Батыс Қазақстан облысының Жәнібек ауылында 40 пәтер пайдалануға берілді

Батыс Қазақстан облысының ең шалғай жатқан аудандарының бірі – Жәнібек ауылында бір күнде қоспәтерлік 20 үй пайдалануға берілді. Мемлекеттік бағдарлама бойынша жаңа пәтер алғандардың қатарында көп балалы отбасылар, жалғызбасты аналар, ата-анасынан айрылғандар, бюджет саласы қызметкерлері, тағы басқа әлеуметтік осал топ өкілдері бар.

Егемен Қазақстан
14.11.2018 4842
2

Наурыз көшесінде қаздай тізілген бұл үйлердің маңайы той болардай абыр-сабыр. «Нұрлы жер» бағдарламасы бойынша салынған екіпәтерлік жиырма тұрғын үйдің құрылысы аяқталып, жаңа иелерін тауып жатыр. Айтулы шараға аудан басшыларынан бөлек, Батыс Қазақстан облысы әкімінің орынбасары Миржан Сатқанов арнайы келіпті.

- Құрметті жерлестер! Баршаңызды облыс әкімі Алтай Көлгіновтің атынан бүгінгі қуаныштарыңызбен шын жүректен құттықтаймын! Осынау шараға қатысқаныма өзім де қуаныштымын. Елімізде жүзеге асырылып жатқан «Нұрлы жер», «7-20-25» бағдарламаларының арқасында өңір, аудан тұрғындары баспанаға қол жеткізуде. Соның жемісін бүгін өздеріңіз де көріп отырсыздар. Осы тұрғын үйлерді салған мердігерге, оған атсалысқан барша азаматтарға алғысымды білдіремін. Пәтерлеріңіз құтты болып, іші балалардың шат күлкісіне толы болсын! – деген Миржан Мұнайдарұлы пәтер иелеріне баспана кілтін табыс етті.

Осы күні 4 бөлмелі су жаңа пәтерге ие болған азаматтың бірі Шернияз Шәмшиденов. 39 жасар Шернияз Жәнібек ауылындағы мемлекеттік мекемелердің бірінде қарауыл болып қызмет етеді екен. Бес баланың әкесі. Балаларының алды 7 сыныпта оқыса, келіншегі Надежда екі жасар кенжесін бағып үйде отыр екен.

- Осыдан бес жыл бұрын көп балалы отбасы ретінде тұрғын үй кезегіне тұрып едік. Міне, «Нұрлы жер» бағдарламасының арқасында баспаналы болып жатырмын. Аудан басшыларына алғысым шексіз, - дейді Шернияз.

Жаңа пәтер кілтін тапсырған аудан басшылары қазақ дәстүрімен су жаңа үйлердің біріне кіріп, дәм татып шықты. Бұл – осы өңірге белгілі әнші Шынар Қайыповаға берілген үш бөлмелі пәтер екен.

- Мен Жәнібек аудандық мәдениет үйінде мәдени демалысты ұйымдастырушы лауазымында 17 жылдан бері еңбек етіп келемін. Отбасым, үш баламыз бар. Жергілікті әкімдіктен тұрғын үй сұрап, пәтер кезегіне 4 жыл бұрын тұрған едік. Өте қуаныштымыз. Бұл үйлердің ай сайынғы төлемі де көп емес, 8-9 мың теңге аралығында екен. Биыл Жәнібекте қоныс той көп, - дейді Шынар бізге.

Шынымен де Жәнібек ауданында соңғы екі жылда құрылыс қарқынды жүріп жатыр. Былтыр 104 үйдің құрылысы басталған екен. Үш пәтерлі 8 үй, барлығы 24 баспана 2017 жылы-ақ иесін тапқан. Ал биыл су жаңа 80 пәтер тапсырылып отыр. Бұдан бөлек, бұрыннан тұрған бір ғимарат күрделі жөндеуден өткізіліп, тағы 8 отбасы баспаналы болған.

- Жәнібек ауылында биыл тапсырылған 40 үй қанша адамды қуантып, ауылдың да сәнін келтірді. Жәнібек ауылының екі шетінде су жаңа үйлерден екі көше пайда болды. Осыдан бір ай бұрын «Нұрлы Жер» бағдарламасы аясында салынған қоспəтерлі 20 үйдің құрылысын мердігер «Real Stroi Ibvest» ЖШС аяқтап, кілтін тапсырған еді. Бұл құрылысқа 286 млн. теңге қаржы бөлінген. Осы үйлерге инженерлік-инфрақұрылым жүйесін жүргізуге жергілікті бюджеттен 61 млн. теңге қаражат шықты. Ол жұмыстарды «Символ», «Real Stroi Invest» фирмалары атқарды. Ал бүгінгі 20 үйдің құрылысын «Қазқұрылыс сервис» ЖШС атқарып шықты. Бұған ел бюджетінен 298 млн. теңге, инженерлік-инфрақұрылым жүйесін жүргізуге жергілікті бюджеттен 80 млн. теңге қаржы бөлінді. Жаңа үйлердің ауданы – 71 шаршыметр, - дейді Жәнібек ауданы әкімінің орынбасары Біржан Меңешов.

Қазбек ҚҰТТЫМҰРАТҰЛЫ

«Егемен Қазақстан»

СОҢҒЫ ЖАҢАЛЫҚТАР

15.02.2019

Бірге барайық: Интеллектуал дос тапқыңыз келе ме?

15.02.2019

Назгүлдің фото нысанасында – бейкүнә сәбилер қасіреті

15.02.2019

Е.Біртанов медицина саласындағы сапасыз қызметтерді атады

15.02.2019

Смартфоныңыз денсаулығыңыздың көмекшісіне айналады

15.02.2019

Мұхтар Тайжан ауылшарушылығы жерлерін жалға беру туралы пікір білдірді

15.02.2019

Өскемен көшелері  жаңғырып жатыр

15.02.2019

Батырхан Шүкеновтің естелік медалін анасына табыстау рәсімі өтті

15.02.2019

Бердібек Сапарбаев халық алдында есеп берді

15.02.2019

Абайдың латын графикасындағы кітаптары көрмеге қойылды

15.02.2019

Тағам өндірушілерінің І халықаралық форумы өтті

15.02.2019

Адамзат тарихында ең қымбатқа бағаланған картина

15.02.2019

Әлемге әйгілі болған қазақ қызы алдағы уақытта Америкаға аттанады  

15.02.2019

Дипломатиялық қатынастар орнату туралы бірлескен коммюникеге қол қойылды

15.02.2019

Сенатор Ә.Құртаев Азия елдері парламентшілерінің кездесуіне қатысты

15.02.2019

Қолжетімді баспанамен қамтуда қозғалыс бар

15.02.2019

Астана әкімі Бақыт Сұлтанов көпбалалы аналармен кездесті

15.02.2019

Семейде өлкетану оқулары өтті

15.02.2019

Испанияда кезектен тыс сайлау болады

15.02.2019

Киногерлер Шәкен Аймановтың ескерткішіне гүл шоқтарын қойды

15.02.2019

Зауыттар көбейсе, жұмыссыздық азаяр еді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу