Аймақтар • 19 Қараша, 2018

Қостанайда жол қозғалысы ережесінің бір күнде 375 рет бұзылғаны анықталды

390 рет
көрсетілді
1 мин
оқу үшін

Полиция департаменті баспасөз қызметінің хабарлауынша, бұл жедел-профилактикалық шараның басты мақсаты – жолдағы ереже бұзушылықтың, соған орай бақытсыз жағдайлардың алдын алу болатын.

Қостанайда жол қозғалысы ережесінің бір күнде 375 рет бұзылғаны анықталды

Өйткені соңғы кезде Қостанай қаласы көшелерінде көліктің адам қағып кету оқиғасы бірнеше рет қайталанды. Шараның алғашқы күні-ақ полицейлер масаң қалпында рөлде отырған 15 жүргізушіні тоқтатты. Үш күнге созылған «Қауіпсіз жол» операциясы кезінде полицейлер көшедегі жолаушылардың барлығының да жол қозғалысы ережесін қалай сақтайтынын бақылады.

Көлік жүргізіп бара жатып, телефонмен сөйлесетін 35 жүргізуші, қауіпсіздік белдігін тақпайтын 69, маневр жасау ережесін бұзған 14, жүргіншілерге жол бермейтін 5 жүргізуші және көлік айдауға құқығы жоқ 12 адам ұсталды. Сонымен қатар жол қозғалысын бұзған 13 жүргіншіні де жауапкершілікке тартты.

Нәзира ЖӘРІМБЕТ,

«Егемен Қазақстан»

Қостанай

Соңғы жаңалықтар

Су үнемдейтін қондырғы

Технология • Кеше