Қарттарды қолдауға арналған айрықша жоба

Қарттарды қадірлеу қашаннан қанымызға сіңген қасиет. Мем­лекет басшысы өзінің жыл сайын­ғы Жолдауларында қарт­тар мен зейнеткерлерді қолдау әрдайым маңызды мәселе екенін баса айтып, оларға рухани-әлеуметтік көмек көрсету ісіне зор мән беріп келеді.

Егемен Қазақстан
25.10.2018 2304
2

Алматыда ағымдағы жылдан бастап осы мақсатты көздеген «Белсенді ұзақ өмір» жол картасы іске қосылғаны көпшілікке аян. Аз уақыт ішінде аталған бағдарлама аясында атқарылған шаруалар легі аз емес. Соның бірегейі қалада жоба шеңберінде дүниеге келген «Ұзақ өмір сүру орталығы».

Ресми мәлімет бойынша бүгінде алып шаһар Алматыда 222 мың зейнеткер бар. Бұл жалпы қала халқының 12,5 пайызын құрайды. Олардың 57 мыңнан астамы 75 жастан асқандар. Бағдарламаны іске асыруға 160 миллион теңге қаржы бөлінсе, соның 26 миллионы біз сөз етіп отырған орталықтың жұмысын жүйелі жүргізуге бағытталған. Аталған жол картасы егде жандарды белсенді өмірге тартуға, олардың әлеуетін пайдалана отырып ұрпақтар үндестігін қа­лып­тастыруға негізделген. Жыл басында өткен қоғамдық кеңестің кеңейтілген отырысында мегаполис басшысы: «Біздің қарттарымыз да өздерінің тың әрі қамқорлықта екендігін сезінуге тиіс. Сондықтан биылғы жылды біз Алматыда аға ұрпаққа қолдау көрсету аясында өткіземіз» деген болатын. Жол картасы аясында зейнеткерлерді қаланың белсенді өміріне тарту үшін биыл Алматыда 100-ден астам мәдени-спорттық, интеллектуал­ды шаралар өтті. Әсіресе, зейнеткерлер арасында әлеуметтік туризмді дамытуға айрықша назар аударылып отыр. Осы мақсатта қалалық және таулы бағыттар, экотуризм аймақтары, топтық серуендер, туристік нысандарды жаяу аралау, туризм бойынша шеберлік сабақтары үздіксіз ұйымдастырылып келеді. Орташа есеппен әр ауданнан жүз зейнеткерді ақылы спорт залдары мен би студияларына тегін апаратын әлеуметтік жоба әзірленген. Жыл сайын 4 мың зейнеткерге шипажайға жолдама берілсе, 17 мың зейнеткерге әлеуметтік көмек көрсетіледі және олардың 75 пайызы қоғамдық көліктермен тегін қатынайды. Жоспар бойынша шаһарда бүгінге дейін отыздан астам әлеуметтік клуб өз жұмысын бастаған. Нәтижесінде мыңнан астам зейнеткер компьютерде мәтін теріп, ғаламтормен жұмыс істеуді меңгеріп үлгерген. Бірер жылдың ішінде бұл көр­сет­кішті 40 пайызға жеткізу жоспарланған. 

«Жарқылдайды екен деп жас­тықты сөкпе, бәріңнің шыққан тегің сол, Қалтылдайды екен деп қарттықты сөкпе, бәріңнің барар жерің сол» деген дана хал­қымыз еңбектеген баланы да, еңкейген кәріні де ерекше құрметтеген. Ашылғанына небәрі жарты жылдың жүзі болған «Ұзақ өмір сүру» орталығына бас сұқсаңыз осы мақалдың мәніне бойлағандай боласыз. Мұнда зейнеткерлердің бос уақытын тиімді өткізуіне, саламатты өмір салтын ұстануына толықтай жағдай жасалған. Әлеуметтік жобаны қала әкімдігі мен «Күміс ғасыр» қоғамдық қоры жүзеге асырып отыр. Мұнда зейнеткерлер кез келген уақытта бас қосып, пікір алмасып, заңгер, психолог, дәрігерлерден өздерін мазалаған сұрақтарға жауап ала алады. Орталықта ақсақалдар клубы, компьютерлік сынып, арнайы дене шынықтыру бөлмелері жасақталған. Зейнеткерлердің ән салып, қолөнермен шұғыл­дануына да мол мүмкіндік бар. Ең бастысы, орталық қызметі тегін. Яғни, Алматы қаласында тұрақты тіркеуі бар әрбір зейнеткер «Ұзақ өмір сүру» орталығына келе алады.

«Зейнеткерлерге жолдаманы Еңбек және халықты әлеумет­тік қорғау басқармасы береді. Зей­неткерлер тұрғылықты мекен-жайы бойынша Халыққа қызмет көрсету орталығына барып, зейнеткерлік және ме­ди­циналық куәлігін тапсыруы шарт. Қажетті құжаттарды тап­сырғаннан кейін, ХҚКО оларды Еңбек және халықты әлеуметтік қорғау басқармасына жолдайды. Басқарма жолдама­сы бар қа­рияларды біздің орта­лық­қа жібереді», дейді орта­лық же­текшісі Айнұр Ешманова. Зей­нет­керлерді тасымалдау мәсе­лесі де оңтайлы шешімін тапқан. Орталықтағы арнаулы көліктер қарияларды үйінен алып кетіп, мекеме есебінен қайта жет­кізеді.

– Жол картасы «Белсенді ұзақ өмір» жобасын қалалық әкімдікпен бірлесе жүзеге асырып келеміз. Қаладағы аудандар бір-бірімен тығыз жұмыс істейді. Айталық А.Чехов атын­дағы кітапхана базасында егде жандарға арналған шахмат клубы ашылды, осы кітапханаға қоса тағы да бірқатар кітапханаларда зейнеткерлер мен ардагерлерге арналған компьютерлік курс жұмыс істеуде. Ганди атындағы сая­бақта зейнеткерлердің қаты­суы­мен күн сайын таңертеңгілік жат­тығулар жасалады. Жам­был атындағы кітапхана қабыр­ғасында егде жандар үшін қазақ, ағылшын тілдерін меңгеру мақ­сатында тілдік курстар ашыл­ды. Бұл жерде зейнеткер­лер үшін психологиялық тренинг­тер өтеді. Ардагерлер үшін шах­мат клубтарын ашу мақ­сатын­да қаладағы көптеген кәсіп­орындармен келіссөздер жүргізілуде. Зейнеткерлер велошеру, марафон, жалпықала­лық спартакиадаларға тұрақты қаты­сып тұрады. Кейбір аудан­­дарда жалғызбасты қарт­тарды анықтап, арнайы әлеу­мет­тік көмек көрсетілуде. Комму­нал­дық төлемдерін төлеу бойын­ша ақ­­параттық-түсіндіру жұмыс­тары жүзеге асты. Емханаларда медициналық тегін тексеру жұ­мыстары жүргізілді. Өздігінен жүре алмайтын қарттардың үй­леріне дәрігер мамандардың ба­рып тексеруі қамтамасыз етілді, – дейді Алматы қалалық жұмыс­пен қамту және әлеуметтік бағ­дар­ламалар басқармасы бас­шы­сы­ның орынбасары Ләззат Жетібаева. 

Қаладағы бір ғана Бостандық ауданындағы саябақ, гүлзар, аулаларда 22 спорт алаңы ор­на­ласқан. Қариялардың денсау­лығын нығайтып, ынталандыру мақсатында түрлі жарыс­тар ұйымдастырып тұру ісі де жіті назарда. Бұл тұрғыда қала­лық саламатты өмір салтын қа­лып­тастыру орталығы­ның өкіл­дері мен «Еуразия скан­динавиялық жүріс» мектебі м­амандарының қатысуымен Тұң­ғыш Президент саябағында белсенді тыл еңбеккерлері мен зейнеткерлер арасында өткен «Скандинавиялық жүріс» іс-шарасын айрықша атауға болады. Бұдан бөлек Қара жорға сияқты ұлттық билерді ұжымдаса билеу зейнеткерлердің көңілін көтереді. Қазақстанның киелі жерлерін аралау мақсатында Сарыағаш, Түркістан, Түрген, Есік қорғаны, Алакөл сынды тарихи мекендерге жасалған саяхат-сапарлар қарт­тарды қуа­ныш­қа бөлеп отыр.

Қамкөңіл қариялардың қас-қабағына қарап, көңілін аулап, оларға жан-жақты қолдау көрсету – қоғамға ортақ парыз. Осы мақ­сат­та жүзеге асып, 2018-2020 жылға жоспарланып отырған «Белсенді ұзақ өмір» жол картасы жобасынан әлі де күтеріміз мол.

Арман ОКТЯБРЬ,

«Егемен Қазақстан»

АЛМАТЫ

СОҢҒЫ ЖАҢАЛЫҚТАР

26.03.2019

Қостанайдың аудандары мен қалаларында елорданың жаңа атына орай акция өтті

26.03.2019

Қостанай облысында полицейлер азаматтық алып берді

26.03.2019

Сенат Төрағасы Түркия Ұлы Ұлттық Мәжілісі Төрағасымен телефон арқылы сөйлесті

26.03.2019

Мамандар Қаламқастағы апат зардабын өрт ауыздықталған соң анықтамақ

26.03.2019

«Қаламқас» кен орнындағы жағдай бойынша қылмыстық іс қозғалды

26.03.2019

Сыртқы істер министрінің орынбасары тағайындалды

26.03.2019

Мен кешегі шалдарды түгел көрдім

26.03.2019

Қазақстан мен Вьетнам арасындағы өзара құқықтық көмек туралы шартты ратификациялау туралы заң жобасы қаралды

26.03.2019

Сенат комитетінде арнайы экономикалық және индустриялық аймақтар туралызаң жобалары қаралды

26.03.2019

Ақтамберді жыраудың басына кесене орнатыла ма?

26.03.2019

Нұрсұлтан Назарбаев Украина Президенті Петр Порошенкомен телефон арқылы сөйлесті

26.03.2019

Ержан Жылқыбаев еңбек және халықты әлеуметтік қорғау вице-министрі болып тағайындалды

26.03.2019

Алмат Мадалиев Әділет вице-министрі қызметіне тағайындалды

26.03.2019

#NurOtanTrends пікірталас алаңының кезекті отырысы өтті

26.03.2019

Францияның Бас Консулдығы «Франция мәдениеті» байқауын ұйымдастырды

26.03.2019

Алматыда алғашқы «Қыз Жібек аруы» байқауы өтті

26.03.2019

Академик Асқар Жұмаділдаев жасырған есебін шығарған СДУ студентіне 100 доллар сыйақы берді

26.03.2019

Байқау жеңімпаздары оңтүстікті аралайды

26.03.2019

Қазақстан Республикасының Тұңғыш Президенті – Елбасы Алматы қаласына барды

26.03.2019

Нұр-Сұлтан – Токио бағытында рейс ашылды

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу