«Барселонаның» капитаны Лионель Месси алдағы «Эль-Классикоға» қатыса алмайтын болды. «Севильяға» қарсы матчта аргентиналық футболшы өз қолына құлап түсіп сындырып алды. Оқыс оқиға кездесудің 17-ші минутында болған. Дәрігерлердің айтуынша, Мессидің білек сүйегі сынып кеткен.
Осылайша, аргентиналық ойыншы "Реалмен" (28 қазан) және "Райо Вальекано" (4 қараша) болатын кездесулерге, сондай-ақ Чемпиондар Лигасының "Интермен" (24 қазан және 6 қараша) екі кездесуіне қатыса алмауы мүмкін.
Айта кетейік, ағымдағы маусымда 31 жасар Месси барлық турнирде каталониялық клуб үшін 12 матч өткізіп, 12 голдың авторы атанды.
