Astana hub-тың қызметі қандай?

Astana hub халықаралық IT стартаптар технопаркі өз жұмысымен таныстыру мақсатында журналистерге пресс-тур ұйымдастырды. Онда технопарк қызметі түсіндіріліп, стартаптардың жүйеленуі мен атқарылған шаралар таныстырылды. 

Егемен Қазақстан
27.11.2018 5722
2 Суреттер: baq.kz

Жақында Елбасының қатысуымен ресми ашылуы болған Astana hub халықаралық IT стартаптар технопаркі күні кеше елімізге әлемнің әр тарапынан туристер мен көрермендер жинап, елорда атын шарықтатқан ЭКСПО аумағында орналасқан.

Негізі жұмысын бір жыл бұрын бастаған технопарк бүгінде 150-ге жуық стартаптың ордасына айналды. Төрт қабатты ғимаратта еліміздің ерек ойлы тарландары жиналып, кәсіпкерлікке алғашқы қадамдарын жасауда.

«Зерде» ұлттық инфокоммуникация холдингі» акционерлік қоғамы қаржыландыратын Astana hub IT стартаптар технопаркін кәсіпкерлік мектебі десек те болады. Өйткені орталық жас кәсіпкерлерді 6 немесе 12 ай көлемінде шарт бойынша, ақысыз жұмыс алаңымен, шеберхана, жетекшілер мен біліктілікті арттыру курстарымен қамтамасыз етеді. Бұл жерде тек жұмыс істеп қоймай, замандастарымен, әріптестерімен пікір алмасып, жоба туралы ойларын білуге мүмкіндік бар. Тіпті, екі топ бірігіп, бірнеше жобаны бір арнаға тоғыстырған жағдайлар да болған. Қазіргі таңда 25 стартап нарыққа шығып, кәсіпке айналып үлгерген.

Сонымен қатар IT саласын дамытуға бағытталған стартап пайда әкелетін кәсіпке айнала бастағанда  мемлекет тарапынан бірқатар көмек көрсетіліп, салықтан босатылуын қамтамасыз етеді. «Бұл компанияларға жұмыс істеуге жігер беріп, саланы дамытуға үлкен үлес қосады», дейді «Зерде» АҚ басқарма төрағасының орынбасары Павел Коктышев.

«Қазір стартаптың hard ware және soft ware деп аталатын екі түрі бар. Hard ware стартаптарға робот, виртуалды көзілдіріктер жатады. Soft ware стартаптар – қалта телефонына, қызмет көрсетуге арналған бағдарламалар. Бізде стартаптың екі түріне де жағдайлар жасалған. 3D принтермен, заманауи құрылғылармен жабдықталған шеберханаларымыз бар», дейді Astana hub-тың қоғаммен байланыс бөлімінің жетекшісі Айгүл Шерниязова.

Кәсіпкерлер күнделікті мониторингтен өтіп, жарты жыл ішінде нақты нәтижелер көрсетуі керек. Олардың осы саладағы шетелден арнайы шақыртылатын  тәжірибелі мамандармен жұмыс істеуге мүмкіндіктері бар. Әр екі апта сайын мәскеулік сарапшылар сұрақтарыңызға жауап беріп, жобаңызға түзетулер енгізеді. Бұдан бөлек түрлі шеберлік сағаттары, қосымша біліктілікті арттыру курстары өткізіліп тұрады.

Astana hub-тың кәсіпкерлерді оқыту жүйесінің екі түрі бар. Біріншісі – инкубация. Бизнес-инкубатор 6 ай оқу-даярлау бағдарламасы мен отандық сарапшылардың көмегінен тұрады. Екіншісі – акселерация. Бұл кезеңде кәсіпкерлер 3 айлық оқу бағдарламасынан өтіп, стартап-жобаларын дамыту кезеңінен өтеді. Оларға арнайы кеңесшілер тағайындалады. Кеңесшілер жобаларды дамытуға, қателіктерді түзетіп, жобаның жаңа кезеңге өтуіне көмектеседі. Дәл осы кезеңде инвестиция тарту да көзделген.

«Алғашқы бағдарлама аясында 14 жоба қолға алынып, 10 түлегіміз жақсы нәтиже көрсетті. Соның арқасында 28 миллион инвестиция тартылды. Жақында ғана «Clockster» жобасы сингапурлық инвесторлардың назарына ілігіп, 250 000 АҚШ доллары көлемінде инвестиция тартты. Инвестиция көлімін 2 миллион АҚШ долларына дейін ұлғайтуды жоспарлап отырмыз», дейді Павел Коктышев.

«Қазіргі таңда технопарк стартаптарының 30 пайызы шетелдік кәсіпкерлерге тиесілі. Бұл отандық экономикаға өте тиімді. Өйткені олардың жобалары мемлекетке салық төлеп, елімізде жұмыс орынын көбеюіне үлес қосады. Одан бөлек әлемдегі үлкен Nokia, Huawei сынды үлкен корпорациялар өкілдіктерін ашып, жас кәсіпкерлерге бағыт-бағдар беріп отырады. Жыл соңына дейін 35 топ оқуын аяқтауы керек. Былай айтқанда, Astana hub кәсіпкерлер мен мемлекет арасындағы модератор. Технопарк жұмыс алаңымен қамтамасыз етіп, үлестіруші қызметін атқарады», дейді Astana hub халықаралық IT стартаптар технопаркі директоры Әділет Нұрғожин.

Astana hub тәлімгерлерінің бірі – Жеңіс Ізмағанбет. Ол досы Дәулет Айтмахановпен бірге «Иіс су» жобасын бастаған. Әлемдік брендтердің иіс суларын жаңа форматта ұсынып жүрген жастар жобаны тек екеуі жүргізеді. Әтірлерді ыңғайлы құтыда, тиімді көлемде, қолжетімді бағамен жеткізіп беруге бағытталған стартаптың жұмысын бастағанына үш ай болыпты. Бұл ой Дәулетке мектеп кезінде-ақ келген. Бүгінде технопарк ғимаратында жұмыс істейтін жас стартапты Astana hub жақында шикізат сақтайтын, әтірлерді құюға қолайлы жаңа орынмен қамтамасыз етпек. Шикізат сатып алу, оларды құю, жарнама, есеп, логистика мәселелерін түгелдей екеуі дөңгелетіп отырған олар Astana hub-тың кәсіптеріне көп пайдасы болғанын айтады.

Бұдан бөлек Astana hub қарамағында «Antidolg.kz», «Kompra», «Tourcenter», «HomeFix», «Workis» «Mediascanner», «Eventum.one» стартаптары жұмыс істеуде.

Сонымен, Astana hub еліміздегі инновация мен IT саласын дамытуға бағытталған кәсіпкерлер мектебі дей аламыз. Технопарк – коммерциялық жоба емес, мемлекет пен кәсіпкерлер арасындағы модератор, үйлестіруші. Astana hub басшылығының айтуынша, алдағы 5 жылға нақты жоспары құрылған стартаптар мекені еліміздегі әр саланың IT жүйесін дамытатын, халық өмірін жақсартуға бағытталған жобалардың ордасына айналмақ.

Светлана ҒАЛЫМЖАНҚЫЗЫ,

«Егемен Қазақстан»

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу