Қазақстан-Финляндия қатынастарының жаңа кезеңі басталды

Мемлекет басшысы Нұрсұлтан Назарбаев ресми сапармен Финляндия Республикасына келді. Бүгінде Қазақстан-Финляндия қарым-қатынастары жоғарғы деңгейге шығып, екі мемлекет халықаралық және өңірлік маңызды мәселелер бойынша бір-біріне белсенді қолдау көрсетіп отырған сенімді серіктес және саяси әріптес болып есептеледі. 

Егемен Қазақстан
17.10.2018 2687
3333
2222
2222
2222

Мемлекет басшысы Финлян­дияға сапарының алғашқы күні Хельсинкиде «Nokia» компаниясы директорлар кеңесінің төрағасы Ристо Сииласмаамен кездесті. 

Қазақстан Президенті «Nokiа» бренді телекоммуникациялық са­ладағы жетістіктері арқы­лы әлем­ге танылғандығын және ком­пания Қазақстанның сенімді серік­тесіне айналғандығын атап өтті. 

– «Nokiа» компаниясы 2007 жылдан бері біздің елімізбен қарым-қатынас орнатты. Қазіргі күні компанияның қаржы айналымы 20 млрд АҚШ долларын құрайды, – деп атап өтті Мемлекет басшысы. 

Нұрсұлтан Назарбаев компания басшылығына Қазақстан­да автоматтандыру, роботтан­дыру және жасанды интеллект әдіс­терін өндіріске енгізу арқы­лы ең­­бек өнімділігін арттыру қол­ға алынғандығы туралы ай­тып, «Цифрлы Қазақстан» бағдар­л­ама­сының енгізілуіне жеке тоқталды. 

Өз кезегінде Ристо Сииласмаа аталған кездесуге мүмкіндік жасағандығы үшін Нұрсұлтан Назарбаевқа алғысын білдіріп, қазақстандық компаниялармен қарым-қатынас орнатуға мүдделі екендігін жеткізді. 

– Сіз әлемде өте танымал тұл­­­­­ға­­­­сыз және технологиялық да­му­­­­дың маңызын түсінетін са­нау­­­­­лы мемлекет басшылары­ның бі­рі­сіз. Мен Сіздің цифр­лы тех­­­но­­логияларға аса көңіл бөле­­­тін­­­ді­гіңізді білемін, – деді Р.Сииласмаа.

Кездесу соңында тараптар жаңа байланыс технологияларын, оның ішінде инновациялық экожүйені дамыту мен экономика салаларын цифрландыру жобаларына 5G стандарттарын енгізу мәселелерін талқылады. 

Қазақстан Президенті Нұрсұлтан Назарбаевтың Фин­ляндия бизнес өкілдерімен кез­десуі жылы шырай, ашық-жар­қын әңгімеге негізделді. Оның да бір сыры бар. Мемлекет бас­шысы Хель­синкиге осыдан 9 жыл бұрын мем­лекеттік сапармен келгенде Фин­ляндияның биз­нес-капи­тан­­дарымен арада дәл осындай жо­ғары нәтижелі сұхбат болған еді. 

Бұл жолы Мемлекет бас­шысымен кездесуге тек Суо­ми­­да ғана емес, Еуроодаққа, тіпті әлем­ге танымал кәсіпкерлер қатысты. 

Нұрсұлтан Назарбаев Фи­нлян­дия Республикасы Қазақ­станның маңызды сауда-экономикалық серіктестерінің бірі екенін атап өтіп, екі ел арасындағы қарым-қатынастар достық пен өзара сенімге негізделгенін айтты.

Тәуелсіздік жылдары Фин­лян­дия Қазақстанға 300 миллион АҚШ долларынан астам инвес­тиция құйды. Қазақстанда фин капиталының қатысуымен түрлі салаларда 100-ге жуық кәсіп­орын тіркелген, – деді Мемлекет басшысы.

Нұрсұлтан Назарбаев Қазақ­­станның тиімді бизнес жүр­гізу үшін жаңа мүмкін­дік­терге жол ашатынын айтып, бү­гінгі кездесудің мақса­ты эко­но­мика­лық қарым-қатынас­тарды жандандыру және жаңа әріптестер іздестіру екенін атап өтті.

– Инвесторлармен және бизнес өкілдерімен өзара тиімді іс-қимыл жүргізу мақсатымен «Қазақ Инвест» және «Қазақ Экспорт» ұлттық компаниялары құрылды. Президент жанында Шетел инвесторларының кеңесі жұмыс істейді. Металлургия, мұнай өңдеу, машина жасау, химия, азық-түлік өндіру сияқты басым бағыттағы инвестициялық жо­ба­ларды іске асыру барысын­да корпоративтік, жер және мү­лік салықтарынан босату қарас­тырылған, жер қойнауын пай­далануға лицензия алу және келі­сім­шарттар жасасу тәртібі же­ңіл­детілген. Сондай-ақ шетел­дер­ден жұмыс күшін тарту ісі квотасыз әрі рұқсат алусыз жүр­гізіледі, – деді Қазақстан Президенті.

Мемлекет басшысы жиынға қа­тысып отырған бизнесмендер­ге Қазақстанда жүргізіліп жат­­қан ауқымды жекешелендіру жө­­нін­де және бұл іске шетелдер­ден, соның ішінде фин инвестор­ла­ры­нан сұраныс бар екенін айтты.

– Біз Финляндия-Қытай бағы­ты бойынша Қазақстан аума­ғы арқылы өтетін жаңа темір жол ашқанымызға қуаныштымыз. Енді бұл бағыт бойынша және кері қарай жөнелтілетін контей­нер­лік тасымал уақыты теңіз жолына қарағанда 4 есе қысқарады, – деді Мемлекет басшысы.

Қазақстан Президенті ауыл шаруа­шылығы тауарларын өнді­ру­шілерге мемлекеттік қолдау көрсету мәселелеріне тоқталып, фин компанияларын агроөндіріс кешеніндегі жобаларды іске асыру үшін белсенді атсалысуға шақырды.

– Қазақстан экономиканы жедел жаңғыртуға, жаңа технология мен инновацияны енгізуге бет алды. «Цифрлы Қазақстан» арнайы мемлекеттік бағдарлама­сы жүзеге асырылуда. Фин ком­па­ния­ларының осы саладағы тәжіри­бесін ескере отырып, бұл біздің ынтымақтастығымыз үшін перспективті алаң бола алар еді, – деді Нұрсұлтан Назарбаев.

Сонымен қатар Мемлекет басшысы «Астана» халықаралық қаржы орталығының артықшы­лықтары және соның жанынан ашылған жоғары технологиялық биржа жөнінде айтып, осы жобаны жүзеге асыруға Шанхай қор биржасы мен NASDAQ амери­калық биржасының атсалыс­қанын атап өтті.

– «Астана» халықаралық қаржы орталығының «жасыл», исламдық және инновациялық қаржы құралдарын дамытудың өңірлік орталығына айналуға толық мүмкіндігі бар. Фин компанияларын осы орталықтың жұмысына атсалысуға шақыра­мын, – деді Қазақстан Президенті.
Кездесу соңында Нұрсұлтан Назарбаев фин кәсіпкерлері екі ел арасындағы бизнесті дамыту және өзара тиімді әріптестікті нығай­ту үшін Қазақстанда жасалып отырған барлық мүмкін­діктерді пайдаланатынына сенім білдірді.

Атап өтерлігі, Қазақстан мен Финляндияның сыртқы сауда айналымы 2017 жылы 307,9 млн АҚШ долларын құрады. Ал 2018 жылдың қаңтар-шілде айларында сауда айналымы 160 млн АҚШ долларына жеткен. Соңғы 13 жылда (2005 жылдан 2018 жылдың 1 тоқсанында) Қазақ­станға Финляндиядан тартыл­ған тікелей инвестиция көлемі 334 млн АҚШ долларын құрады. Бүгінде Қазақстанда фин тара­пы­мен бірлескен кәсіпорын­дар­дың саны жүзден асып жығылады. 

Қазақстан-Финляндия сауда-экономикалық қарым-қаты­нас­тарының негізін химия, жеңіл өнеркәсіп, тау-кен-металлургия кешені, құрылыс материалдарын шығару, жоғары технологиялық сыр өндірісіндегі байланыстар құрайды. 

Қазақстан-Финляндия қарым-қатынастары «жасыл» экономика саласында да қарыштап дамып келеді. Нақтырақ айтқанда, 2013 жылы Қазақстан мен Финляндия арасында «жасыл» экономиканы дамыту және жаңғырту сала­сындағы ынтымақтастық тура­лы Декларацияға қол қойыл­ғаны белгілі. Ал 2014 жылы Финлян­дия Республикасы «Алтын көпір» ықпалдастық бағдар­лама­сы туралы хартияға қол қой­ды. Оған қоса, 2017 жылы «жасыл қар­жы­лан­дыру» аясында Қазақ­станға Еуропа даму және қайта құру банкі арқылы 1 млн еуро бөлінді. 

Елбасы сапарының аясында Қазақстан машина жасаушылар одағы мен Финлян­дия са­лалық технологиялар феде­рациясы арасында машина жасау саласында өзара іс-қимыл және ынты­мақтастық туралы мемо­ран­думға қол қойылды. Бұл эко­но­­ми­ка­ның көптеген саласында, атап айтқанда инженерия, стартап жобалар, жаңа тех­но­логиялар, инновация мен маши­на жасау салаларындағы 1600 кәсіп­орынның жұмысын үйлестіріп отырған федерация­мен келісімнің болашағынан зор үміт күтілуде. Қазақстан машина жасаушылар одағының басқарма төраға­сы, Мәжіліс депутаты Мейрам Пішембаевтың айтуынша, жаңа келісім екі ел арасын­дағы бизнес-жобалардың дамуына серпін беруі тиіс. Соны­мен қатар Финляндия салалық технологиялар федерациясын «Nokiа» компаниясының директорлар кеңесінің төрағасы Ристо Сииласмааның басқаруы қазақ-фин іскерлік байла­ныс­тары­ның көкжиегін кеңейте түспек.

– Бұл келісім Қазақстан-Фин­лян­­дия кәсіпкерлеріне «бір терезе» қағидаты бойынша бай­ла­ны­суға мүмкіндік аша­­ды. Соның нәтижесінде әлемде инно­ва­циялық жаңашыл­дық­тары, тың ойлары арқылы ойып тұрып орын алатын Фин­ляндия бизнес өкілдерімен сауда-эконо­микалық байланыс­тар нығая түспек, – деді келіссөздер қоры­тындысы бойынша сұхбат берген М.Пішембаев. 

Жалпы, Мемлекет басшысы­ның Финляндия Республикасына ресми сапары аясында бірінші күні 20-дан аса коммерция­лық құжатқа қол қойылды. Ал бүгін қол қойылуы тиіс құжаттар қата­рында Қазақстанның Энер­гетика министрлігі, сондай-ақ Финляндияның Экономикалық даму және қамту министрлігі және Финляндияның қорша­ған орта министрлігі арасында энергетика және «жасыл» эко­номика саласындағы стр­ат­­е­гия­лық ынтымақтастық жөнін­дегі өзара түсіністік туралы меморандум және Қазақстанның Инвес­­тициялар және даму ми­нистр­­лігі мен Финляндия­ның Көлік қауіп­сіздігі жөніндегі агент­­­тігі ара­сындағы өзара түсі­ніс­­­тік тура­лы меморандум бар. 

Елбасы сапары бүгін де жалғасады. 

Серік ӘБДІБЕК,

«Егемен Қазақстан»

Хельсинки (Финляндия)

СОҢҒЫ ЖАҢАЛЫҚТАР

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

16.11.2018

Қазпошта 111 франчайзинг нүктесін ашты

16.11.2018

Елбасы Владимир Путинмен телефон арқылы сөйлесті

16.11.2018

Астанада жасөспірімдер олимпиадасының жеңімпаздарына құрмет көрсетті

16.11.2018

Шымкенттен Дубайға ұшатын рейс ашылады

16.11.2018

Шымкентте Қазақстан – Өзбекстан бірінші аймақаралық форумы өтті

16.11.2018

Қостанайлық полицейлер жедел-профилактикалық шара кезінде мал ұрлығын ашты

16.11.2018

Соңғы 10 айдағы салықтық түсімдер бойынша жұмыс қорытындыланды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу