ӘКІМШІЛІК-ҚҰҚЫҚТЫҚ ДАМУ ЖАЙЫ ТАЛҚЫЛАНДЫ

Егемен Қазақстан
13.01.2010 1731
Алматыда “Қазақстан Респуб­ли­касының Құқықтық саясат тұжырымдамасы аясында әкімшілік құқық дамуының өзекті мәселе­ле­рі” атты дөңгелек үстел болып өтті. Конс­ти­туциялық Кеңес, Мәжіліс­тің Заңнама және сот-құқықтық реформа жөніндегі ко­ми­теті және “Адам құқықтары үшін” қо­ғамдық қорының ұйымдастыруымен өткен жиында күн тәртібіне қойылған өзекті мәселелер төңірегінде кеңі­нен сөз болды. Құқықтық саясат тұжырым­да­ма­сы ая­сында әкімшілік құқық дамуының өзекті мәселелеріне арналған кеңейтілген жиынға Бас про­куратура, Жоғарғы Сот, Әділет және Ішкі істер министрліктерінің, халықаралық, үкіметтік емес және қоғамдық ұйымдардың өкілдері қаты­сып, ой бөлісті. Онда негізінен ал­ғанда Әкімшілік құқық бұзушылық кодексі мен Әкімшілік іс жүргізу кодексіне жаңа ұсыныстар енгізе отырып, кодексті одан әрі жетілдіру бағытындағы іс-шаралар жан-жақты талқыланды.  Президент Әкімшілігі Басшысының орын­ба­сары Талғат Донақов жиналғандар алдында сөз алып, әкімшілік құқық дамуының келешегі және маңызы жөнінде айтып берді. Сөз реті келгенде атап айтар­лығы, Әкім­ші­лік құқық бұзушылық кодексі мен Әкім­шілік іс жүргізу кодексіне енгізілген жаңа ұсыныс­тар, ең бастысы нақтылығымен әрі тиімділігімен ерекшеленуде. Мәсе­лен, мұ­ның өзі, ең алдымен құқық бұзушылықтың құрылымын нақты түрде анықтауға қатысты болып отыр. Заң жобасымен айналысу­шы­лардың пікірінше, заңға енгізілген толық­тырулар көпшілік  мүддесі мен мақсатына сәйкестендіріле отырып жасалынған. Конституциялық кеңес төрағасы Игорь Рогов өз сөзінде “еліміздің мемлекеттік құқық дамуындағы жетістіктеріне тоқ­та­лып, Қазақстанның бұл бағытта көптеген елдерге үлгі бола алатын­дығын атап көрсетті. Қа­зақ­станның құқықтық саясат тұжырымдамасы аясында атқарылып жатқан ауқым­ды іс-шаралар оған толық кепіл бола алады. Бақыт БАЛҒАРИНА, Алматы. КӨКПЕКТІДЕГІ БАЛАБАҚША Шығыс Қазақстан облысының әкімі Бердібек Сапарбаев Көкпекті ауданында жеті айдың ішінде бесінші рет жұмыс сапарымен болып, өзі тап­сы­рып кеткен шаруалардың қалай атқарылып жатқанын көріп қайтты. Иә, аудан, қала әкімдерінен тыныштық кете бастаған сыңайлы, себебі, өңір басшысы облыстың барлық аудандарында бірнеше мәрте болып, ауыл шаруашылығын алға бастыру, жаңадан жұмыс орын­дарын ашу, әлеуметтік нысандардың халық игілігіне қызмет етуі жөнінде қадау-қадау тапсырмалар берді. Бұл орайда, Көкпекті ауданының әкімі Дүйсенғазы Мусин аз уақытта біраз шаруалардың басын қайырған сыңайлы. Облыс әкімі Көкпектідегі “Шуақты шұғыла” балабақшасының ашылуына қатысты. 120 орындық балабақша әсем, балдырғандарға тәлім-тәрбие беру үшін бар­лық жағдай жасалған. Облыс әкімі  құрылысты сал­дырғандарға алғысын айтып, бүлдіршіндерге сыйлығын табыс етті. Оңдасын ЕЛУБАЙ, Шығыс Қазақстан облысы. ИНТЕРНЕТ ДАТА ОРТАЛЫҒЫ Сыр аймағының тұрғындары жыл басында тағы бір қуаныш құшағына кенеліп отыр. Елбасы­ның Қазақстанда интернет қыз­метін дамыту жөніндегі тапсыр­масын мүлтіксіз іске асыруды мұрат тұтқан облыстық телеком­муни­кациялар дирекциясы ықпа­лы­мен Қызылорда қаласында “Қазақ­телеком” АҚ-тың Интернет Дата орталығы салтанатты жағдай­да ашылды. Заман талабына сай жабдықталған орталықтың ашылу рәсіміне “Қазақтелеком” АҚ Ақ­парат­тық жүйелер дирекциясының бас директоры Андрей Адаменко, осы дирекцияның техникалық директоры Владислав Григорьев, облыс әкімінің орынбасары Сәбит Қожаметов, “Нұр Отан” ХДП Қызыл­орда облыстық филиалы­ның төрағасы Нұрлан Құдайбер­генов, Қызылорда облыстық теле­коммуникациялар дирекциясының бас директоры Сәдібек Балта­байұлы, тағы басқа зиялы қауым өкілдері қатысып, Интернет Дата орталығының іске қосылуының куәсі болды. Интернет Дата орталығы (ИДО) Қызылорда облыстық телекоммуникациялар дирекция­сының бас ғимаратында қоныс теп­кен. Орталықтың ашылу салта­натында сөз алған “Қазақтелеком” АҚ Ақпараттық жүйелер дирек­циясының бас директоры Андрей Адаменко: – Елбасымыз Нұрсұлтан Әбіш­­­­ұлы­ның тікелей ықпалымен елімізде Интернет қызметі аясын кеңейтіп, халыққа қалтқысыз қызмет көрсетуде қарыштай қадымдап келеді. Ағымдағы жылдың өзінде елімізде Интернет желісіндегі қызметті тұтынушылар қатары 70 пайызға дейін өсті. Мұндай орталықтардың ашылуы болашақта Интернет желісіндегі қазақстандық сегменттің қалып­тасуына зор септігін тигізбек. Өткен жылдың желтоқсан айының басынан бастап мұндай Интернет орталықтар Астана мен Алматы қалаларында жұмыс істей бастаса, енді, міне, Қызылорда қаласында көпшілікті қуанышқа кенелтіп отыр. Аталған жоба қызылор­далық­тарға барынша ақпараттық қызмет сапасын жақсартып, дерек­­тердің сақталуы мен қор­ғалуын толық қамтамасыз ететін болады. Үстіміздегі жылдың І тоқ­санында Интернет Дата орталы­ғын тағы да 9 облыс орталығында ашу жоспарланған. Ал, келешекте аталған орталықтар еліміздің бар­лық ірі қалаларында іске кіріспек. Ендігі сөз кезегінде Интернет Дата орталығының тұтынушыларға көрсетер қызметіне сәл-пәл шегі­ніс жасалық. Бұл орталық желілік кешен мен есептеуіш жабдықты және мамандандырылған бағдар­ламалық жобаларды қамтамасыз етеді. Интернет Дата орталығы мәлі­меттерді өңдеуде жаңа ақ­параттық коммуникациялық қыз­меттің ауқымды спектрі ұсынатын пәрменді орталық болып табыла­ды. Тағы бір атап өтерлік жәйт, еліміздегі ірі компаниялар өздері­нің кәсіптерін дамыту бағытында ақпараттық технологияларды бел­сенді түрде қолдану үстінде. Алай­да, жеке ақпараттық инфрақұры­лым аса маңызды мәселелерді шешуді талап етеді. Санамалап айтар болсақ, ақпараттық жүйелер тұжырымдамасын өңдеу, жоба жасау, жабдықтарды жөндеу және жеткізу, қажетті инфрақұрылымды жандандыру, қызметкерлерді оқыту, сондай-ақ құжаттарды жа­сау аса қажет болады. Ал, Интер­нет Дата орталығы тұтынушы­ларды жоғарыдағы толғақты мәсе­ле­лерден арылтып, олардың жеке кәсіптерінің дамуына барын­ша ықпал етеді. Сондықтан да осынау орталықтың тұжырым­да­ма­сы аса маңызды болып, еліміздің жер-жермен Интернет желісіне шығуына зор септігін тигізбек. Интернет орталығы сондай-ақ, тағы да бірқатар қызмет түрлерін ұсынбақ. Саралап айтар болсақ, тегін электронды пошта қызметі, виртуалды хостинг (сервер орта­лы­ғына тұтынушылардың веб-сайт­тарын орналастыру), тұтыну­шы­лардың серверін орналастыру, сервер беру мен жабдықтарды жал­ға беру, мәлімет сақтау, жүйе­лік әкімшілік, виртуалды офис және басқа да қызмет түрлерін көрсетпек. Сонымен, Қызылорда қала­сын­да елімізде алғашқылардың бірі болып Интернет Дата орта­лығы ашылып, өз тұтыну­шы­лары­на қызметтерін көрсете бастады. Еркін ӘБІЛ, Қызылорда.
СОҢҒЫ ЖАҢАЛЫҚТАР

