Қазақстан • 13 Ақпан, 2019

Рудный қаласы мектептерінде бір жылда оқушы саны 546-ға көбейген

346 рет
көрсетілді
1 мин
оқу үшін

Бұл туралы тұрғындар алдында есеп берген Рудный қаласының әкімі Бақытжан Ғаязов айтты. Бүгінде қала мектептерінде барлығы 15 810 бала оқиды. Былтырғы оқу жылына қарағанда 546 оқушы қосылған. Сол үшін білім ұяларында 22 сыныпты қосымша ашуға тура келген. Бұл, әрине, ішкі көші-қоң үдерісінің нәтижесі екеніні сөзсіз.

Рудный қаласы мектептерінде бір жылда оқушы саны 546-ға көбейген

Қалада «Цифрлы Қазақстан» бағдарламасының шеңберінде бірнеше мектепте, Балалар мен жастар шығармашылығы сарайында, Қашар кентінде ІТ-технология кабинеттері, STEM лабораториясы ашылған.

«Білім жүйесін цифрландыру» бағдарламасы бойынша мектепке дейінгі мекемеге автоматтандырылған кезекке тұру қызметі енгізілді. Қазір Рудный қаласының тұрғындары үйден шықпай-ақ баласын бала бақша кезегіне қоя алады» деді Рудный қаласының әкімі Бақытжан Ғаязов.

Қала мектептері жаңартылған білім мазмұнына сатылап көшіп жатыр, онымен бүгінде оқушылардың 70 проценті жаңартылған білім мазмұнымен оқиды. Алдағы оқу жылында қаладағы білім беру мекемелері жаңа жүйеге толық көшіп болады.

Нәзира Жәрімбет,

«Егемен Қазақстан»

Қостанай