Коворкинг орталығы қала әкімі Ілияс Испановтың тапсырмасымен және қалалық мәслихаттың хатшысы Сұлупан Шынтасованың қолдауымен ашылды. Жаңа нысанда мүмкіндігі шектеулі жандар кез келген уақытта жиналып еркін жұмыс істей алады, сонымен әр түрлі іс-шаралар өткізуге мүмкіндік бар.
Коворкинг орталығы заман талабына сай барлық техникамен жабдықталған. Мәселен, компьютерлер мен проектор орнатылған, тегін Wi-Fi желісі тартылған, кітапхана, үстел ойындары, кинофильмдер мен мотивациялық роликтер көруге арналған қондырғылар, музыкалық аспаптар және караоке келушілердің игілігіне тапсырылды.
Ұйымдастырушылар енді жаңа орталықта бірқатар тренингтер мен шеберлік сыныптарын өткізуді жоспарлап отыр.
