Жастар жылынан не күтесіз? Сауалдамадаға қатысқандар пікірі

Егемен Қазақстан
16.11.2018 1288
2

Ұрпақ сабақтастығы үзілуге шақ тұр

Жастар жылының аясында атқарылуға тиіс үлкен жұмыстың бірі – ауыл жастарын жұмыспен қамтуды жолға қою. Мұны арнайы бағдарлама етіп қабылдаса нұр үстіне нұр болар еді. Өзім білетін жағдай бойынша айтсам, қазір ауылдық өңірдегі мәдениет саласының дамуы өз деңгейінде емес. Мен арнайы білімді маман, жұмыс күшіне қатысты айтып отырмын. Қызметкерлердің дені қартайған. Саладағы ұрпақ сабақтастығы үзілуге шақ тұр. Алдыңғы буынның ізін басар жастар қалаға кеткен. 

Өзім осыдан 2 жыл бұрын Астанадағы жалақы­сы жақсы жұмысымды тастап ауылға оралдым. Ел іші алтын бесік қой, адам несібесін аймақта жүріп те табатыны анық. Бірақ, қазіргі жастардың ауыл­да да, қалада да алдынан шығатын басты про­блемасы баспана болса керек. Әлгінде айтқан­дай, ауылға қызметке келетін жастарды қолдау бағытындағы арнайы бағдарлама болса, сонда баспана, жұмыс, жалақыға қатысты ынталандыру жағы нақты белгіленсе. «Дипломмен ауылға!» деген бағдарлама бар. Осы жобада қамтылатын мамандықтарды көбейтсе. «Ел іші – өнер кеніші» дегендей, ауылда талантты ұрпақ өсіп жатыр. Ал ынтасы зор, талантты баланы баулитын кәсіби маман болмаса, дәстүр қалай сабақтаспақ? 

Жалпы, өз басым Елбасы бұл бастаманы жариялай отырып, бізге мүмкіндігімізді көрсетуге, болашаққа деген сенімімізді нығайтуға жол нұсқады деп ойлаймын. Сол сенім үдесінен шыға білейік.

Жарқын БАРАҚБАЙ,

Қаракемер балалар театрының директоры

Алматы облысы, 

Еңбекшіқазақ ауданы

Өнер адамдарын қолдау – көкейкесті мәселе

«Жастар» жылының жариялануы біз сияқты өнерпаз жастардың қуанышын еселеп отыр. Өйткені өнер адамының халық пен мемлекеттен басқа арқасүйері жоқ. Бізді өсіретін де, өшіретін де – тыңдармандарымыз. Әншілердің өнерге адал болудан басқа мақсаты болмайды. Сол себептен де біздің әлеуметтік жағдайымыз басқа сала мамандарына қарағанда, өзгешелеу болып жатады. Қазір мәдениет саласындағы табысы ең төмен мамандық иесінің бірі біз болсақ керек. Өзім қатарлы жастардың ең көп тапқаны 80-100 мың теңгенің айналасы. Осыдан барып әншілердің өнерін саудалап, той қуалап кетуіне мәжбүрлік туады. Осы тұста өнер адамдарын, әсіресе жастарды қолдау­дың тетігін қайта бір қарау керек сияқты. Жалақының аздығынан бөлек, баспанасыздықтың да зардабын тартып жүрген жайымыз бар.

Әрине, нағыз өнер иесін халықтың махаббаты өсіреді. Тырбанып, талаптанып, өнерімізді шыңдаудан бөлек, әлеуметтік жағдайымызды да өз бетімізше оңалтуға тырысып келеміз. Бірақ, біз осындай тұрмыстық проблемамен бас қатырып жүрген кезеңде өнерпаздың алтын уақыты өтіп жатыр. Өнерді, үздік, озық өнерді туғызып, ел назарына ұсынатын шақты өткізіп алу талант үшін де, өнер үшінде кешірілмейтін күнә. Осы тұрғыдан алғанда біз мемлекеттің қолдауына мұқтажбыз. Шүкір, қазір барлық тараптан қолдау бар, қамқорлық бар. Өнерпаздың бәрін жарылқап тастау мүмкін де емес шығар. Алайда, жастарға қатысты бұл талап бірінші орындалуы керек сияқты. 

Елбасы 2019 жылды жастарға бәсі­ре ретінде атағанда өз басым бүкіл мәселеміз шешілетін сәт жақын­дағандай қуандым. Ұзағынан болғай.

Бейбіт МҰСАЕВ, 

Алматы облыстық Сүйінбай атындағы филорманияның әншісі, «Мен – қазақпын-2017» байқауының бас жүлдегері

Инфрақұрылым түзелсе деймін

Жастар жылынан күтеріміз көп. Көптеген жоба­лар­дың жүзеге асары анық. Сол жобалар бір жылдық қана болмай, еліміздің одан кейінгі уақыттағы игілігіне айналса деген тілегім бар. Қазір ауыл шаруашылығына көптеген мамандар жетіспейді, бірақ жастар аз барады. Себебі олардың ауылда тұрғысы келмейді. Маман болмаса ауыл шаруашылығы көтерілмейді. Елбасы бұл саланы экономиканың драйверіне балаған болатын. Жастар жаппай ауылға бару үшін оларға алдымен жағдай жасалуы тиіс. Мемлекеттік бағдарлама бойынша баспана салынса, ауыз су, көгілдір отынмен қамтылған инфрақұрылым түзелсе деймін. Оқу бітірген жастардың ауылға баруға тартыншақтайтынын мен түсінемін. Жағдай болмаса жастар да қалаға тығыла түседі. Жастар жылы ауылды көтеруге аттаныс бас­талса, қанекей.

Абай ДҮЙСЕКОВ,

Қостанай индустриялық-педагогикалық колледжі директорының жастар ісі жөніндегі орынбасары

Қостанай облысы

Ұсыныстар ұлы істерге бастайды

Мемлекет басшысы ел бола­шағы – жастарды ешқашан назардан тыс қалдырған емес. Мен өзім жастар саясаты саласында қызмет атқаратындықтан Елбасының жас­тарға айтатын ой-пікірлері мен талап-тілектерін айрықша ден қо­йып қабылдаймын.

Біз өмір сүріп жатқан уақыт – бейқамдық пен шабандықты кешір­мейтін кезең. Бүгін жасалуы тиіс дүниені ертеңгі күнге ығыс­тырған адам көштің соңында қалары анық. Осыны ескерген Елбасы жас­тарды белсенді болуға, барлық іске жауапкершілікпен қарауға, батыл әрекеттер жасауға үндеп отыр. Келер жылдың «Жас­тар жылы» ретінде жариялануы жас буынның рухын көтереді, жігерін жаниды. Бәсекеге қабілетті ел болудың дау тудырмас негізі – алдымен, сол елдің жастарын соған лайықты тұрғыда тәрбиелеу. Ендеше, жастардың жа­лындап жанатын, білек сыбанатын, биік белестерді бағындыруға ұмтылатын шағы туды.

Осы орайда, көңіл төріндегі көрікті ойларды шындыққа айналдыру мақсатында барлық санаттағы жастарды қамтитын төмендегідей әлеуметтік мазмұндағы шараларды атқару қажет деп есептеймін. 

Алғашқы кезекте, еңбек нары­ғындағы сұранысты ескере отырып, кәсіби бағдар беру жұмыстарын ширату, тиісінше, ЖОО түлектері­нің толыққанды жұмыспен қамтылуын қамтама­сыз ету. Бұл ретте оқу орындарын «Серпін» жобасы бо­йынша тәмамдаған (алғашқы лек 2019 жылы бітіреді) жастарға ерекше көңіл бөлінуі тиіс. Барлық жерлерде жастарға жан-жақты қолдау көрсету мақсатында коворкинг-орталықтар ашылуы керек. 

Биыл жастар ресурстық орта­лығы жанынан ашылған «Good Zone» коворкинг-орталығы жас­тардың ерекше ықыласпен бас қосатын алаңына айналды. Осындай заман талабына сай коворкинг-орталықтарды аудандар мен қалаларда ашу өз нәтижесін берері сөзсіз.

Екіншіден, аудан әкімдерінің ауыл жастарының кәсіпкерлігін дамытуға арналған гранттарының саны мен сомасын кезең-кезеңімен ұлғайту. Ауыл мәртебесін арт­тыру­­дың тың тәсілі ретінде келесі жылы Ұлы­тау ауданында ауыл жас­тары­ның халықаралық форумы өт­кізіл­мекші. Ол ТМД елдерінің 2020 жылға дейінгі халықаралық әріптестігі Стратегиясы аясында ұйымдастырылатын болады. 

Үшіншіден, Жолдауда тұрғын үй ипотекасының қолжетімділігін арттыру жайы аталып өтілді. Оның басты құралы – Елбасы бастамашысы болған «7-20-25» бағдарламасы. Демек, біздің міндетіміз – екінші деңгейлі банктермен бірге, облыс­тың жас тұрғындарын атал­ған бағ­дар­ламаның тетіктері туралы кең көлемде хабардар ету. 

Төртіншіден, денешынықтыру және спорт, білім басқармасымен тізе қоса отырып, облыс өңірлерінің спорт ғимараттарымен және қол­да­ныс­тағы ғимараттардың заманауи құрал-жабдықтармен қамта­масыз етілу жағдайына талдау жасау – кезек күттірмейтін міндет. Оның нәтижесі бойынша нақты ұсы­ныстар түзілетін болады. Қазір­гі таңда аулалардағы спорт алаң­дарының саны мен сапасын ұлғайту, аула клубтары желісін одан әрі кеңей­те түсу қажеттілігі белең алып отыр. Мәсе­лен, өңірлерде пай­да­лануға берілуі жоспарланған тұр­ғын үйлерден аула клубтары үшін мекен-жай бөлу (аумағы – 60-100 шаршы метр) мүмкіндіктері бар.

 Ақжол ҚҰРМАНСЕЙІТ,

Қарағанды облыстық жастар ресурсы орталығының директоры

ҚАРАҒАНДЫ

СОҢҒЫ ЖАҢАЛЫҚТАР

22.03.2019

Президент Ресей Федерациясы Федералдық Жиналысы Федерация Кеңесінің төрайымымен телефон арқылы сөйлесті

22.03.2019

ЮНЕСКО Қазақстанмен ынтымақтастықты жалғастыруға мүдделі

22.03.2019

ҚХЛ: «Барыс» ұтылды, «Авангард» келесі кезеңге өтті

22.03.2019

Өскеменде Наурыз мерекесі өзгеше тойланды

22.03.2019

Өскеменде Наурыз мерекесі бұлақ көзін ашудан басталды

22.03.2019

Элизабет ел үмітін ақтады

22.03.2019

Қос теннисшіміз екінші кезеңге шықты

22.03.2019

Азия чемпионатында алты балуанымыз жүлде алды

22.03.2019

«Ақжайық» футбол клубы елордаға Нұр-Сұлтан есімін беруді қолдайды

22.03.2019

Шүменов Қазақстанда жұдырықтасуы мүмкін

22.03.2019

Игита Қазақстанның ең үздік қақпашысы атанды

22.03.2019

Сенат Төрағасы Д.Назарбаева көңіл айту жеделхатын жолдады

22.03.2019

Атырауда Наурыз мерекесін тойлау кезінде әлемдік рекорд орнатылды

22.03.2019

Талдықорған тұрғындары 5 000 литр көже ішіп, 1 тонна бауырсақ жеді

22.03.2019

Орталық Азиядағы ядролық қарудан азат аймақ құру туралы шартқа 10 жыл

22.03.2019

Қаңтар-ақпан айларында Қазақстанда мұнай, жанармай шығару өскен

22.03.2019

Президент Режеп Тайип Ердоғанмен телефон арқылы сөйлесті

22.03.2019

Бауыржан Тортаев Қаржы министрлігінің жауапты хатшысы қызметінен босатылды

22.03.2019

Ерұлан Жамаубаев Қаржы министрлігінің жауапты хатшысы қызметіне тағайындалды

22.03.2019

Мемлекет басшысы Армения Республикасының Президенті Армен Саркисянмен телефон арқылы сөйлесті

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу