Б.Сағынтаев Жамбыл облысында Президент тапсырмаларының орындалу барысымен танысады

Бүгін Мемлекет басшысының тапсырмасы бойынша ҚР Премьер-Министрі Бақытжан Сағынтаев Президенттің Қазақстан халқына Жолдауларында, мемлекеттік бағдарламаларда және Қауіпсіздік кеңесінің жуырда өткен отырысында алға қойған міндеттерінің орындалу барысымен танысу үшін Жамбыл облысына жұмыс сапарымен келді, деп хабарлайды primeminister.kz.

Егемен Қазақстан
14.11.2018 2795
2

Білім беру, денсаулық сақтау, ТКШ салаларындағы көрсетілетін қызметтер сапасын арттыру, баға белгілеу айқындығын қамтамасыз ету және өңірде тарифтерді төмендету бойынша қабылданып жатқан шараларға баса көңіл бөлінеді. 

Облыс орталығында Премьер-Министр білім беру, денсаулық сақтау саласындағы қызметкерлермен, өңірлік бизнес қауым өкілдерімен бірқатар кездесулер өткізеді. Күн тәртібінде — медициналық қызметтер сапасын жақсарту, облыста көрсетілетін қызметтер мен дәрі-дәрмектер бағасының қалыптастырылу үрдісінің ашықтығы, білімнің қолжетімділігін арттыру, білікті кадрлар даярлау сапасы және одан әрі жұмысқа орналасуын қамтамасыз ету, кәсіпкерлікті дамыту, «Индустрия 4.0» элементтерін енгізу арқылы өңдеу секторының бәсекеге қабілеттілігін ұлғайту және т. б.

Сапардың басты мақсаттарының бірі — тариф саясатының ашықтығы мәселелері және Жамбыл облысында тарифтерді төмендету бойынша қабылданып жатқан шаралар, аталған мәселелер облыстық монополияға қарсы ведомствоның, өңірлік электр желісі компаниясының, монополия компанияларының, коммуналдық кәсіпорындардың және прокуратураның басшыларымен өтетін кеңес барысында қарастырылады.  

Сонымен қатар, жұмыс сапары барысында Премьер-Министр бірқатар өнеркәсіптік және әлеуметтік инфрақұрылым нысандарын аралайды, олардың мысалында өңірде «Нұрлы жер» және «7–20–25» тұрғын үй бағдарламаларының жүзеге асырылуымен, медициналық қызметтер сапасымен, сумен жабдықтау жүйесінің жаңғыртылуымен, цифрландыруды енгізу, өнеркәсіп және ауыл шаруашылығы салаларының даму барысымен танысады.

Облысқа келген бойда Б. Сағынтаев «Көкжиек–2030» ЖШС сүт өнімдерін шығаратын кәсіпорнының жұмысын тексеріп, АӨК дамуымен және Президенттің ауыл шаруашылығы өнімдерін өңдеу көлемін арттыру жөніндегі тапсырмаларының орындалу барысымен танысты. Бүгінгі таңда кәсіпорын 40-тан астам сүт өнімдерінің түрлерін шығарады. Жыл басынан бері 200 тонна сары май, 500 тонна құрғақ сүт және басқа да сүт өнімдері шығарылды. «Көкжиек–2030» ЖШС басшысы Ә. Бегімбетовтың айтуынша биыл кәсіпорынды жаңғырту аясында FRAU Impianti италиялық компаниясының заманауи жабдығы сатып алынып, іске қосылды. Бұл зауыт қуаттылығын жылына 25 мың тонна сүтке дейін ұлғайтуға жол ашты.

Жамбыл облысы әкімінің орынбасары М. Шөкеев, өз кезегінде, өңірде ауыл шаруашылығын дамыту көрсеткіштері мен перспективалары туралы баяндады. Мәселен, қаңтар–қыркүйек айларында ауыл шаруашылығының жалпы өнім шығарылымы 190,5 млрд теңгені құрады, бұл 2017 жылдың сәйкес кезеңімен салыстырғанда 4,2% жоғары. Ауыл шаруашылығының негізгі капиталына салынған инвестициялар өткен жылы 63,9%-ға өсіп, 19,3 млрд теңгені құрады, оның ішінде азық-түлік өнімдері өндірісіне инвестициялар 26,5%-ға артып, 5 млрд тг құрады.

Азық-түлік өнімдеріне бағаны тұрақтандыру жұмыстары аясында 54 әлеуметтік дүкен арқылы арзан бағамен 1,2 млрд теңгеге 810 тонна тауар сатылды. Жыл басынан бері тұрақтандыру қорынан облыстың барлық аудандарына 398 млн теңгеге 296 тонна тауар сатылды. Облыста 169 ауылдық жәрмеңке өткізілді. 2019 жылы тауарларды тікелей өндірушілерден тұтынушыларға сату үшін 20 киоск және коммуналдық нарықты жаңғырту көзделген.

Ауыл шаруашылығы министрлігінің деректеріне сәйкес, Жамбыл облысында қабылданып жатқан шаралардың арқасында осы жылдың қаңтар–қыркүйек айларында өткен жылдың сәйкес кезеңімен салыстырғанда нақты мәнінде өсімдік майының өндірісі 2,2 есеге, кептірілген нан мен печенье — 93,3%-ға, шоколад — 2,7 есе, макарон — 0,8%, шұжық өнімдері 2,6%-ға, өңделген сүт 17,3%-ға, қышқыл сүт өнімдері 0,6%-ға, ірімшік пен сүзбе — 17,2%-ға, балмұздақ 54%-ға артты.

1 қазандағы жағдай бойынша облыста ІҚМ басы санының өткен жылдың сәйкес кезеңімен салыстырғанда 9,5%-ға өсіру үрдісі байқалды. Ет өндірісі 3,8% артып, 44,1 мың тоннаны, сиыр сүті 2,8%-ға 246,5 мың тоннаға дейін, тауық жұмыртқасы 5,5%-ға 99,5 млн данаға дейін өсті. Тоғыз айдың қорытындысы бойынша сиыр етінің экспорт көлемі 640,9 тонна құрады. Биыл Жамбыл облысында малды қыстауға 1502 мың тонна шөп дайындалды, 107% қамтамасыз ету, пішіндеме — 44,4 мың тонна (95%) және сүрлем — 56 мың тонна (125%).

2018 жылы облыста егістік алқабы 669,1 мың гектарды құрады, бұл өткен жылғыдан 38,9 мың гектарға артық. 9 қарашадағы жағдай бойынша облыс дәнді дақылдарды толық жинап алған. 299,2 мың гектар немесе егіс алқабы 100%-ға жиналған. 26,5 ц/га өнімділігімен 791,7 мың тонна астық бастырылды. 12 қарашадағы жағдай бойынша облыстың фермерлеріне 20 мың тонна субсидияланған тыңайтқыш үлестірілген, бұл 2017 жылдың көрсеткіштен 2,9 мың тоннаға (немесе 17%-ға) артық.

Өз кезегінде, ауыл шаруашылығы бірінші вице-министрі А. Евниев соңғы апталарда Жамбыл облысында сәбіз және пияздан басқа барлық әлеуметтік маңызы бар азық-түлік өнімдерінің шамалы өскенін атап өтті.

Осыған байланысты, әлеуметтік маңызы бар азық-түлік тауарларының бағасын тұрақтандыру мақсатында азық-түлік тауарларының өңірлік тұрақтандыру қорлары құру қолға алынып жатыр. Биылғы жылдың 8 қарашасындағы жағдай бойынша, Тұрақтандыру қорындағы азық-түлік өнімдерінің балансы 5 459 тоннаны құрайды, оның ішінде 1445 тонна көкөніс, 448 тонна бірінші сұрыпты ұн, 60 тонна қарақұмық, 55,48 тонна өсімдік майы бар. Сонымен бірге, АӨК салымдары мен шоттарында 392,837 мың теңге көлемінде қаражат бар.

Еске сала кетейік, ҚР Премьер-Министрі Мемлекет басшысының тапсырмасымен ел өңірлерін жұмыс сапарымен аралап жүр. Осыған дейін Бақытжан Сағынтаев Атырау, Ақтөбе, Қарағанды, Қостанай, Қызылорда, Маңғыстау, Түркістан, Ақмола, Батыс Қазақстан, Солтүстік Қазақстан, Павлодар, Шығыс Қазақстан және Алматы облыстарында жұмыс сапарларымен болды.

СОҢҒЫ ЖАҢАЛЫҚТАР

15.02.2019

Бірге барайық: Интеллектуал дос тапқыңыз келе ме?

15.02.2019

Назгүлдің фото нысанасында – бейкүнә сәбилер қасіреті

15.02.2019

Е.Біртанов медицина саласындағы сапасыз қызметтерді атады

15.02.2019

Смартфоныңыз денсаулығыңыздың көмекшісіне айналады

15.02.2019

Мұхтар Тайжан ауылшарушылығы жерлерін жалға беру туралы пікір білдірді

15.02.2019

Өскемен көшелері  жаңғырып жатыр

15.02.2019

Батырхан Шүкеновтің естелік медалін анасына табыстау рәсімі өтті

15.02.2019

Бердібек Сапарбаев халық алдында есеп берді

15.02.2019

Абайдың латын графикасындағы кітаптары көрмеге қойылды

15.02.2019

Тағам өндірушілерінің І халықаралық форумы өтті

15.02.2019

Адамзат тарихында ең қымбатқа бағаланған картина

15.02.2019

Әлемге әйгілі болған қазақ қызы алдағы уақытта Америкаға аттанады  

15.02.2019

Дипломатиялық қатынастар орнату туралы бірлескен коммюникеге қол қойылды

15.02.2019

Сенатор Ә.Құртаев Азия елдері парламентшілерінің кездесуіне қатысты

15.02.2019

Қолжетімді баспанамен қамтуда қозғалыс бар

15.02.2019

Астана әкімі Бақыт Сұлтанов көпбалалы аналармен кездесті

15.02.2019

Семейде өлкетану оқулары өтті

15.02.2019

Испанияда кезектен тыс сайлау болады

15.02.2019

Киногерлер Шәкен Аймановтың ескерткішіне гүл шоқтарын қойды

15.02.2019

Зауыттар көбейсе, жұмыссыздық азаяр еді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу