Ауылда отырып, аукционда жеңген фермер

 

Коммерциялық мақсатқа жалға алу құқығын сату бойынша аукциондар, ауыл шаруашылығы мақсатындағы жер телімін пайдалану құқығын беру бойынша конкурстар елімізде тұң­ғыш рет электронды форматта өте бастады.

Егемен Қазақстан
23.01.2019 6059
2

«Үйде отырып аукционға қатыстым»

Жақында Қазталов ауданының Жалпақ­тал ауылында тұратын Қанат Мұсағалиев үйінде отырып ауылда азық-түлік дүкенін ашу үшін жер телімін сатып алды.

– Аукцион уақыты бекітілген сағат 11.00-де компьютерімді қосып қойдым. Жер қатынастары бөлі­мі­нің мамандары электронды аук­цион­ның қалай өтетінін егжей-тег­жейлі түсіндіріп берген болатын. Әсіресе арнайы дайындалған видеонұсқаулықтың пайдасы көп болды. Алдын ала керекті құжаттар­ды база­ға жүктедік. Жарнасын төле­дік. Еш қиын емес екен. Керісін­ше өте ыңғайлы. Аук­ционға үш адам қатыстық. Сатылап баға ұсы­нып, соңында 0,07 га жер теліміне 222 мың 894 теңге ұсынып, жеңіске жеттім, – дейді Қ.Мұсағалиев.

Қанат – «Тұлпар» шаруа қожалығы­ның жетекшісі. Бұдан бұрын да ауыл шаруа­шы­лығы мақсатындағы жер телімін пайдалану құқығын беру бойынша байқауларға, жер аукциондарына қатысқан. «Бұрынғы дәстүр­лі жүйенің әбігері көп еді. Қаншама қағаз толтырып, талай кабинеттің табал­­ды­ры­ғын тоздырып жүретінбіз», дейді шаруақор жігіт.

Қанат қазір электронды аукционда жеңіп алған жер теліміне дүкен ғимаратын салудың қамына кірісіп кетті.

2018 жылы облыстың 11 ауданын­да 304 жер телімі бойынша ауыл шаруа­шылығы мақсатындағы жерді пайдалану құқығын берудің 28 конкурсы өтті. Сондай-ақ жал­пы аумағы 47,2 га болатын 103 жер телімін ком­мер­циялық мақсатқа жалға алу құ­қығын сату бойынша 18 аукцион ұйымдас­тырылды.

Жер туралы білгің келсе, порталға кір

Президент «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауында 2019 жылы мемлекеттік қызметтердің 80 пайызын, 2020 жылы 90 пайызын электронды форматқа көшіруді тапсырды.

Облыстық жер қатынастары басқар­масын­да бұл бастама жақсы жолға қойыл­ған. Мәселен, облыста жер қатынастары саласында биыл көрсетілген 9154 қызметтің 56 пайызы, яғни 5167-сі электронды форматта болыпты.

«Цифрлы Қазақстан» бағдарла­масы шеңберінде Батыс Қазақстан об­лыс­тық жер қатынастары бас­қар­масы www.zem.kz порталын іске қосты. Порталда конкурс және аукцион арқылы ұсынылатын бос жер телімдерінің сызбалары, жеке тұр­ғын үй құрылысы үшін жер телімдерін алуға кезекке тұрғандар тізімі, Орал қаласы және барлық аудандардағы жер пайдаланушылар туралы мәлімет бар. Бұл порталға элек­тронды цифр­лы қолтаңбасы бар кез келген азамат кіріп, өзіне қажетті ақпа­ратты ала алады, – дейді облыстық жер қаты­настары басқармасының басшысы Әлия Мұханбетжанова.

Жерге Көктен көзқарас

Оралда www.zem.kz порталының іске қосылғанына бір жылдай уақыт өтті. Бұл жоба «Атамекен» кәсіпкер­лер палатасы мен облыс әкімдігінің арасында өңірдегі бизнес климатты жақсарту, сыбайлас жемқорлық ықти­малын жою мақсатында қолға алынған еді. Өңірдегі жер мәселесіне қатысты ақпараттың барлығы осы ресурста жинақталған.

– Өткен жылы «Қазақстан ғарыш сапары» Ұлттық компаниясы» АҚ басшылары облысқа келді. Сол кезде облыс аумағына ғарыштан мони­торинг жасау үшін арнайы геопортал құру жөнінде мәселе көтерілді. Геопорталдың тиімділігі ғарыштық түсірі­лімдер арқылы облыс аумағындағы ауыл шаруашылығы жерінің, жалпы жер ресурстарының пайдаланылуы, жерді заңсыз иелену, тіркелмеген құрылыстарды анықтау т.б. көптеген сауалдар айдан анық болады. Ғарыш түсірілімдері апта сайын жаңғыртады. Сол арқылы көктемде қанша алқап жыртылды, ол жерде қандай ауылшаруашылық жұмысы жүрді, қандай дақыл егілді, алқаптың арам­шөппен ластануы қандай дең­гейде, жер дұрыс пайдаланылып жатыр ма, міне, осының бәрін бақылау мүмкін болады. Заңсыздық болса, біз геопортал мәліметін айғақ қылып, жосықсыз жер пайдаланушыларды жауапкершілікке тарта аламыз. 2019 жылы іске қосылатын бұл геопортал деректері қарапайым тұрғындар үшін де оңтайлы болады, дейді Әлия Биғазықызы.

Жер тек пайдаланған адамға беріледі

Пайдаланылмай, бос жатқан жерді анықтау, кері қайтару және қайтадан ауыл шаруашылығы айналымына қосу бағытындағы жұмыс Ақ Жайық өңірінде де жүйелі жүріп жатыр.

– Жерді толықтай игеру және ауыл шаруашылығы өнімдері өндірісінің өсімін қамтамасыз ету мақсатында 2012-2018 жылдар ішінде 1 млн 480,5 мың гектар жер анықталып, соның 1022,1 мың гектары мемлекет меншігіне қайтарылды. Бұл жердің 590,4 мың гектары жаңа қожайындарын тауып үлгерген. Бірақ жер шалғайлығына, өнім түсімі төмендігіне байланысты 431,7 мың гектар жер сұранысқа ие болмай, ауыл шаруашылығы айналымына қосылмады. Оның негізгі бөлігі Жәнібек, Қазталов, Ақжайық, Бөрлі, Сырым және Шыңғырлау аудандарына тиесілі, – дейді Ә.Мұханбетжанова.

www.zem.kz сайтында жер пайдалану заңдарын бұзған заңды және жеке тұлғалардың «қара тізімі» де көрсетілген. Мұндай клиент­тер екі жылға дейін жер алу үшін аукцион­дар мен байқауларға қатыса алмайды.

Қазбек ҚҰТТЫМҰРАТҰЛЫ,

«Egemen Qazaqstan»

СОҢҒЫ ЖАҢАЛЫҚТАР

22.02.2019

Galaxy S10 телефоны 8 наурыздан сатылымға шығады

22.02.2019

Алдағы уақытта мұнай қымбаттай ма?

22.02.2019

Дзюдошыларымыздың Дюсельдорфтағы қарсыластары анықталды

22.02.2019

Өткен тәулікте 43 мың текше метрден астам қар жиналды

22.02.2019

Қай министрліктер мемқызметшілерге артық жұмыс істетіп отыр

22.02.2019

Маңғыстаудың көші-қон қызметі бюджетке 99 млн теңгеден астам қаражат енгізді

22.02.2019

Алматы әкімдігі мен халықаралық IFC қаржы корпорациясы ынтымақтастыққа уағдаласты

22.02.2019

Астана қаласының денсаулық сақтау саласын дамытудың басымдықтары белгіленді

22.02.2019

Солтүстік Қазақстанда әлемдегі ірі қалайы  кен орны ашылады

22.02.2019

Алматы қаласының энергоқауіпсіздігін нығайтқан жоба аяқталды

22.02.2019

Жетісулықтар «Қазақстанның 100 жаңа есімі» жобасының жеңімпазымен жүздесті

22.02.2019

«DIGITAL URPAQ» САРАЙЫ – елімізде баламасы жоқ нысан

22.02.2019

Кәсіпорындар қажет маманды өздері оқытады

22.02.2019

Кеше елордаға бір мың тоннадан астам көмір жеткізілді

22.02.2019

Қазақстанда отандық өндірістегі РТ маркалы авиациялық отынның көтерме бағасы арзандады

22.02.2019

Қостанай облысында кәсіпкер көп балалы отбасына баспана сыйлады

22.02.2019

Қозғалысты реттеймін деп айыппұл төледі

22.02.2019

Көкшетауда «EL jastar» театры ашылды

22.02.2019

БҚО құтқарушылары 5 айлық сәбиді құтқарды

22.02.2019

Асыл тұқымды 5 мың сиыр әкеледі

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу