Әлем • 21 Ақпан, 2019

Қазақстандық мектеп оқушылары 2020 жылы Қытайда өтетін Дүниежүзілік гимназиадаға қатысады

431 рет
көрсетілді
1 мин
оқу үшін

Парламент Мәжілісі депутаттарының 2020 жылы Қытайда өтетін Дүниежүзілік гимназиадаға қатысты жолдаған сауалына Премьер-министр Бақытжан Сағынтаев жауап берді.

Қазақстандық мектеп оқушылары 2020 жылы Қытайда өтетін Дүниежүзілік гимназиадаға қатысады

Қазіргі уақытта орта білім беру ұйымдарында бұқаралық спорт түрлері бойынша мектеп спорт лигасы құрылды, оның кезеңдері мектепішілік, өңірлік және республикалық деңгейде іске асырылуда. Білім және ғылым министрлігі 2002 жылдан бастап тұрақты негізде мектеп оқушылары мен колледж оқушыларының 53-ші жазғы және 10-шы қысқы спорт түрлерінен жазғы (қысқы) спартакиадаларын өткізіп келеді.

«Соңғы жылдары мектеп спортын дамытуды одан әрі ынталандыру, сондай-ақ спорт резервін дайындау мақсатында Министрлік 14-17 жастағы оқушыларға халықаралық жарыстарға қатысу үшін неғұрлым кең мүмкіндіктер беру жөніндегі шараларды пысықтауда. Осылайша, Министрлік Қазақстан Республикасы Мектеп спорт федерациясымен бірлесіп мектеп спорт лигасы мен оқушылар спартакиадасы жеңімпаздарының  2020  жылы   Қытайдағы  Дүниежүзілік   гимназиадаға қатысу мәселесін зерделеп жатыр», делінген Б. Сағынтаевтан келген хабарламада.

Премьер-министрдің айтуынша, Дүниежүзілік гимназиядаға қатысу республикалық бюджеттен қажетті қаржы ресурстарын бөлуді талап етеді. Бүгінгі таңда республикалық бюджетте бұл мақсаттарға қаржы көзделмеген. Осыған байланысты Дүниежүзілік гимназиядаға қатысу үшін бюджеттен қаржы бөлу заңнамада белгіленген тәртіппен қаралатын болады.

Жоғарыда баяндалғанның негізінде Білім және ғылым министрлігіне атқарылған жұмыс жөнінде депутаттық корпусты қосымша хабардар ету туралы тапсырма берілді.