Тамырлас елдер Жастар жылын атап өтеді

Астанада Түркі кеңесі мемлекеттерінің Жастар істері және спорт министрлерінің үшінші отырысы өтті. Түркі кеңесі министрлерінің отырысы ынтымақтастықты кеңейтуге және түркітілдес мемлекеттер жастарының арасындағы қарым-қатынасты нығайтуға бағытталған. Жиынға Түркі кеңесінің Бас хатшысы Бағдат Әміреев, Қазақстанның Қоғамдық даму министрі Дархан Кәлетаев, Түркияның жастар және спорт министрі Мехмет Касапоглу, Қырғызстанның Жастар, денешынықтыру және спорт жөніндегі мемлекеттік агенттігінің директоры Қанат Аманқұлов, Әзербайжанның жастар және спорт министрінің орынбасары Исмаил Исмаилов қатысты. 

Егемен Қазақстан
06.12.2018 2130
2

Отырыс барысында жас көш­басшылардың ІІ форумын, IV Халықаралық жастар ла­герін және Түркі кеңесінің ІІІ Ха­лық­аралық жастар фестивалін өткізу мәселелері талқыланды.

Жиынды ашқан Бас хатшы Бағдат Әміреев Түркі кеңесінің шараларына қолдау көрсеткені үшін еліміздің Мәдениет және спорт министрлігіне және Қо­ғам­дық даму министрлігіне алғы­сын айтты. Сондай-ақ Бас хат­шы отырысқа қатысушылар түр­кітілдес елдер жастарының бірың­ғай платформасын құру идея­сын қолдайтынын және оны жү­зеге асыруға кірісетін уақыт келгенін атап өтті.

«Қырғызстанда өткен Түркі кеңе­сінің саммитінде мемле­кет­тер басшылары жастар құры­лым­дары арасындағы ынтымақ­тас­тықты нығайтып, жастарды радикалды идеялардан қорғау мақсатында шаралар қолдануға бірауыздан келісті. Түркітілдес елдері жастарының бірыңғай платформасының құрылуы мүше елдер көшбасшылары қойған мақсаттарға жетуге бір­ден-бір мүмкіндік», деді Бағдат Әміреев. 

«Бүгінде әрбір төртінші қа­зақ­стандық – жастар өкілі. Сон­дық­тан мемлекеттік саясаттың осы бағыты Президент пен Үкі­меттің назарында. Жастарды қол­дауға бағытталған бағдар­ла­малық құжаттар мен жобалар жүйелі негізде іске асырылу­да. Ведомствоаралық үйлестіруді жүзе­ге асыру үшін біздің министр­ліктің құрылымында Жастар және отбасы істері жөнінде­гі комитет жұмыс істей­ді, бар­лық өңірлерде уәкілетті мемле­кеттік органдар қызмет атқа­рады», деді Қоғамдық даму ми­нистрі Дархан Кәлетаев. 

Министрдің айтуынша, өңір­лер­де 210 жастар ресурстық орта­лығы, 818 Жастар ісі жөнін­дегі комитет, жастардың 549 үкі­мет­тік емес ұйымы жұмыс істейді. Атқарылған жұмыс­тар­дың нәтижесінде білім индексі бо­йынша 189 елдің ішінде Қазақ­стан 31-орында. Ал жастар дамуының жаһандық индексінде еліміз 183 елдің ішінде 61-орында тұрса, Түркия – 62-ші, Қырғызстан – 64-ші, Әзербайжан – 95-орында. 

Сонымен қатар министр Жастар жылының тек Қа­зақстанға емес, бүкіл түркітілдес елдерге қатысты жыл болуына мүмкіндік бар екенін айтты. 
«Жастардың бірігуі біз үшін ең табысты жұмыс іс­тей­тін жобалардың бірі болып табылады. Бүгінде әрбір төр­тін­ші қа­зақ­стандық – жастар өкілі. Сон­дықтан бұл бағыт біз үшін өте маңызды», деп атап өткен министр Қазақстандағы мемле­кеттік жастар саясатын жүзеге асырудың негізгі аспек­тілері­мен, Түркі кеңесі аясын­да ынты­мақ­тастықтың перспек­ти­валық бағыт­тарымен таныс­тырды. 2019 жы­лы Қазақстан тарапы Түркі ке­ңесі жас көш­бас­шыларының ІІ фо­румын өткі­зуге дайын екенін жеткізді. 

Бұдан кейін сөз алған Түр­кия­ның жастар және спорт ми­нистрі Мехмет Касапоглу ортақ мұраны болашаққа жет­кізуші ретінде қарым-қатынасты бір тілмен шектемеу керек екенін атап өтті.

«Біз түбі бір, тілі бір халық­тармыз. Бізге мұра етіп қалдырған күл­лі түркі халықтарына ортақ дү­ниені жастарға аманаттау керек. Бүгінгі отырыста бас қо­суымыздың себебі – коопера­ция­ның бірігіп әрекет етуі. Түркі елдерінің қарым-қатынасында жастардың алар орны бөлек. Біз әрдайым жастар әлеуетінің жоғары болуына бар күшімізді саламыз. Бүгінгі жастар ер­теңгі күллі түркі әлемінің бо­лашағы екені анық», деді Мехмет Касапоглу.

Сонымен қатар Мехмет Касап­оглу тарихи отан саналатын Қазақстанның жылышырай танытып, құрметпен күтіп алға­нына қуанышты екенін және бойын ерекше сезім билегеніне тоқталды. Түркияның жастар және спорт министрі келер жылы Түркияда IV Халықаралық жас­тар фес­ти­валі және 2020 жылы Дүние­жү­зілік Көшпенділер ойы­ны өткі­зіледі.

«Спорт жастардың өмірінде ерекше орын алуы тиіс. Сон­дықтан осы бағытта жастар ла­герьлерінің жұмысын жандандыру қажет. Келер жылы біздің еліміз Дүниежүзілік Көш­пенділер ойынын, 2021 жылы Ислам ойын­дарынан жа­рыс өткізуді жоспарлап отыр. Қазақстанмен қарым-қаты­на­сымыз өте жоғары деңгейде. Алдағы Жастар жылы аясында болатын іс-шараларда Түркі кеңесіне мүше елдер бел­сен­ділік танытады деген сенім­демін», деді ол.

Бас хатшы Бағдат Әміреевтің орынбасары Өмер Коджаманның айтуынша, бүгінге дейін Түркия мен Қазақстанда ұйым­дастырылған жастар лагеріне 1,5 мыңнан астам адам қатысты. Түркі кеңесінің күн тәртібіндегі басты мәселе – ұйымға қатысушы елдердің жастары арасындағы қарым-қатынасты корпоративтік және тұрақты құрылымға айналдыруға мүмкіндік беретін жастар тұғырнамасын құру.

«Түркі кеңесі бұл мәсе­ле­де халықаралық жастар ұйым­да­рымен ынтымақтасуға дайын. Шетелдегі отандастар және Түркияның туыстық қауым­дастықтары істері жөнін­дегі басқармасы Жастар тұғыр­на­масының жұмысын қолдайды», деді Өмер Коджаман.

Жиын соңында Түркі кеңе­сінің VI жастар лагері келер жы­лы Қазақстанда, Түркі кеңе­сінің III Халықаралық жастар фестивалі Түркияда, Түркі ке­ңесі елдері университеттерінің екінші спорттық жарыстары (түркі Универсиадасы) 2020 жылы Қазақстанда, Түркі кеңесі Жас көшбасшыларының ІІ форумы 2019 жылы еліміздің Түркістан қаласында өтетіні нақ­тыланды. Түркі кеңесі жас­тар тұғырнамасының Бас Ас­самблеясы 2019 жы­лы Әзер­байжанда ұйымдастырылады деп шешім қабылданды. Сонымен қатар Түркі кеңесі елдерінің жас­тар және спорт министрлерінің төртінші отырысы 2019 жылы Қырғызстанда өтеді.

Ақмарал АҒЗАМҚЫЗЫ,

«Егемен Қазақстан»

СОҢҒЫ ЖАҢАЛЫҚТАР

23.02.2019

Гагарин кубогындағы қарсыластар анықталды

23.02.2019

«Алматы марафонының» жүгіру маусымы ашылды

23.02.2019

Түркістанда «Балдәурен-2019» байқауы өтті

23.02.2019

Түркістан: Түлкібас ауданында 6 әлеуметтік дүкен жұмыс істейді

23.02.2019

Атырауда көпбалалы үйлерге улы газды анықтайтын детекторлар тегін орнатылып жатыр

23.02.2019

Бейбіт Атамқұлов Еуропалық Одақтың Орталық Азия бойынша арнайы өкілімен кездесті

23.02.2019

Бектас Бекназаров Молдовадағы сайлауды бақылауға қатысты

23.02.2019

Елшілер институты Қазақстанға отандық жұлдыздардың жанкүйерлерін тартуға жол ашады

23.02.2019

Бүгін еліміздің басым бөлігінде тұман түсіп, көктайғақ болады

23.02.2019

Бадминтоннан әлем кубогі: қазақстандықтар жұптық сында келесі кезеңге өтті

23.02.2019

Юлия Галышева Жапониядағы әлем кубогі кезеңінде қола жүлдегер атанды

23.02.2019

Елордада ашық құдықтар мәселесі қалай шешілуде?

23.02.2019

Астанада әскерге шақырылушыларды медициналық куәландыру мәселелері талқыланды

23.02.2019

Қоғамдық қабылдауда ақтөбеліктердің мыңнан астам мәселесі шешілді

23.02.2019

ТМД құрылысшылары баға белгілеу саласында тәжірибе алмасты

23.02.2019

Жас теміржолшылар республикалық «Jas qanattar»  форумына қатысты

23.02.2019

Қостанай облысында өткен жылы өңдеу өнеркәсібінің өсімі 5,8 процентке артты

23.02.2019

Мақсат - әр тұрғынға отыз шаршы метр баспана беру

23.02.2019

Қызылорда облысы Полиция департаментінің жеке құрамы үшін гарнизондық жиын өтті

23.02.2019

Лондонда қазақстандық боксшы қарсыласын нокаутқа түсірді

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу