Үздік әлеуметтік жобалар байқауының қорытындысы жарияланды

Астанада «Қазақстанның үздік әлеуметтік жобалары» дәстүрлі байқауының қорытындысы жарияланды. Жеңімпаздар мен жүлдегерлерді марапаттау рәсіміне «Нұр Отан» партиясы Төрағасының бірінші орынбасары Мәулен Әшімбаев пен Еңбек және халықты әлеуметтік қорғау министрі Мәдина Әбілқасымова, Парламент депутаттары, басқа да мемлекеттік органдар, бизнес қауымдастық, үкіметтік емес ұйымдар өкілдері қатысты. 

Егемен Қазақстан
01.10.2018 2528
2

Биылғы байқау алғаш рет «Нұр Отан» партиясының және Еңбек және халықты әлеуметтік қорғау министрлігінің бірлесіп ұйымдас­тыруымен өткізілді. Биыл алтыншы рет өткізілген байқауға еліміздің әр өңірінен 318 автор қатысып, өз жобаларын ұсынған. Бұл – былтырғы жылмен салыстырғанда екі есе көп.

Облыстар мен Астана, Алматы және Шымкент қалаларында өткен аймақтық және аумақтық кезеңдерден кейін байқау комиссиясының шеші­мі­мен 55 жоба іріктеліп, респуб­лика­лық кезеңге жолдама алған болатын. Олар 20 қыркүйекке дейін интернетте жүргізілген онлайн дауыс беруге қатысты. Ұйымдастырушылар онлайн дауыс беруге 56 мың қазақ­стан­дық қатысып, үздіктерді анықтауға үлкен үлес қосқанын айтып отыр.

Марапаттау рәсімінде «Нұр Отан» партиясы Төрағасының бірінші орынбасары Мәулен Әшімбаев халықтың әлеуметтік мәселелерін шешу – Елбасы анықтап берген еліміздегі ең басты басымдықтардың бірі екенін айтты.

«Осы бағытта соңғы жылдарда мемлекеттік органдар тарапынан ауқымды жұмыстар атқарылып жатыр. Елбасы халықтың әл-ауқа­тын арттыруға арналған өзінің бес әлеуметтік бастамасын жария­лап, алдымызға жаңа міндеттер қой­ды. Осы ретте қоғамдағы әлеуметтік мәселелерді шешу үшін мемлекеттік органдармен бірге, үкіметтік емес ұйымдар, қоғамдық бірлестіктер, кәсіпкерлер және саяси партиялар да белсенді әрекет етсе, көздеген межеге қол жеткізу жеңілдейтіні сөзсіз», деді М.Әшімбаев.

Жеңімпаздар мен қатысушыларды құттықтаған Мәулен Әшімбаев байқауға қатысқан барлық жоба авторлары жеңіске лайық екенін айтып, мұндай байқаудың әлеуметтік, рухани және тәрбиелік маңызы зор  екенін атап өтті.

«Бұл, біріншіден, әлеуметтік салада белсенділігімен танылған қоғамдық ұйымдар мен мұқтаж жандарға көмек қолын созған жеке азаматтарға қолдау көрсетуге, олардың еңбектерін елеп-ескеруге мүмкіндік беретін болса, екіншіден, сондай бірлестіктерді көпшілікке үлгі-өнеге ретінде дәріптеуге жол ашады. Қазіргі таңда елімізде ондай ұйымдар мен азаматтар мыңдап саналады. Біз олардың жұмыстарын жоғары бағалай отырып, аталған ұйымдарға тиісті жағдай жасауды барлық мемлекеттік органдардың, бизнес қауымдастықтың және саяси партиялардың жауапкер­шілігі деп қабылдаймыз. Өйткені олар осындай игі істерімен қоғамымызда қайырым­дылық мәдениеті мен әлеумет­тік жауапкершіліктің қалыптасуына үлкен үлестерін қосып келеді. Сол себепті «Нұр Отан» партиясы осы дәстүрлі байқауға атсалысып, оның жаңа деңгейге көтерілуіне өз септігін тигізіп отыр», деді ол. 

Қатысушылардың өтініштері сәуір айынан маусым айының соңына дейін бес бағыт бойынша қабылданған. Оның 42-сі әлеуметтік мәселелерді шешудегі ақпараттық ілгерілеуге (13,1%), 53 өтініш әлеуметтік салада еріктілер қозғалысын дамытуға (16,7%) арналған. 116 өтініш тең мүмкіндіктерді қамтамасыз ету (36,5%), 47 өтініш мүгедектігі бар адамдарды қоса алғанда, азаматтарды жұмыспен қамтуға ықпал ету (14,8%) бойынша болған. Ал 60 өтініш қиын өмірлік жағдайдан шығуға көмек көрсету (18,9%) бағытымен қабылданған екен. Соңғы бағыт бойынша қабылданған өтініштер қатарында түрлі келеңсіздіктерге тап болған жандарға, соның ішінде адам саудасы мен тұрмыстық зорлық-зомбылық құрбандарына, жазасын өтеп шыққан жандардың қоғамға бейімделуіне, үйсіз жандарға қолдау көрсетуге арналған жобалар да бар көрінеді.

Сонымен, 1-орынға «Зейнет­керлерге тегін түскі ас» жобасымен қатысқан Рәсима Темірбаева лайық деп табылды. 2-орынды «Арбадағы кедергісіз өмір» жобасымен қатысқан Нұрболат Қарабасов пен «Ел назы» арт-терапиямен дамыту орталығы жобасымен қатысқан белгілі әнші Кенжебек Жанәбілов иеленді. Ал 3-орын «Мейкатон «TOM: Kazakhstan» жобаларымен қатысқан Маржан Мәдиева мен Сәния Араповаға берілді. Онлайн дауыс беру нәтижесі бойынша, сондай-ақ Асхат Құсдәулетов, Жаннета Жазықбаева және Светлана Качура жүлдегерлер атанса, арнайы сыйлықтар Бибісара Бейсенбаева, Эмин Аскеров, Олжас Сыздықов, Ақбөпе Қаленова және Лейла Бай­рамоваға табысталды.

Марапаттау рәсімі өтуден бұрын республикалық байқауға қатысқан 55 жоба көпшілік назарына ұсыны­лып, мемлекеттік органдар, үкіметтік емес ұйымдар, меценаттар мен инвес­тор­лардың қатысуымен көрме ұйым­дастырылды. Жобаларды көпшілік­ке өткен жылғы жеңімпаздар таныс­тырды. Мұны биылғы байқаудың басты ерекшелігі ретінде айтуға болады. Яғни, былтыр осы байқауда топ жарып, көпшіліктің ықыласына бөленген тараздық Исаак Мустопуло, «Асар» оңалту фитнес-орталығының негізін қалаушы Елдос Баялышбаев, «Амазонка» онкологиялық дертке шалдыққандарды қолдау қоры­ның директоры Анжелика Сарьян және тағы басқалары биылғы жеңімпаздарды марапаттауға арнайы қатысты.

Майгүл СҰЛТАН,

«Егемен Қазақстан»

СОҢҒЫ ЖАҢАЛЫҚТАР

21.03.2019

Мемлекеттер басшылары Қасым-Жомарт Тоқаевты Президент лауазымына кірісуімен құттықтады

21.03.2019

Қазақстан Шотландияны 3-0 есебімен ұтты

21.03.2019

Н.Назарбаев пен Қ.Тоқаев Владимир Путинмен телефон арқылы сөйлесті

21.03.2019

Н.Назарбаев Армения Президенті Армен Саркисянмен телефон арқылы сөйлесті

21.03.2019

Назарбаев Ердоғанмен телефон арқылы сөйлесті

21.03.2019

Қазақстан-Испания экономикалық ынтымақтастық Мадридте талқыланды

21.03.2019

Назарбаев пен Тоқаев Путинмен телефон арқылы сөйлесті

21.03.2019

Президент Қасым-Жомарт Тоқаевтың Наурыз мерекесіне орай құттықтауы

21.03.2019

Ономастика комиссиясы Қостанайдағы Абай даңғылының орнына басқа көшені таңдауды ұсынды

21.03.2019

Қостанайда  халықаралық медиа форум өтті

21.03.2019

Елордада Наурыз мерекесі тойланды

21.03.2019

«Астана Опера» Наурызды жаңа форматта атап өтті

21.03.2019

Біз астаналықтар болып қала береміз - Бақыт Сұлтанов

21.03.2019

Таразда сауықтыру орталығы ашылды

21.03.2019

Әулиеатадағы әсерлі мереке

21.03.2019

Тараз қаласында жастарға арналған аллея ашылды

21.03.2019

Ономастикалық комиссия көше атауларының өзгеруін қолдады

21.03.2019

Назарбаев пен Тоқаев Наурыз мейрамына қатысты

21.03.2019

Наурыз мейрамын ЮНЕСКО-да атап өтті

21.03.2019

Наурыз мейрамында шаңырақ көтерген жастарға Нұрсұлтан Назарбаев ақ батасын берді

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Айдар (09.10.2018 14:54:25)

Интересное мероприятия. Рад за победителей, вот как на фото молодой человек доволен своей победой

Сакен (09.10.2018 14:54:00)

Поздравляем победителей. Очень много подобных мероприятия. Наслыжан также о проект Jas Project, который дает молодежи отличную возможность

Мұрат (09.10.2018 14:53:40)

Жеңімпаздарды құттықтаймыз. Осындай жақсы шара өз жобаларын ұсынған азаматтар аз емес екендігіне кепіліміз мол.

Мирас (09.10.2018 14:53:19)

Жастарға арнайы Jas project атты жобаларды қолдау ретінде үлкен шара жүріліп жатыр елімізде. Мында үздік әлеуметтік жобаларды марапаттауда. Керемет.

Пікір қосу