобасы шеңберінде өтіп жатқан «Жаңа Жібек жолы» бағыты бойынша экспедиция бүгін тарихи Тараз қаласына келіп жетті.

Алматы қаласынан шыққан экспедиция әуелі Тараз қаласынан қырық шақырым қашықтықтағы «Ақыртас» қалашығында болды. Ортасы үш шаршы шақырымды құрайтын ортағасырлық көне сарай келушілердің қызығушылығын туғызды. Бұдан бөлек, экспедиция мүшелері екі мың жылдық тарихы бар көне Тараз шаһарының тарихымен танысты. Ежелгі заманнан бері Ұлы Жібек жолының бойында орналасқан қаланың қолөнершілер мен көпестердің қаласы болғаны белгілі. Мұнда сол кезде Еуропа мен Азияның сауда жолдары да тоғысқан. Тарихтан белгілі болғандай, әртүрлі басқыншылық кезінде шаһар бірнеше рет бұзылып, қайтадан қалпына келтірілген. Мәселен Қарахан, Айша бибі, Дәуітбек, Бабаджа хатун, Тектұрмас кесенелері мен Ақыртас қалашығы, Қали Жүніс моншасы сияқты тарихи орындар ЮНЕСКО дүниежүзілік мұралар тізіміне енген. Тараз тарихымен танысқан экспедиция мүшелері бұдан соң облыс орталығындағы «Көне Тараз» тарихи-мәдени кешеніне келіп, республикалық және жергілікті бұқаралық ақпарат құралдарының өкілдерімен кездесті. Кездесу барысында аталған экспедицияның жетекшісі Нұржан Алғашов Тараз топырағынан алған әсерімен бөлісті. Қазақ тарихы үшін Тараз қаласының орыны ерекше екеніне тоқталды.

Сонымен қатар, Алматы өңірінен бастау алған жалпы экспедиция жайын әңгімеледі. Экспедиция мүшелері Алматы жеріндегі Қазақстан-Қытай шекарасында болып, Қорғас бекетіне барар жолда Жаркент қаласындағы ерекше мешітке соққанын, бұл мешіттің ешқандай шегесіз, Тянь-Шань шыршасынан салынғанын айтты. Ал өз сөзінде экспедиция дәрігері Әлия Құмарғалина бұл азаматтардың Көлсайда болып, Қайыңды көлін тамашалағанын, одан ары Ақтау тауына, Айғайқұмға, Шоқан Уәлиханов бұлағына және Талхиз қалашығына барғанын әңгімеледі. Әңгіме барысында еліміздің барлық өңірінің тарихи шежіреге толы екенін, оның ішінде Тараз топырағының ерекше екенін атап өтті. Әулиеата өңіріндегі «Ақыртас» қалашығына алғаш рет келіп, әсерленген экспедиция мүшесі Айжан Жұматаева бұл аймақты туристік орталыққа айналдыру керек деп есептейтінін жеткізді.

  Саяхатшыларды бастап жүрген Нұржан Алғашов сонымен қатар, еліміз бойынша ең ірі экспедиция ағымдағы жылы 18 шілдеден бастап 29 қыркүйекке дейін 6 бағыт бойынша 6 маңызды кластерді қамти отырып, еліміздегі маңызды табиғи нысандарға бару арқылы жүргізілетінін де айтты. Экспедиция нәтижесінде еліміздің табиғи нысандары бойынша жаңа туристік бағыттар, сапалы фото және видеобанктер құрылатындығы сөз болды.

 Тараз қаласына келіп, оның тарихымен танысқан экспедиция мүшелері бұдан соң Жамбыл және Түркістан облыстарының шекарасында орналасқан Ақсу-Жабағылы қорығына бет алды. Екі аптаға жоспарланған саяхат барысының соңғы нүктесі Түркістан облысы болмақ. Тәжірибелі саяхатшылардан, туроператор өкілдері мен шетелдік және қазақстандық тревел-блогерлерден, сонымепн қатар «National Geographic Россия» командасынан құралған экспедиция мүшелері Түркістан облысының аумағында орналасқан Отырар, Сауран қалалары мен Арыстан баб, Қожа Ахмет Ясауи кесенелері сияқты көне тарихи орындармен танысатын болады.

Хамит Есаман,

«Егемен Қазақстан»

Жамбыл облысы                        

СОҢҒЫ ЖАҢАЛЫҚТАР

12.12.2018

Time журналы Жамаль Хашогги мен журналистерді «Жыл адамы» деп таныды

12.12.2018

Орал-Тасқала-РФ шекарасы бағытындағы күре жол пайдалануға берілді

12.12.2018

Аягөздік оқушылар жалғыз басты қариялардың қарын күреп берді

12.12.2018

Шыңғыс Айтматовтың туғанына 90 жыл толды

12.12.2018

Франциядағы теракт кезінде 4 адам мерт болды

12.12.2018

«Русский силуэт» бәсекесінде жеңіске жетті

12.12.2018

Ұлттық ұлан өнерпаздары мерекелік концерт өткізді

12.12.2018

Алексей Ут­киннің жеке көр­­месі көрерменге жол тарт­ты

12.12.2018

Павлодар облысында 72 көше, 7 ауылдың атаулары өзгерді

12.12.2018

Атырауда ұн тартатын диірмен іске қосылды

12.12.2018

Жаратылыстану пәндерін ағылшын тілінде оқытатын мұғалімдерге қолдау артады

12.12.2018

Қостанайда Ғафу Қайырбековтың 90 жылдығы аталып өтті

12.12.2018

Қарапайым түсінік

12.12.2018

Ағысқа қарсы жүзген жазушы

12.12.2018

Қазақстан тарихы – әлемдік деңгейдегі тарих

12.12.2018

Түркістанды танытатын туындылар

12.12.2018

Шығай хан

12.12.2018

Ерін үндестігі неге таңбаланбайды?

12.12.2018

Nápaqa qaıdan tabylar?

12.12.2018

Сарыбелдің «саумалы» Ұлы даланың ұтымды жобасына айналды

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

ҰҚСАС ЖАҢАЛЫҚТАР

Тағы да оқу

Пікір қосу