25.09.2018

Сенат комитетінде діни қызмет және діни бірлестіктер мәселелері туралы заң жобасы қаралды

25.09.2018

Игорь Чжан: Велосипедтің кесірінен жүлде алмадым

25.09.2018

Әл-Фараби атындағы ҚазҰУ QS рейтингінде тағы да алға жылжыды

25.09.2018

142 үміткерге «Болашақ» стипендиясы тағайындалды

25.09.2018

Жақсы өсім - нәтижелі жұмыстың кепілі

25.09.2018

Инвесторлармен ортақ келісімге келді

25.09.2018

«Egemen Qazaqstan» газетінің журналисі марапатталды

25.09.2018

Қазақстан Экономикалық ынтымақтастық ұйымын нығайтуға және реформалауға шақырды

25.09.2018

Қазақстан Нельсон Мандела Бейбітшілік саммитіне қатысты

25.09.2018

Астана тұрғыны 10-қабаттан құлаған баланы тосып алды

25.09.2018

Қ. Қасымов ұялы телефондар ұрлығының жолын кесу шаралары туралы айтып берді

25.09.2018

Назарбаев Университетінде тың жобалар таныстырылды

25.09.2018

Нәубәт Қалиев қайтыс болды

25.09.2018

Үкіметте өңірлерді дамытудың 2020 жылға дейінгі мемлекеттік бағдарламасының жобасы мақұлданды

25.09.2018

АӨК цифрландыру аясында 20 цифрлық және 4000 дамыған ферма құрылады

25.09.2018

Жағажай волейболынан әлем чемпионатының іріктеу турнирі өтеді

25.09.2018

«Барыс» Мәскеуде «Динамоны» ұтты

25.09.2018

Бүгін Бакуде белдескен қос балуанымыз ұтылды

25.09.2018

«Хат қоржын» (25.09.2018)

25.09.2018

Солтүстік Қазақстан полицейлері Тілдер фестивалін өткізді

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Tirshilikti mádenıet bıleıtin qoǵam

Osy ýaqytqa deıin jeke adamnyń tirshiligin, turmys jaǵdaıyn onyń bilimi men eńbekqorlyq qasıetiniń bılep kelgendigi belgili. Adamdar kóp jaǵdaıda qoǵamnan bilimine saı oryn alyp otyrdy. 

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу