Мәулен Әшімбаев арнайы сапармен Шығыс Қазақстан облысына барды

Бүгін «Нұр Отан» партиясы Төрағасының Бірінші орынбасары Мәулен Әшімбаев арнайы сапармен Шығыс Қазақстан облысына барды. Сапар барысында ол Қазақстан Республикасы Премьер-Министрінің орынбасары Асқар Жұмағалиевпен және облыс әкімі Даниал Ахметовпен бірге өңірде алғаш рет өткізілген республикалық «Digital East – Болашаққа қадам» ІТ-форумына қатысты. Сондай-ақ Облыстық мамандандырылған медициналық орталыққа барып, цифрландыру саласындағы өңірдің жетістіктеріне назар аударды.

Егемен Қазақстан
06.12.2018 6910
2

Елбасының бастамасымен қазіргі таңда елімізде «Цифрлы Қазақстан» бағдарламасы табысты жүзеге асырылып жатқаны белгілі. Соған орай барлық өңірде цифрландыру жұмыстары қолға алынып, жаңа бастамаларға басымдық берілуде. Таяуда ғана елордада ашылған «Astana Hub» стартаптар технопаркі осы бағыттағы жұмыстардың жаңа кезеңін бастап берді.

Осы ретте Шығыс Қазақстан облысының цифрландыру ісі бойынша айтарлықтай нәтижелерге қол жеткізіп отырғанын атап өткен жөн. Өңірде жастардың ІТ-технологияға деген қызығушылығы да уақыт өткен сайын артып келеді. Сондай-ақ облыстың халыққа қызмет көрсететін мекемелері мен ірі өндіріс ошақтары да цифрландыруды жемісін көріп отыр. Осындай игі істердің қорытындысы ретінде «Digital East – Болашаққа қадам» ІТ-форумы ұйымдастырылып, алдағы міндеттер нақтыланды.

Форумға арнайы қатысқан Мәулен Әшімбаев мұндай бастамалардың ел дамуында маңызы зор екенін айтты.

– Цифрландыру дегеніміз бүгінгі заманның басты талабы. Сондықтан қазірдің өзінде елімізде мемлекеттік қызметтің басым бөлігі цифрлы форматқа ауыстырылып, жаңа үрдістерге сай көрсетілуде. Тіпті ірі зауыттар мен өндіріс орындарында да ауыр жұмыстар цифрлы технологияның жемісін көріп отыр. Мұның барлығы Елбасының «Цифрлы Қазақстан» бағдарламасын жүзеге асырудың нақты нәтижесі екені сөзсіз. Мемлекет басшысы жаңа Жолдауында да бұл салаға ерекше мән беріп, инновациялық және сервистік секторларды дамытудың тиімді тетіктерін анықтап берді. Соның нәтижесінде бүгінде еліміз бойынша көптеген игі істер жүзеге асырылып, осы салада білікті, кәсіби мамандар даярлау ісі қолға алынды. Бүгінгі ІТ-форумды да сондай тың бастамалардың игі нәтижесі деп қарастыруымызға әбден болады, – деді Мәулен Әшімбаев.

Сондай-ақ ол соңғы айларда «Нұр Отан» партиясының Елбасы, партия Төрағасының тапсырмасына сәйкес өз қызметін жаңғырту мақсатында ауыз толтырып айтарлықтай жұмыс атқарып жатқанын тілге тиек етті. Оның айтуынша, партиялық жаңғыру аясында «Цифрлы Қазақстан» бағдарламасын жүзеге асыруға үлес қосу үшін партия тарапынан нақты жобалар да қолға алынған. Атап айтқанда, жастарға бағдарламалау, робот техникалары және 3D модельдеу негіздерін үйретіп, сұранысқа ие мамандықтарды игеруге бағытталған тегін 1000 ІТ-сынып пен ересек азаматтардың цифрлық сауаттылығын арттырып, жаңа мамандық меңгеруге мүмкіндік беретін ІТ-орталықтар ашу жобасы жүзеге асырылуда.

Бұл бастамалар бүгінде өз жемісін беріп отыр. Қазірдің өзінде еліміз бойынша 782 ІТ-сынып ашылып, 30 мыңнан астам мектеп оқушылары білім алуда. Соның ішінде 277 ІТ-сынып Шығыс Қазақстан облысында ашылған. Оның 112-сі қалалық жерлерде ашылса, қалған 165-сі облыстың ауыл-аймақтарына тиесілі. Бұл көрсеткіш бойынша Кенді Алтай өңірі елімізде көш бастап тұр.

Өңірде ашылған 2 ІТ-орталықтың да жұмысы жоғары деңгейде жүргізіліп келеді. Бүгінге дейін бұл орталықтарда 544 шығысқазақстандық азамат білімін жетілдіріп, жаңа мамандықтарды меңгеруге мүмкіндік алды. Осындай жұмыстардың арқасында партия ұйымдастырған ІТ-олимпиадаға қатысушылар қатарында шығысқазақстандықтардың көп болғанына назар аударған жөн.

Мәулен Әшімбаев мұндай бастамалар енді 5-10 жылдан кейін өз жемісін беретінін, ең бастысы, жастарымыздың ХХІ ғасырдың мамандықтарын игеріп, бәсекеге қабілетті болып қалыптасуына септігін тигізетінін айтты.

– Мұндай бастамалардың елімізді жаңа белестерге шығаратыны сөзсіз. Өйткені дәл қазіргі таңда ІТ-технологиялар серпінді дамудың негізі болып отыр. Сондықтан партиялық жобаларды бір салаға ғана емес, барлық салаға бағытталған жұмыс деп қарастыруымыз керек. Бұл ретте Шығыс Қазақстан облысының тәжірибесін ерекше атап өткен жөн. Келесі жылы облыстың барлық мектебінде ІТ-сыныптар ашылып, жастардың жаңа заман мамандықтары бойынша сапалы білім алуына жағдай жасалмақ. Облыстың бұл белсенділігі бүкіл Қазақстан үшін үлгі екені сөзсіз, – деді Мәулен Әшімбаев.

Сонымен қатар форум барысында «Үздік ІТ-шешімдер мен стартап жобалар» байқауының жеңімпаздары марапатталды. Екі кезеңнен тұрған бұл байқауға 1500 үміткер қатысты. Жобаның басты мақсаты – тиімді ІТ-шешімдер мен стартап бастамаларды іріктеп, олардың жүзеге асырылуына қаржылай қолдау көрсету. Бұл ретте қатысушылардың дені жастар екенін және олар негізінен әлеуметтік қызметтердің қолжетімділігін қамтамасыз ететін, халықтың өмір сүру сапасын жақсартатын жобаларды ұсынғанын айта кеткен жөн.

Байқауға арнайы кәсіпорындар мен ІТ-компаниялардан бөлек, студенттердің, колледждер мен мектеп оқушыларының да белсенді қатысуы жастардың болашақтың мамандықтарын игеруге деген құштарлықтарының жарқын көрінісі екенін айтқан «Нұр Отан» партиясы Төрағасының Бірінші орынбасары мұндай жайттың көңіл қуантатынын жеткізді.

Сонымен қатар аталған форум аясында «Цифрлы Шығыстың жетістіктері» атты көрме ұйымдастырылып, цифрландыру ісі бойынша Шығыс Қазақстан облысында қолға алынған тың идеялар көпшіліктің назарына ұсынылды.

Цифрландыру ісі бойынша облыста медицина саласында да айтарлықтай нәтижелерге қол жеткізілгенін ерекше атап өткен жөн. Ол үшін Облыстық мамандандырылған медициналық орталықтың жұмысын айтса да жеткілікті. Аталған нысанға арнайы барған Мәулен Әшімбаев бұл жердің басты ерекшелігі саналатын роботтандырылған хирургиялық орталықтың жұмысымен танысты.

Мұндай орталық еліміз бойынша алғаш рет Өскеменде ашылып отыр. Аталған орталықта Италиядан әкелінген Senhance Transenterix роботының көмегімен күрделі эндоскопиялық оталар жасалады. Алғашқы оталар Италиядан келген маманның жетекшілігімен жасалған екен. Биылғы наурыз айында ашылған орталықта қазірге дейін 120-дан астам науқасқа ота жасалып, талай жанның дертінен айығуына себепші болған.

Роботтандырылған хирургия отаның дәлдігін арттырып, жарақаттың жеңіл және операциядан кейінгі ем-домның сапалы болуын қамтамасыз етеді. Сондықтан бұл бастаманы отандық денсаулық сақтау жүйесін жаңғыртудағы аса маңызды қадам деп атауға толық негіз бар.

Орталықтың бұл саладағы тағы бір басты жаңалығы – мамандардың білімі мен біліктілігін арттыруға айрықша мән берілуі. Мұнда дәрігерлердің үшдеңгейлі оқыту бағдарламасы бойынша сапалы білім алуына барлық жағдай жасалған. Тіпті шетелдің озық медициналық орталықтарының білікті мамандары арнайы келіп, жергілікті дәрігерлерге 6 бірдей шеберлік сабақтарын өткізген. Орталықта роботтандырылған хирургиядан бөлек, трансплантологиялық және симуляциялық бөлімдер де елге қызмет көрсетеді.

Сапар соңында «Нұр Отан» партиясы Төрағасының Бірінші орынбасары партияның облыстық активімен кездесіп, Елбасының «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауы мен жақында жарияланған «Ұлы даланың жеті қыры» мақаласында айтылған басымдықтарды жүзеге асыру барысын талқылады. Мәулен Әшімбаев өз сөзінде Мемлекет басшысының аталған құжаттарда айқындап берген басымдықтары жүйелі сипатқа ие екенін айтып, оларды нәтижелі орындау үшін партияның алдында тұрған басты міндеттерге тоқталды.

СОҢҒЫ ЖАҢАЛЫҚТАР

11.12.2018

Маңғыстау облысының әкімдігі Халықаралық жасыл технологиялар орталығымен меморандумға қол қойды

11.12.2018

Алматы облысында «Маревен Фуд» зауыты іске қосылды

11.12.2018

Жерлесіміз УЕФА Атқару комитеті мүшелігіне ұсынылды

11.12.2018

Ақтөбе облысының жастары сарапшылармен бірге Президент мақаласын талқылады

11.12.2018

Талғар агробизнес және менеджмент колледжі 100  жылдығын атап өтті

11.12.2018

Қазақстандық автоөнеркәсіп саласына ірі инвестор келді

11.12.2018

Дональд Трамп Қазақстанды Тәуелсіздік күнімен құттықтады

11.12.2018

Қ.Тоқаев Чехия және Жапония елшілеріне алғыс білдірді

11.12.2018

Қазақстанда ойнайтын үш футболшы Арменияның үздігі атануға үмітті

11.12.2018

Аян Бейсенбаев «Жыл спортшысы» атанды

11.12.2018

Теміртас Жүсіпов: Жылдың үздік боксшысы атағын аламын деп ойламадым

11.12.2018

Елбасы қазақстандық өнім шығаратын үш кәсіпорынды іске қосты

11.12.2018

Ж.Қасымбек әлеуметтік-экономикалық даму көрсеткіштері туралы баяндады

11.12.2018

Ауыл шаруашылығы өнімдерінің өндірісі 2,9%-ға артты - А.Евниев

11.12.2018

Биылғы мемлекеттік бюджеттің орындалу қорытындылары қаралды

11.12.2018

Үкіметте жекешелендірудің кешенді жоспарын орындау барысы қаралды

11.12.2018

Н.Нығматулин Чехияның Қазақстандағы Елшісі Э.Жигованы қабылдады

11.12.2018

ЖІӨ тұрақты өсімі үш ай бойы 4,1% деңгейінде сақталып отыр - ҰЭМ

11.12.2018

Алматыда мамандандырылған Халыққа қызмет көрсету орталықтары ашылды

11.12.2018

Таразда сатушысы жоқ дүкен ашылды

ТАҒЫ ЖҮКТЕУ
КОЛУМНИСТЕР

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

Сайраш ӘБІШҚЫЗЫ, Қазақстанның білім беру ісінің құрметті қызметкері

Halyq sózinde birtutastyq, birlik bar

«Halyq» sóziniń mán-maǵynasy óte tereń ekeni barshaǵa málim. Másele – osyndaı saıası astary aıryqsha sózdi qalaı qoldanyp júrgenimizde. Merzimdi baspasóz betterindegi habarlardan,  teleradıo arnalardan, ózara áńgimeden «aýyl halqy», «qala halqy» degendi oqyp ta, estip te júrmiz. Máselen, telearnalardyń birinen «Arshaly aýdanynda 27 myń halyq bar» degendi estidim de, «halyq sózin durys qoldanaıyq» dep, ózimniń oı dápte­rime jazyp qoıdym. Sebebi orys tilinde «narod sela» nemese «narod derevnı», «na­rod raıona», «narod goroda» demeıdi, tipti jazbaı­dy. Bul tilde «naselenıe», «jıtelı», «gorojane», «selchane» deıtinin bilemiz. Biz qazaqsha «aýyl turǵyndary», «qalalyqtar» nemese «qala turǵyndary» desek, ekpini báseń bolyp, birdeńe joǵaltyp alatyndaı, «aýyl halqy», «qala halqy» dep qysqa qaıyramyz. Sonda deımin-aý, qazaǵymyzdy bólip, jiktep, birtutas halyq sanatyna qospaı turǵanymyzdy nege ańǵarmaımyz?!

ҰҚСАС ЖАҢАЛЫҚТАР

Тағы да оқу

Пікір қосу