Осы мақсатқа үкіметтен үш жарым млрд. теңге бөлінген. Бүгінде үй-күйі жоқтарға тегін баспана берудің заманы өткен. Бюджет қалтасы көтермейді. Алайда, үкімет пен облыс әкімдігі арба да сынбайтын, өгіз де өлмейтін тығырықтан осылайша шығып жатыр. Кешеге дейін апатты үйлердегі жеті жүзге жуық отбасылардың проблемасы шешілген.
Енді көп балалы және тұрмыс төмен отбасылар үшін үлкен жеңілдіктер жасалуда.
Оның сыртында 7-20-25 бағдарламасы мен өңірлік «Орда» жол картасы үйлі болудың жақсы алғышарты. Сөз ыңғайында айтар болсақ, Қызылорда облысындағы үйлер Қазақстан бойынша ең арзан тұрғын үйлер санатында. Мұнда үйдің әр шаршы метрі 120 мың теңгенің айналасында ғана.
Бақтияр ТАЙЖАН,
«Egemen Qazaqstan»
Қызылорда облысы
