Пиреней түбегінің түлегі өте мықты спортшы. Осы күнге дейін 16 рет айқас алаңына шыққан 25 жастағы Альварес 15 мәрте жеңіске жетіп, барлық бәсекені мерзімінен бұрын аяқтады. Ал Дамир болса, 19 бәсеке өткізіп, 17 рет басымдық танытты. Кезінде ол M-1 Global нұсқасы бойынша чемпиондық белбеуді иеленді. Содан кейін әлемдегі ең белді пормоушен – UFC-ге ауысты. Былтырғы жылдың желтоқсан айында Австралияның Аделайда қаласында жергілікті спортшы Алекс Горджесті ұпай санымен ұтты.
Испания спортшысы «қылқындыру» әдісін өте шебер орындайды. 15 бәсекенің барлығын айқын басымдықпен аяқтаған бұл жігітті мықты деп айтпасқа лаж жоқ. Бірақ мен одан еш қаймықпаймын. Прагада өтетін жекпе-жекте өз жанкүйерлерімді қуанту үшін барымды саламын, – дейді Дамир Исмағұлов.
Ғалым СҮЛЕЙМЕН,
«Egemen Qazaqstan»
