Сенаторлар халықаралық келісімдерді ратификациялады

Қасым-Жомарт Тоқаевтың төрағалық етуімен болған Парламент Сенатының отырысында бірқатар халықаралық келісімдер ратификацияланды.

Егемен Қазақстан
21.02.2019 22
2

Палата 2017 жылдың 1 қарашасында Астанада қол қойылған Қазақстан мен Иордания арасындағы құқықтық сала бойынша үш келісімді ратификациялау туралы заңдарды қабылдады. Қылмыстық істер бойынша өзара құқықтық көмек туралы келісім уағдаласушы мемлекеттердің қылмыстық істер бойынша тергеулерді, қылмыстық қудалауды және сот ісін жүргізуде көмек көрсетуді көздейді. Құжат күдіктілер мен айыпталушылардың кінәсін дәлелдеу үшін қажетті тергеулердің жүргізілуін реттейді. Құқықтық көмек көрсетудің шарттары мен тәртібі және бас тарту негіздері белгіленді.

Сенатор Владимир Волков осы мәселе бойынша сөйлеген сөзінде біздің еліміздің экономикалық, мәдени, шаруашылық және іскерлік қарым-қатынастарының үнемі өсуіне байланысты Келісімнің маңызы мен қажеттілігін атап өтті. 2018 жылғы 1 қазандағы жағдай бойынша әлемдегі 195 елден шетелдік 6,8 миллион азамат Қазақстанға келген, оның ішінде 616-сы Иордания азаматы (2017 жылы - 7,7 миллион адам, оның ішінде 945-і Иорданиядан). Басқа елдерге 8,2 миллионға жуық қазақстандық (2017 жылы - 10,3 миллион адам) барған.

Шетелде жүрген азаматтар өмірдегі әртүрлі жағдайларға тап болады. Айтылған деректерге сәйкес, қазіргі уақытта Қазақстан Республикасының 947 азаматы шетелде сотталып кеткен. Біздің елімізде 1169 шетелдіктер сотталды. Олардың бәрі құқықтық көмекке мұқтаж, деп санайды депутат.

Мұндай келісімдердің тиімділігі туралы айтқанда, В.Волков статистикалық деректерді де келтірді. Оның айтуынша, 2018 жылы шет мемлекеттердің құзыретті органдары еліміздің азаматтарына қатысты қылмыстық істер бойынша көмек көрсету жөніндегі Қазақстан Республикасының құқық қорғау органдарының 59 тергеу тапсырмасын орындады. 2017 жылы олардың саны 291 болды. Өз кезегінде шет мемлекеттерден осыған ұқсас 384 ұсыныс қаралды. 2017 жылы олардың саны 591 болды.

Қазақстан мен Иорданияның арасындағы адамдарды ұстап беру туралы келісім уағдаласушы мемлекеттің аумағында жүрген, ұстап беруге әкелетін қылмысы үшін сұрау салушы тараптың аумағында қылмыстық қудалау немесе сот үкімін орындау мақсатында іздеу салынған адамды ұстап беруге бағытталған.

Сотталған адамдарды беру туралы екіжақты келісім сотталған адамның немесе оның заңды өкілінің жазбаша келісімі болған жағдайда және беруге екі тараптың келісімі болған кезде жүзеге асуы мүмкін. Өздерінің ұлттық заңнамасына сәйкес тараптардың кешірім жасау, рақымшылық жасау немесе берілген сотталған адамға жазаны өтеу құқықтары бар.

Сенат отырысында «Ұжымдық қауіпсіздік туралы шарт ұйымына мүше мемлекеттердің ақпараттық қауіпсіздікті қамтамасыз ету саласындағы ынтымақтастығы туралы келісімді ратификациялау туралы» заң қабылданды.

2017 жылы 30 қарашада Минскіде қол қойылған келісім ҰҚШҰ-ға мүше мемлекеттердің ақпараттық қауіпсіздігін қамтамасыз ету мүддесіне орай  өзара іс-қимылды дамытуға бағытталған. Келісім тараптары мемлекетаралық ынтымақтастық және ақпараттық қауіпсіздікті қамтамасыз ету саласындағы мекемеаралық өзара іс-қимылды нығайту негізінде ҰҚШҰ-ға мүше мемлекеттердің ақпарат қауіпсіздігі жүйесін одан әрі дамытуды қамтамасыз етуді міндетіне алады. Ақпарат қауіпсіздігін қамтамасыз ету саласындағы сенімді нығайту шараларын дамыта отырып тараптар ғылыми-зерттеу жұмыстарының нәтижелерімен алмасуды жүзеге асырады, ғылыми-техникалық жаңалықтарды ынталандырады, ақпарат қауіпсіздігін қамтамасыз етудің технологиялық негіздерін жетілдіру бойынша келісілген шараларды қабылдайды. Осы Келісімнің аясындағы ынтымақтастық барысында берілетін немесе жасалатын ақпараттың қорғалуы көзделіп отыр.

Палата одан басқа 2017 жылғы 29 қарашада Минскіде қол қойылған Қазақстан мен Беларусь арасындағы өнеркәсіптің қорғаныс салалары ұйымдарының өндірістік және ғылыми-техникалық кооперациясы туралы үкіметаралық келісімді ратификациялады.

Құжат екі елдің қорғаныс өнеркәсібі саласындағы кәсіпорындары арасындағы өзара іс-қимылды реттейді. Келісімде белгіленген ережелер өнеркәсіптің қорғаныс салалары ұйымдарының экономикалық, өндірістік және ғылыми-техникалық кооперациясы үшін берілетін өнімді және әскери-техникалық мақсаттағы көрсетілетін қызметтерді квоталаудан және лицензиялаудан босату сияқты қолайлы жағдайларды қамтамасыз ететін болады. Сондай-ақ Келісімнің аясында берілген немесе құрылған зияткерлік меншікті қорғауды қамтамасыз ету жөніндегі шаралар белгіленген, тараптар беретін өнімнің сапасын бақылау және оны қабылдап алу мәселелері реттелген.

Отырыс барысында сенаторлардың депутаттық сауалдары жария етілді. Нариман Төреғалиев еліміздегі театрлардың жас әртістерін жан-жақты қолдау туралы; Әлімжан Құртаев әл-Фарабидің 1150 жылдық мерейтойына арналған шаралар кешенін ұйымдастыру және өткізу; Ольга Перепечина  кәсіпкерлік қызметте пайдаланылатын нысандарға салық салу; Ерболат Мұқаев Батыс Қазақстан облысындағы автомобиль жолдарын күрделі жөндеуге қаржы бөлу; Еділ Мамытбеков еліміздің цирк өнерін дамыту туралы сауал жолдады.

 

СОҢҒЫ ЖАҢАЛЫҚТАР

23.03.2019

«Бөрте милка» кәсіпорнының жұмысшылары елорданың Нұр-Сұлтан атанғанын қолдайды

23.03.2019

Қасым-Жомарт Тоқаев алғашқы жұмыс сапарын қасиетті Түркістаннан бастады

23.03.2019

Президент Қ.Тоқаев алғашқы жұмыс сапарын Түркістаннан бастады

23.03.2019

Қазақ күресінен «Өнер Барысы» турнирінің жеңімпаздары анықталды

23.03.2019

Астанада Наурызға арналған теннистен турнир басталды

23.03.2019

Солтүстікқазақстандық полицейлердің қайырымдылық іс-шаралары

23.03.2019

Меморгандардың жаңа кәсіпорындар құруына мораторий жарияланады

23.03.2019

Қызды құтқарам деп суға кеткен Шалқар Ақымғалиев мемлекеттік наградаға ұсынылады

23.03.2019

Қытайдағы химиялық зауытта жарылыс болып, 47 адам қаза тапқан

23.03.2019

Еуроодақ Голан төбесін Израиль меншігі деп танудан бас тартты

23.03.2019

Тоқаев Тұрсынбаеваны күміс медалімен құттықтады

23.03.2019

Милад Карими кермедегі жаттығу бойынша әлем кубогінің финалына өтті

23.03.2019

Юлия Путинцева Майами турнирінің үшінші айналымына шықты

23.03.2019

Қостанайдағы «Бастаңғы»  көп мәселе көтерді

23.03.2019

«Харекет» қайырымдылық қоры көпбалалы отбасыға пәтер кілтін табыс етті

23.03.2019

AIBA президенті отставкаға кететінін мәлімдеді

23.03.2019

Маңғыстауда наурыз мерекесін атап өтуге жағалауға 100 мың адам жиналған

23.03.2019

ЮНЕСКО Қазақстанмен ынтымақтастықты жалғастыруға мүдделі

23.03.2019

Анкарада Наурыз мерекесі тойланды

22.03.2019

Президент Ресей Федерациясы Федералдық Жиналысы Федерация Кеңесінің төрайымымен телефон арқылы сөйлесті

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу