Алматыда «Ұлы дала ойындары» фестивалі өтіп жатыр

«Ұлы дала ойындары» ұлттық спорт түрлерінен өтіп жатқан республикалық бұл фестивальге Қазақстанның әр аймағынан спортшылар қатысып, өнерлерін ортаға салуда.
Егемен Қазақстан
20.05.2017 5132
2

Алматы қаласының әкімі Бауыржан Байбек құттықтау сөзінде Қазақстан Президенті Нұрсұлтан Назарбаевтың «Егемен Қазақстан» газетіндегі жарияланған «Болашаққа бағдар: рухани жаңғыру»  мақаласында мәдениет пен жеке ұлттық кодты сақтауға үлкен назар аударғанын айта келіп, тек соңғы екі жыл ішінде ғана Алматыда 5 айтыс, сонымен қатар ақындардың «Алтын домбыра» фестивалі өтіп, дәстүрлі музыканың «Алатау» мультимедиялық және қолөнершілердің жаңа орталығы, Алматы қаласының мыңжылдық тарихи мұражайы ашылғанын да тілге тиек етті.

Бүгінгі таңда қала тұрғындары мен қонақтары Алматыда жайласқан осынау мәдениет пен өнер отаулары арқылы  қазақ халқының ежелгі дәстүр-салттарымен бұрынғыдан да кеңінен таныса алады.

«Мемлекет басшысы еліміз тәуелсіздікке қол жеткізген күннен бастап төл құндылықтарымызды насихаттау арқылы ұлттық сананы жаңғыртуды басым бағыт ретінде айқындап берді. Соның арқасында халқымыз ұмыт бола бастаған тілімен, өзіндік мәдениетімен, салт-дәстүрімен қайта қауышты, –деген қала әкімі сөзін былай жалғады. – Мемлекет тарапынан ұлттық спорт түрлеріне, оның ішінде көкпар, аламан бәйге, аударыспақ, теңге ілу, жамбы ату, асық ату, тоғызқұмалақ, қазақ күресі сынды айшықты іс-шараларға жүйелі түрде қолдау көрсетіліп келеді. Осы жылдың аяғына дейін Алматы ипподромында жүлделік қоры 80 млн теңгені құрайтын 89 бәйге өтеді. Алматыда «Алматы Барысы» мен «Әлем Барысы» сайыстарының өтуі де спорт  әуесқойлары және жалпы халқымыз үшін ерекше сый болмақ.

Өз кезегінде ҚР ұлттық спорт түрлері қауымдастығының президенті Бекболат Тілеухан  Алматының еліміздің ұлттық спорт түрлері бойынша  сайыстар жиі өтетін еліміздің спорттық және рухани орталығына айналғанына тоқталды.

«Ұлттық спорт – ата-бабаларымыздан қалған әрі барша әлемге мақтанышпен көрсете алатын біздің асыл мұрамыз. Соңғы жылдары қазақтың ұлттық спорт түрлері тек Қазақстанда ғана емес, шетелде де қарқынды дамып, еліміздің абырой-беделін арттыра түсуде. Оның жарқын мысалы, «ЭКСПО-2017» аясында  көкпардан өтетін  әлем чемпионаты дер едім», деді Бекболат Тілеухан.

Алматыда өтіп жатқан «Ұлы дала ойындары» республикалық фестиваліне қатысушылар спорттың 12 түрі бойынша сайысқа түседі, олардың ішінде, 4 шақырымдық тай жарыс, 7 шақырымдық құнан бәйге, 13 шақырымдық топ бәйге, жайдақ бәйгелер, 21 шақырымдық аламан бәйге, көкпар, аударыспақ, теңге ілу, тоғызқұмалақ, асық ату, жамбы ату, қазақ күресі сияқты ұлттық спорт түрлері бар. Биылғы жүлделік қор 24 млн теңгені құрайды.

Негізгі ойындармен қатар, фестиваль қонақтары аңшылық-саятшылық өнерге қатысты бүркіттің, тазы иттің он сан түрімен танысады. Қолөнер шеберлері дайындаған тұрмыстық бұйымдардың көрмесін тамашалайды.    Еске салар тағы бір жайт – өткен ғасырдың 1930 жылы негізі қаланған Алматы ипподромында «Ұлы дала ойындары» фестиваль  осымен қатарынан екінші мәрте өтуде.

Талғат СҮЙІНБАЙ,
«Егемен Қазақстан»

СОҢҒЫ ЖАҢАЛЫҚТАР

19.11.2018

Б.Сағынтаев энергия үнемдеу жобалары бойынша инвесторлармен жұмысты жандандыруды тапсырды

19.11.2018

Энергия үнемдеу жобаларын іске асырудан түсетін жыл сайынғы үнем 3,5 млрд теңгені құрайды

19.11.2018

Үкіметте «Нұрлы жол» мемлекеттік бағдарламасының іске асырылу барысы қаралды

19.11.2018

Жыл басынан бері қазақстандық және шетел әуе тасымалдаушылары 13 жаңа бағытты ашты

19.11.2018

QazaqGeography съезі ұйымның жаңа кеңсесінде өтті

19.11.2018

Қазақстандық делегация Дүниежүзілік төзімділік саммитіне қатысты

19.11.2018

Дін саласының жағдайы туралы баяндаманың қорытындысы жарияланды

19.11.2018

Мемлекеттік басқару академиясы қазақстандық тәжірибені тарату орталығына айналды

19.11.2018

Алматыда ХІV Халықаралық Шәкен Айманов кинофестивалі ашылды

19.11.2018

Алматыда көлік апатынан 10 айда 114 адам ажал құшқан

19.11.2018

Жыр алыбы Жамбылдың өмірі сахналанды

19.11.2018

Павлодарда биыл 349 жол-көлік оқиғасы орын алған

19.11.2018

Абылайхан ЖҮСІПОВ: Токио туралы айтуға әлі ерте...

19.11.2018

Елбасы Шавкат Мирзиёевпен телефон арқылы сөйлесті

19.11.2018

Бай болсаң халқыңа пайдаң тисін

19.11.2018

Түркістанда халықаралық ғылыми-теориялық конференция өтті

19.11.2018

Маңғыстауда «Адал ұрпақ» ерікті мектеп клубтарының облыстық слеті өтті

19.11.2018

Маңғыстауда өткен тарихи турнир өз мәресіне жетті

19.11.2018

Энергия үнемдеу бойынша Қазақстан 32-ші орында

19.11.2018

Көкшетауда жылу ақысы арзандайды

ТАҒЫ ЖҮКТЕУ
КОЛУМНИСТЕР

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу