Құрметті Қазақстан кәсіпорындары мен компанияларының басшылары!
Мемлекет басшысы Нұрсұлтан Назарбаев Қазақстан халқына Жолдауында халықтың әл-ауқатын жақсартуды басты басымдылық етіп белгіледі.
Біз, Ақтөбе облысының ірі кәсіпорындары мен компанияларының басшылары, қазақстандықтардың әл-ауқаты ең алдымен табыстың тұрақты өсуіне байланысты екенін толық түсінеміз.
Осы орайда, біз Елбасының жұмысшылардың жалақысын көтеру жөніндегі бастамасын толығымен қолдаймыз.
Тау-кен, металлургия, мұнай-газ саласы, құрылыс және агроөнеркәсіп кешені, жол-көлік секторы – еліміздің экономикалық қуатының негізі. Тұтастай экономиканың жаңа сапалы серпінінің әлеуеті бұл салаларда шоғырланған.
Президент бастамасының арқасында Ақтөбе облысының өзінде ғана жүздеген мың жұмысшының материалдық жағдайын жақсартуға мүмкіндік туып отыр.
Қазақстандықтардың әлеуметтік жағдайы мен өмір сүру сапасын жақсартудың ерекше маңыздылығын ескере отырып, біз елдегі барлық кәсіпорындардың құрылтайшылары мен басшыларын Елбасының бастамасын қолдап, 2019 жылдың 1 қаңтарынан бастап қызметкерлердің жалақысын 10%-дан төмен емес деңгейде көтеруге шақырамыз.
Бұл отандастарымыздың табысын арттырып қана қоймай, еңбек ресурстарының өнімділігі мен сапасының еселеп өсуіне қуатты серпін береді.
Президент атап өткендей, «тек қана бірлескен күш-жігерлерімізбен біз үлкен биіктерге жете аламыз», сол себепті біздің үндеуімізді қазақстандықтар толықтай қолдайтындықтарына сенімдіміз!
Біріншіден, Үкіметке 2019 жылдың 1 қаңтарынан бастап ең төменгі жалақыны 1,5 есе, яғни 28 мыңнан 42 мыңға дейін өсіруді тапсырамын.
Бұл барлық сала бойынша түрлі меншік нысандарындағы кәсіпорындарда жұмыс істейтін 1 миллион 300 мың адамның еңбекақысын тікелей қамтиды.(Жолдаудан)
