Жастар жылынан не күтесіз?

Ілгері буынның толысқан тәжірибесін кейінгі толқынның жалын-жігерімен жымдастыра білген қоғамның қашанда түтіні түзу, мерейі үстем болмақ.  Әсіресе қазіргідей әлем ғылыми-техникалық жетістіктердің екпінімен жедел өзгеріп жатқан, бәсекелестіктің бәсі жүріп тұрған уақытта бізге жас буынның белсенділігі өте қажет. Ол үшін әрине ең алдымен жастар қауымына қамқорлықты күшейту керек.

Егемен Қазақстан
16.11.2018 1644
2

Елбасы Нұрсұлтан Назарбаев биылғы Жолдауында осы мәселеге айрықша назар аударып, жастар мен отбасы институтын кешенді қолдауды мемлекеттік саясаттың басымдығына айналдыруды тапсырды. 

Күні кеше, 13 қарашада Елбасы Жарлығымен 2019 жыл Жастар жылы деп жарияланды. Қазақстан Президенті Үкіметке атаулы жылды өткізу бойынша қажетті шаралар қабылдау жөнінде пәрмен бере отырып, Жарлықтың орындалуын бақылауды Қазақстан Республикасы Президентінің Әкімшілігіне жүктеді. 

Ендігі жерде Үкімет деңгейінде атаулы жыл аясында жас буынның қандай мәселелері қолға алынуы керектігінің кешенді жоспар-жобалары қабылданатыны белгілі. Қазіргі таңда бас­таманы жүзеге асыру бойынша Жол картасы түзілгенінен де хабардармыз. Жалпы, бұған дейін де биік мінберлерден һәм қоғам өкілдері тарапынан Жастар жылында қандай мәселелер алға шығуы керек екеніне қатысты көптеген ой-пікір айтылды. Осы орайда «Egemen Qazaqstan» газеті жас толқынның өзіне сөз бергенді жөн көрді. Бұл – күні ертең қабылдануға тиіс жос­пар-жобаларда жастар қауымының ұсыныс-тілегі барынша ескерілсін деген ниет. «Кеңесіп пішкен тонның қашанда келте болмайтыны» белгілі. Сауалдамада еліміздің барлық өңіріндегі түрлі салада жүрген жас азаматтардың пікірі қамтылып отыр.

Сонымен, Жастар жылынан не күтесіз?

Жас отбасыларды нығайтуға назар аударған жөн

«Жастар жылы» аясында жас отба­сылардың жағдайына ерекше көңіл бөл­ген жөн деп санаймын. Мәселе оларға деген әлеуметтік қолдаудан бұрын, жалпы құрыл­ған жас отауларды сақтап қалуда.

Бала күнімізден сан естіген «Отан отбасынан басталады» деген сөз әрбір отбасы мемлекет іргетасы екенін санамызға қондырды. Олай болса, отбасының әлеу­мет­тік институт ретіндегі мәртебесін арттыру, оның мызғымас құн­дылықтарын дә­ріптеу, соның арқасында бұзылған неке­лердің санын қысқарту – мемлекеттік маңызы бар іс.

Өкінішке қарай, соңғы жылдары Қазақстан айырылы­су көрсеткіші бойынша көш бастаған елдер қатарынан табылауда. Әсіресе, бұл керітартпа тенденция жастардың арасында кеңінен таралып отыр. Бұған не себеп? 

Көп жағдайда себепті тұр­мыстық қиын­дықтардан іздейміз. Иә, үй-жай, тұрақты жұмыс және сапалы өмірге қажет өзге де алғышарттардың отбасы тұрақ­тылығын нығайтуға маңызы зор. Бірақ, шынымен де сан мың ошақты ой­ран­даған, баланы ата-ана тәрбиесінен айыр­ған себеп осы ғана ма? Олай болса, эко­но­микасының бәсекеге қабілеттілігі бойынша тоғызын­шы орындағы Швеция айырылысу көрсеткіші бойынша да неге дәл сол деңгейде? 

Демек, әл-ауқатты арттырумен қатар, әлеуметті оңалту қажет. Сол себепті, жас­тарға арналған 365 күннің бірінде, өңір­лерде жас отбасылардың басын қосып, түр­лі сипаттағы ортақ мәселелерінің шешімін табу мақсатымен сұхбат алаң­дарын ұйым­дастыруды қажет деп санаймын. 

Біржан ӘЛІМЖАНОВ,

Білім және ғылым министрлігінің «Қаржы орталығы» АҚ

департамент директоры

Ауылдық жерлерге спорт үйірмелері керек

Өзім спортшы болғандық­тан, еліміздің спорт саласын­дағы әрбір жетістігіне қуана­мын. Экономикамен бір­ге спорт та дамып келеді. Хал­қы­мыздың бәсін биіктеткен талай спортшы бар. Спортты қолдау да мемлекет тарапынан тиісті жолға қойылған. Әсіресе Елбасының «Туған жер» бағдарламасы бойынша бүгінде кәсіпкерлер демеушілігімен ауылдық жерлерде спорт кешендері салынуда. Бәріміз де ауылдан шықтық. Алайда әлі күнге дейін көптеген ауылдарда спорт, оның ішінде бокс үйірмелері жоқ. Жамбыл өңірі негізінен боксшылардың отаны саналады. Егер «Жастар жылында» осы мәселе оң шешімін тапса, туған топырақтан талай жойқын жұдырықты спортшы шығатынына сенімім мол. Одан кейін жаттықтырушы мәселесі тағы бар. Көптеген жоғары санатты жат­тық­тырушылар ауылға жұмысқа бара бермейді. Биылғы Жолдауында Елбасы жалақы мәселесін жақсы айтты ғой. Міне, осы мәселе жаттықтырушыларда да жақсы шешімін тапса деген ой бар. Ендігі жерде барлық ауылдық жерде спорт үйірмелері ашылса деп ойлаймын. Мәселен мен өзім спортпен алғаш айналысып жүрген кезімде Байзақ ауданының орталығы Сарыкемер ауылына барып жаттығып жүрдім. Себебі, біздің Байзақ ауылында бокс үйірмесі болған жоқ. Әлі де сол қалпы. Осы сияқты мәселе әрбір ауылда бар. Сондықтан да келесі жылы спортшы жастарымыз үшін осындай мәселелердің шешімі табылса екен деймін. 

Асланбек ШЫМБЕРГЕНОВ, 

бокстан Азия ойындарының күміс жүлдегері

Жамбыл облысы

СОҢҒЫ ЖАҢАЛЫҚТАР

16.02.2019

ҚХЛ: «Барыс» биыл «Авангардтан» төртінші мәрте жеңілді

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу