Қазақстан аймақтарын аралайтын ең ауқымды экспедиция аяқталды

Қазақстан Республикасының елордасы – Астана қаласының 20 жылдығын атап өтуіне орай ҚР Мәдениет және спорт министрлігі Туризм индустриясы комитетінің тапсырысы бойынша «Kazakh Tourism» Ұлттық компаниясы Қазақстанның ең маңызды табиғи нысандарына баруға арналған ауқымды «Ұлы Дала Еліне саяхат» экспедициясын өткізді, 

Егемен Қазақстан
10.10.2018 14000
3333
2222
2222
2222
2222

Жоспарға сай, экспедиция 2018 жылғы 18 шілде мен 29 қыркүйек аралығында 6 туристік кластерді қамти отырып, маңызды табиғи нысандарға апаратын 6 бағыт бойынша өтті. 3 айда экспедиция қатысушылары Қазақстанның 11 облысында 17 000 шақырымнан астам жол жүріп, ондаған табиғи орынға, саябақтар мен қорықтарға барып қайтты. Таулардың, өзендер мен көлдердің, шатқалдардың, тарихи кешендер мен ұлы даланың керемет сұлулығын көріп, саяхатшыларымыз, жүріп өткен қиындығы мол жолдар үшін марапат алғандай сезімде болды.

Ең ауқымды «Ұлы Дала Еліне саяхат» экспедициясы 18 шілдеде Алматыда басталды, сол жерден «Тянь-Шань маржандары» бағытының қатысушылары жолға аттанған болатын. Алматы облысында өткен 12 күнде саяхатшылар Баянкөл аңғарында болып, Хан-Тәңірі сұлулығын тамашалады, одан кейін бір литр суының құрамындағы тұздың мөлшері 300 граммға дейін жететін Тұзкөл тау өзенінде болды. Бұл көлдің емдік қасиеті Өлі теңізбен бірдей. Шәлкөде алқабына жаз мезгілінде осы маңдағы елді мекен тұрғындары жайлауға шығады, бұл жер, сұлулығынан бөлек, экспедиция тобы келген кезде өтіп жатқан «Жетісу жүйрігі» фестивалімен қуантты. Фестивальда саяхатшыларымыз аударыспақ, қыз қуу, қазақ күресі тәрізді ұлттық спорт түрлерінен өткен сайыстарға және іс-шараның басты сайысы – бәйгеге куә болды, бәйге 4 санатта өтті. Маусым айынан қыркүйек айына дейін Шәлкөдеде жүзге жуық киіз үй тігіледі, қойшылар туристерді кез келген уақытта қуана қабылдайтынын жеткізді. Ары қарай қатысушылар атпен Дардамты турбазасына барып, сол жерде құсбегі Қуаныш Исабековпен танысты. Бүркітпен аңға шығу Франция, Ұлыбритания, Германия және Араб елдерінен келген туристер арасында аса танымал. Экспедиция Жіңішке, Шілік өзендерін, Ассы үстіртін, Шарын шатқалын, Түрген аңғары мен Батан шатақалын аралап, 29 шілдеде Алматыда аяқталды.

Шығыс Қазақстан облысы 5 тамызда Бұқтырма су қоймасынан басталған «Алтай – өркениет бесігі» деп аталатын бағытымен 12 күн бойы экспедиция мүшелеріне естен кетпес қуаныш сыйлады. Бұқтырмадан кейін саяхатшылар Катон-Қарағай ұлттық саябағына, Қаракөлге, шипалы родон суы бар Рахман қайнарларына, Қазақстанда баламасы жоқ III-IV ғасырлардағы археологиялық ескерткіш-мазар – Берел қорғанына барды. Сондай-ақ топ бағыт бойынша маңайының табиғаты жанды баурап алатын Марқакөлге соқты. Көл маңы қалың орман, жағасы құлама жартас, кей жерлері көгалды болып келеді. Сол жерден экспедиция қатысушылары кейде «жалынды жартас», «Рухтар қаласы» немесе Жердегі Марс бөлшегі деп аталатын Қиын Керіш шатқалына бет алды. Бұл жердің аптап ыстығы мен бір тамшы судың болмауы аса көркем және тылсым атмосфера қалыптастырады. Зайсан көлі (Шекелмес мүйісі), Тарбағатай таулары және Алакөл арқылы өткен естен кетпес бағыт 16 тамызда аяқталды.

Алматы облысы «Жоңғар Алатауы» бағытымен экспедиция қатысушыларын тағы да тәнті етті, бағыт 13 тамызда «Алтынемел» ұлттық саябағынан басталды. Саяхатшылар 12 күн ішінде керемет нысандарда болды, олар: құпиясы әлі толық ашылмаған Бесшатыр қорымы, орган музыкасына ұқсас дыбыс шығаратын ерекше қасиеті бар Айғайқұм. Баянжүрек тауында экспедиция мүшелері ежелгі темір дәуірінде тасқа салынған суреттерді көрді.

Жетісу жерінің алуан түрлілігі, сұлулығы, флорасы мен фаунасының байлығы экспедиция қатысушыларына керемет әсер сыйлады. Оған қоса, 24 тамызда аяқталған бастапқы бағытқа қатысушылардың ұсынысымен өзгерістер енгізілді. Осы ұсыныстар негізінде қазір туристік компаниялар Жоңғар Алатауының айналасы бойынша ең оңтайлы турларды жасауда.

«Сарыарқа» бағыты - бұл Ақмола, Павлодар, Қарағанды және Солтүстік Қазақстан облыстарының сұлулығына сұқтандырған 16 күндік жол. Бағыт бойынша қатысушылар 5 ұлттық табиғи саябақта болды, олар: «Бұйратау» мемлекеттік ұлттық табиғи саябағы, мұнда қатысушылар әртүрлі құстар мекен ететін Әжібай көлін көрсе, Баянауыл ұлттық табиғи саябағында суы тұнық Торайғыр көлінің көркін тамашалады; Қарқаралы мемлекеттік ұлттық табиғи саябағында аңызға айналған Шайтанкөлді көзімен көріп қайтты; содан соң «Көкшетау» мемлекеттік ұлттық табиғи саябағы мен «Бурабай» ұлттық табиғи саябағында болды. Одан бөлек, қатысушылар Балқаш көлінде, Шұнақ метеорит кратерінде, Теректі шатқалында және ЮНЕСКО дүниежүзілік мұрасының тізіміне кіретін Қорғалжын мемлекеттік табиғи қорығында болды. Бағыт 4 қыркүйекте аяқталды, қатысушылардың айтуынша бұл ең қызық бағыттардың бірі болды.  

Өз кезегінде Қызылорда, Ақтөбе және Маңғыстау облыстары да «Теңізден теңізге дейін»бағытының қатысушыларын құшақ жая қарсы алды. 14 күнде Қызылорда облысындағы Қамбаш көлі, бір күндері әлемдегі ең үлкен теңіз болып, қазір тартылып бара жатқан Арал теңізінің жағалауы қатысушылардың жадысында жатталып қалды, ал Маңғыстау облысымен танысу Бейнеу ауылындағы ХVІ ғасырдың ескерткіші Бейнеу діни-жерлеу кешенінен басталды. Саяхатшылар арасында аса танымал нысандардың бірі - Бозжыра алқабындағы Үстірт қыраты. Қылтиып шыққан көгі жоқ, аппақ борлы таулар мен сүмбілер басқа ғаламшарда жүргендей әсер береді. Маңғыстауды шын мәнінде «ашық аспан астындағы мұражай» деп атауға болады, мұнда жүзден астам табиғи және археологиялық ескерткіш бар.

«Жаңа Жібек жолы» соңғы бағыты Түркістан, Жамбыл және Алматы облыстары арқылы өтті. Қатысушылар аз уақытта көп жерге барғандықтан, бұл бағытты қызыққа толы бағыт деуге болады. Олардың қатарында Жаркент қаласы, Қорғас ауылы, Саты ауылы, Көлсай және Қайыңды тау көлдері, Шарын мемлекеттік ұлттық табиғи саябағы, Темірлік шатқалы, Сарайлар алқабы, Айғайқұм, Талхиз қалашығы, Тамғалы шатқалы, Ақыртас археологиялық кешені, Қарахан мен Айша бибі кесенелері, Түркістан қаласы және бағыттың соңғы нүктесі – Отырар қалашығы бар. Бағыт соңында қатысушыларды Қазақстан Республикасының Мәдениет және спорт министрі Арыстанбек Мұхамедиұлы қарсы алды.

Осылайша, экспедицияға барлығы 150-қа жуық адам қатысты, олардың қатарында кәсіби гидтер, тәжірибелі саяхатшылар, журналистер, тревел-блогерлер, депутаттар, медиа тұлғалар, «Kazakh TV» телеарнасының түсірілім тобы және National Geographic Ресей командасы бар. Экспедицияның сапалы құрамының арқасында жаңа турбағыттар жасалып, еліміздің табиғи нысандары туралы фото- және видеобанк дайындалды, сол нысандар туралы ақпарат өңделді.

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу