Бөдене шаруашылығының бәсі жоғары

Бүгінде кәсіптің қай түріне болса да мемлекет тарапынан тиісті қолдау бар.Өнімді экспортқа шығаруда да мемлекеттің тигізер пайдасы көп. Елбасы биылғы Жол­дауында экономиканы дамыту, экспортты ұлғайту арқылы табыс көзін арттырып, халықтың тұрмыс сапасын жақсартуға болатынын айтты. Тек ерінбейтін еңбек, жалықпайтын іскер­лік болса болғаны.

Егемен Қазақстан
19.11.2018 30781
2

Біраз жылдан бері Жамбыл облы­сының Меркі ауданында Бахадир Әдізбаев бөдене шаруашылығымен айналысып келеді. Қазір шаруаның тірлігі тіктеліп, жұмысы нәтижелі болып отыр. Көп жағдайда кейбір шаруалар бөденені аулада асырау­мен ғана шектеледі. Алғашқыда Әдізбаевтар отбасы да бөдене жұ­мыртқаларын емдік қасиеті үшін ғана аз мөлшерде пайдаланыпты. Жалпы, бөдене жұмыртқалары балалардың денсаулығына пайдалы болғандықтан, шаруа бөдене өнімдерін күнделікті балалар тағамына қосуды әдетке айналдырады. Кейіннен 30 бөдене сатып алады. Ақыры тәуекелге бел буып, шағын  кәсіппен айналыса бастайды. Содан бері төрт жыл уақыт өтіп, Бахадир өңірдегі табысты кәсіпкердің біріне айналды.

– 2014 жылы 30 бас бөдене са­тып алдық. Уақыт өткен са­йын оның еті мен жұмыртқасына сұраныстың артқанын байқаған соң 50 бөденеге дейін жеткіздік. Бөдене жұмыртқаларында бі­регей, толыққанды ақуыз өнімі    әл­де­қайда көп. Ақуыздан басқа майлар мен көмірсулар, сондай-ақ адам ағзасы үшін ең пайдалы В1, В2, В5, В6, В12, Е, А, D дәрумендері және никотин қыш­қылы бар. Сондықтан да пайдалы жұмыспен айналысу керек деген ниетпен осы кәсіпті бастадым, – дейді шаруаның өзі. 

Мамандардың айтуынша,­ бөдене жұмыртқасының құра­мында темір, фосфор, калий бір­неше есе көп болады. Сонымен қа­тар мұнда кальций, магний, мырыш, кобальт, марганец, мыс, сондай-ақ алмастырылмайтын амин қышқылдары метионин, лизин, глицин, тирозин, триптофан сияқты пайдалы дәрумендер бар. Бұл қуықасты безінің, жү­ректің, бауырдың, бүйректің, асқазанның, ұйқы безінің және басқа да өмірлік маңызы бар аурулардың алдын алады. Қазіргі кезде көптеген дәмханалар мен мейрамханаларда да келушілерге түрлі тағамдармен бірге бөдене жұмыртқасы ұсынылады. Тіпті бұл ас түрін арнайы тапсы­рыс беріп жейтіндер де жиі кез­деседі. Ал қалалық жерлердегі үл­кен маркеттер мен шағын дүкен­дер­­ге бас сұға қалған жағдай­да да бөдене жұмыртқасы ал­ды­мыз­дан шығады. Және бө­дене жұмыртқалары балалар таға­мында да тиімді пайдаланылады.  
­Шаруашылық әуелі «Несуш­­­ка» инкубаторын сатып алып, оның көмегі арқылы инкубация­лық әдіспен жұмыртқаның шыға­рылуын 70 пайызға жеткізіпті. Бүгінгі таңда шаруашылықтың қуат­тылығы 1100 бас бөдене ұс­тауға дейін жетеді. Сонымен қа­тар, кәсіпкер өзі асырап отырған бөденелерден ай сайын 27 000 жұмыртқа және 20 килограмм ет алады. Бөдене жұмыртқалары мен етіне сұраныстың артуына бай­ланысты шаруа 10 000 бас құс сыятын ферманың құ­рылысын бастапты. Жобаның құны 20 миллион теңгені құрайды. Аталған ферманы ағымдағы жыл­дың төр­тінші тоқсанында пай­далануға беру жоспарлануда. Бұл ферма жоспар бойынша жартылай автоматтандырылып, 10 адамға дейін қосымша жұмыс орындары ашылатын болады. 

Жамбыл облысын ет, сүт, жұ­­мыртқа секілді өнімдермен қам­тамасыз етіп отырған шаруа­шылықтар баршылық. Олар өнім­дерін экспортқа шығару мә­селесінде де айтарлықтай көр­сеткішке қол жеткізіп келеді. Ба­хадир өсіретін бөдене құсы өнімінің 80 пайызын Жамбыл облысы тұтынса, қалған 20 пайы­зы шет мемлекеттерге экспортталады. Биылғы жылдан бастап бөдене өнімдеріне көрші Қырғызстаннан да сұраныс түсіпті. Енді айыр қалпақты ағайынның еліне ай сайын 5000 дана жұмыртқа экс­портқа шығарылатын болады. Мұның бәрі де отандық өнімнің жоғары сапасын көрсетіп қана қоймай, еліміздегі кәсіпкерлікке деген кең өрісті айғақтайды. 

Әр кәсіптің өзіндік қиындығы бар. Алайда нәтижеге қол жеткі­зу мақсатында кәсіпкердің еңбек­қор­лығымен қатар, табанды­лы­ғы да керек. Бахадир Әдізбаев бө­де­ненің жұмыртқасы мен етін нарық­қа шығару мақсатында 30-дан астам сауда нүктелерімен ке­лісім­шарт жасап қойыпты. «На­рыққа жаңа қадам басқан ша­руашылықтың өңірде кеңі­нен танылуына және өнімге деген сұраныстың артуына­ «Қазақ­станның үздік тауары-2018» көр­ме-байқауы ықпал еткенін ай­тар едім. Мемлекетіміздің осын­дай орасан қолдауының арқасында кәсібім дөңгеленіп келеді. Сондай-ақ, өнімнің сапасы мен бағасы және табиғи ерекшелігі де көптің көңілінен шықты деуге болады. Осы мақсатта жұмысты әрі қарай жалғастырып, тұрғындарды сапалы өніммен қамтамасыз етуді жалғастыра береміз», дейді кәсіп­кер. Сонымен қатар, келешекте құс­тарын көбейтіп, сол арқылы экспортты арттыру да жоспарда бар екен. 

Бөдене бағудың бейнеті көп болғанмен, қазір кәсіптің сұра­нысқа ие түрінің бірі осы болып тұр. Бахадир Әдізбаев тынымсыз бейнеттің зейнеті де болатынын айтады. Нәсібін кәсібінен тауып отырған шаруаның алдында әлі талай мақсат пен талай жоспар бар. Тек мақсат пен мұратқа ең­бек қана жеткізетінін түйсінген ол сапалы өнім арқылы отандық кәсіпті одан әрі дамытқысы ке­леді. Сонда ғана істің берекесі ар­тып, кәсіпкерлік кең өріс ала түспек.

Хамит ЕСАМАН,

«Егемен Қазақстан»

Жамбыл облысы

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу