Сенаторлар 27 қыркүйекте Еуразиялық экономикалық қоғамдастыққа мүше бір мемлекеттің азаматтары Еуразиялық экономикалық қоғамдастыққа мүше екінші мемлекеттің аумағындағы еңбек қызметін жүзеге асыру кезінде ұшыраған өндірістегі жазатайым оқиғаларды тергеп-тексеру тәртібі туралы келісімді, Қазақстан мен Иордания үкіметтері арасындағы Азаматтық қорғаныс, төтенше жағдайлардың алдын алу және оларды жою саласындағы ынтымақтастық туралы келісімді ратификациялау туралы заң жобаларын; заңнамаға діни қызмет және діни бірлестіктер мәселелері бойынша түзетулер енгізу туралы; «Стандарттау туралы» заң жобасын, заңнамаға өлшем бірлігін қамтамасыз ету және стандарттау мәселелері бойынша түзетулер енгізу туралы заң жобаларын қарастырады.
Сонымен қатар сенаторлар отырыс барысында Сенаттың Конституциялық заңнама,сот жүйесі және құқық қорғау органдары комитеті мүшелерінің жол жүрісінің қауіпсіздігі мәселелері жөніндегі депутаттық сауалының жауабын қарайды.
