Астана әкімдігінің аппараттық жиыны бұдан былай ашық форматта өтеді

Қалалық әкімдікте апта сайынғы аппараттық кеңес өтті. Онда «Астана адалдық алаңы» жобасының іске асуы, кәріз құдықтарының ашық қалуы және үлестік құрылыс сұрақтары қаралды. Бұл туралы Астана қаласы әкімдігінің ресми сайты хабарлады. 

Егемен Қазақстан
22.01.2019 515
2

«Астана адалдық алаңы» жобасын іске асыруға қатысты қала әкіміне Мемлекеттік қызмет істері жемқорлыққа қарсы күрес және сыбайлас департаментінің басшысы Жазира Жылқышиева баяндап берді. Оның айтуынша, жоба аясында астаналық департамент 2019 жылы өзінің кеңсе форматын өзгерткен.  

«Бүгін МҚІАД қызметкерлерінің жұмысында «Open space» технологиясы қолданылуда. Бұрын басшылық жеке отыратын еді енді қызметкерлермен бірге бір кабинетте отырады. Оңтайландыру аясында біз қатардағы қызметкерлердің еңбекақы мөлшерін арттыруға қол жеткізе алдық. Біздің департаменттің тәжірибесін әкімдік басқармаларына бағынысты мекемелерде де қолдануды ұсынамыз», деді Жазира Жылқышиева.

Департамент басшысы осы жылы «Астана – адалдық алаңы» жобасы аясында жүзеге асатын іс-шаралар тұрмыстық деңгейдегі, денсаулық сақтау, білім беру, тұрғын үй-коммуналдық шаруашылығы, сәулет және қала құрылысы саласында тұрмыстық жемқорлықты  төмендетуге бағытталатынын мәлімдеді. Осыған байланысты әкім Бақыт Сұлтанов сәулет, қала құрылысы және жер қатынастары басқармасы басшыларына, сондай-ақ мониторинг және жедел әрекет ету орталығына жобалық кеңсе орталығын ашуға қол ұшын беруге шақырды.

Елорда әкімінің айтуынша, қаланың жүйелі проблемалар рейтингісінде тұрған өзекті мәселелердің бірі – үлестік құрылыс. Тұрғын үй құрылысына үлескерлік қатысудың проблемалы мәселелері бойынша қала әкімінің бірінші орынбасары Сергей  Хорошун айтып берді. Астанада барлық тұрғын үй нысандарының құрылысын аяқтауға байланысты Жол картасы әзірленген.

Әкімнің бірінші орынбасарының айтуынша, Жол картасын жүзеге асыру барысында және ведомствоаралық комиссияның жұмысы аясында үлескерлердің барлық проблемалық мәселелері шешілетін болады. Сонымен қатар, алдағы төрт жылда 35 тозған және апатты үй сүріліп, 750 тұрғыны көшіріледі деп жоспарлануда. Қала әкімінің айтуынша, «Азбука жилья» нысандарына қатысты мемлекеттік сараптамадан өткен жобалау-сметалық құжаттама 25 қаңтарға дейін шығуы тиіс.  

Денсаулық сақтау саласындағы ағымдағы жағдай туралы қала әкімінің орынбасары Аманшаев Ермек баяндады. Оның айтуынша, қалалық емханалар мен ауруханалардың жұмысына келіп түскен шағымдарды саны өткен аптада 98 құрады, алдыңғы апта көрсеткіштермен салыстырғанда бұл 10% - ға төмен.

«Даулы мәселелердің жиі туындауына байланысты тұрғындар көбіне емханалардың қызметіне шағым түсіреді. Шағымдардың көбісі медициналық қызметкерлердің моралды-этикалық тәртібіне, дәрігердің қабылдауына жазылу, кезек мәселесіне қатысты шағымданады. Аталмыш мәселелер бойынша тиісті медициналық мекемелердің басшылығына ескертулер жасалды», - деді Е. Аманшаев. Ол, сондай-ақ, елордадағы мұз қалашықтарға келушілер саны бүгінгі таңда 30 мыңға жуықтағанын атап өтті.       

«Бұл – өте жақсы көрсеткіш. Есіл ауданындағы мұз қалашықтарға 14 мыңнан астам адам келеді. Елордада ұйымдастырылған барлық мұз айдындары мен қалашықтарында әр демалыс күні түрлі іс-шаралар өткізіледі. Мұз айдындарында жарақат алу оқиғаларын болдырмау шаралары жүргізіледі. Мәселе біздің тұрақты бақылауымызда», - деді Аманшаев.

Астана әкімінің орынбасары Малика Бектұрова «Сергек» камераларын орнату жұмыстарынан хабардар етті. ««Сергек» фото-бейне бақылау камералары қаланың барлық аудандарында орнатылған. Жол қиылыстарында 200 камера енгізілді. Бүгінгі таңда қалада 1536 «Сергек» камерасы жұмыс істеуде. Болашақта Астанада азаматтардың тұлғаларын анықтауға мүмкіндік беретін камералар орнатылады деп жоспарлануда. Пилоттық жобаны ҚР ІІМ іске асыратын болады», - деп мәлімдеді М. Бектұрова.

Аудан әкімдерінің есебін тыңдаған Бақыт Сұлтанов металлды қабылдау пунктері қызметіне жасалған жағдайға тосқауыл қоюға және люк қақпақтарын, электр кабельдерін, басқа да металлдарды ұрлауға қатысты проблеманы шешуге мүмкіндік беретін іс-шараларды жүзеге асыру және қолданыстағы заңнамаға тиісті өзгерістерді енгізу бойынша ұсыныстарды келтіруді тапсырды.

«Ашық құдыққа құлап қалған қыздың қазасымен байланысты қайғылы оқиғадан кейін біз ашық құдықтарға, олардың қақпақтарының ұрлануына, сондай-ақ, қақпақтарды басқа материалдан жасауға қатысты мәселелерді бірнеше мәрте талқылаған болатынбыз. Ашық құдықтарға қатысты жұмыс мәселесін түйіндей келе, қатардағы жұмыскерлермен қоса, олардың жетекшілерінің де тапсырмаға немқұрайлы қарағандығын көріп отырмыз! Аудан әкімдерінің жауапты орынбасарлары мен инвестициялар және кәсіпкерлікті дамыту; отын-энергетикалық кешен және коммуналдық шаруашылық; көлік және жол-көлік инфрақұрылымын дамыту басқармалары басшыларының жауапты орынбасарларына ескертуді соңғы рет жасап отырмын. Мәселе жақын арада шешімін таппаса, жауапты тұлғаларды тәртіптік жауапкершілікке тартуды тапсырамын»,- Бақыт Сұлтанов.

Аппараттық кеңес барысының толық нұсқасын төмендегі бейнематериалдан көруге болады. Тұрғындар Астана әкімдігінің аппараттық жиынын енді ашық форматта апта сайын көре алады.

СОҢҒЫ ЖАҢАЛЫҚТАР

22.02.2019

Galaxy S10 телефоны 8 наурыздан сатылымға шығады

22.02.2019

Алдағы уақытта мұнай қымбаттай ма?

22.02.2019

Дзюдошыларымыздың Дюсельдорфтағы қарсыластары анықталды

22.02.2019

Өткен тәулікте 43 мың текше метрден астам қар жиналды

22.02.2019

Қай министрліктер мемқызметшілерге артық жұмыс істетіп отыр

22.02.2019

Маңғыстаудың көші-қон қызметі бюджетке 99 млн теңгеден астам қаражат енгізді

22.02.2019

Алматы әкімдігі мен халықаралық IFC қаржы корпорациясы ынтымақтастыққа уағдаласты

22.02.2019

Астана қаласының денсаулық сақтау саласын дамытудың басымдықтары белгіленді

22.02.2019

Солтүстік Қазақстанда әлемдегі ірі қалайы  кен орны ашылады

22.02.2019

Алматы қаласының энергоқауіпсіздігін нығайтқан жоба аяқталды

22.02.2019

Жетісулықтар «Қазақстанның 100 жаңа есімі» жобасының жеңімпазымен жүздесті

22.02.2019

«DIGITAL URPAQ» САРАЙЫ – елімізде баламасы жоқ нысан

22.02.2019

Кәсіпорындар қажет маманды өздері оқытады

22.02.2019

Кеше елордаға бір мың тоннадан астам көмір жеткізілді

22.02.2019

Қазақстанда отандық өндірістегі РТ маркалы авиациялық отынның көтерме бағасы арзандады

22.02.2019

Қостанай облысында кәсіпкер көп балалы отбасына баспана сыйлады

22.02.2019

Қозғалысты реттеймін деп айыппұл төледі

22.02.2019

Көкшетауда «EL jastar» театры ашылды

22.02.2019

БҚО құтқарушылары 5 айлық сәбиді құтқарды

22.02.2019

Асыл тұқымды 5 мың сиыр әкеледі

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу