Гүл өсірумен айналысатын «Гүл Мансур» ЖШС 2013 жылы құрылған. Жобаның кұны – 15 млн теңге. Қазіргі таңда серіктестіктің меншігінде 2,5 гектар егістік жер бар. Оның 1,5 гектары жылыжай. Онда «Черная магия» тұқымды раушан гүлі өсіріледі.
«Черная магияңыз» табиғатта қара раушанға ұқсас келетін «Қара сиқыр» екен. Ал қара раушан, яғни «халфетти» гүлі тек қана жаз айында және түріктердің Альфетти аталатын ауылында өсетіні мәлім. Деректерге сүйенсек, жергілікті тұрғындар өз жерлерінде өсетін қара раушанды мақтан тұтып, оны мұңның, құпияның, үміттің, құмарлықтың нышаны ретінде таниды. Ал ұқсастығы болмаса, түр-түсі мен тұқымы бөлектеу қазығұрттық «Черная магияның» құпиясы – қыз-келіншектерді құмар ететін сиқырында болып тұр. Айта кетелік, серіктестікте көктемде, яғни маусым кезінде жұмысшылар саны 25-ке жетіп, әрбіріне 70 мың теңге көлемінде еңбекақы төленеді.
Ғалымжан ЕЛШІБАЙ,
«Egemen Qazaqstan»
Түркістан облысы
