Астанада Бәйге түрлерінен республикалық «ЭКСПО-2017» кубогы өтті

Бүгін елордадағы «Қазанат» атшабарында Атырау облысының мәдени күндері аясында Бәйге түрлері бойынша республикалық жарыс өтті. Шараны Қазақстан республикасының Мәдениет және спорт министрлігі, Атырау облысының әкімдігі және Ұлттық спорт түрлері қауымдастығы ұйымдастырды.
Егемен Қазақстан
20.07.2017 6175
2

Шабандоздар бес шақырымдық жорға жарысы, жеті шақырымдық құнан бәйге, және 21 шақырымдық аламан бәйге бойынша бәсекеге түсті. Республикалық жарысқа еліміздің 14 облысы мен Астана және Алматы қалаларынан спортшылар бақ сынады. Аламан, құнан бәйге және жорға жарысына 13 облыс пен Астана және Алматы қалаларынан әр қашықтыққа 3 аттан қатыстырылса, жарысты ұйымдастырушы облыс ретінде Атырау облысынан 5 ат сынға түсті. Жарыстың жүлде қоры – 51 млн 700 мың теңгені құрады. Мәреге бірінші және бесінші келген бес жүлдегерге бөліп берілді.

Ең алғаш жарыс жолына жеті шақырымдық Құнан бәйгеге қатысушы шабандоздар шықты. Бұл сында мәреге бірінші болып Жамбыл облысы, Қордай ауданының шабандозы ағылшын қарагері тұқымының атын мінген Ділмұхамед Жолаушы келді. Жанкүйерлердің қошеметін иеленген жеңімпаз шабандозға ұйымдастырушылар жеті миллион теңге табыстады. Жеңімпаздан сәл ғана кешігіп келген қарағандылық Айхан Төлегенов (4 миллион теңге) екінші орын, Алматы облысының шабандозы Асхат Әлімжан (2,5 миллион теңге) үшінші орынды иеленді. Сондай-ақ, Жамбыл облысының шабандозы Азат Әбиір мәреге төртінші келсе (бір миллион теңге) және Алматы қаласының шабандозы Жұматай Ақжол (бес жүз мың теңге) үздік бестікті қорытындылады.

Құнан бәйгеден соң, шабандоздар бес шақырымдық Жорға жарысына қатысты. Бұл сында Құнан бәйгеде екінші орын иеленген Қарағанды облысының шабандозы Айхан Төлегенов бас жүлде мен жеңімпазға берілетін үш миллион теңгені қанжығасына байлады. Мәреге екінші болып ШҚО шабандозы Виталий Рерих (1,5 миллион теңге) келсе, үшінші Ақмола облысының шабандозы Дмитрий Волков (бір миллион теңге) келді. Төртінші және бесінші орынды Алматы қаласының шабандозы Жарылқасын Сабазбеков (жеті жүз мың теңге) пен астаналық Е.Чибисов (500 мың теңге) иеленді.

Ал жанкүйерлер тағатсыздана күткен 21 шақырымдық Аламан бәйге жарысына қатысушылар жарыс жолына соңғы болып шықты. Бұл бәйгеге жалпы саны 62 шабандоз қатысты. Соның 40-қа жуығы толық 21 шақырымды шауып өтті. Алматы облысының шабандозы Дияс Жұмаш 20 шақырым бойы үздік ондықтың қатарында жүріп, соңғы айналымда қарсыластарынан оқ бойы озып бәйге жеңімпазы атанды. Сондай-ақ, 13 миллион теңге қаржылай марапатқа да ие болды. Мәреге Диястан кейін келген тағы бір Алматы облысының өкілі Ербол Замудинұлы (7 миллион теңге) екінші орынды қанағат тұтты. Үшінші орын павлодарлық Ибрагим Бөбекбайға (5 миллион теңге) бұйырды. Ал төртінші және бесінші орынды Алматы облысының шабандозы Бөбекбай Дінмұхамед (3 миллион теңге) пен қостанайлық Кирилл Застежко (2 миллион теңге) місе тұтты.

Бәйге соңында жарыс жеңімпаздары мен жүлдегерлерін Мәдениет және спорт министрі Арыстанбек Мұхамедиұлы, Ақпарат және коммуникациялар министрі Дәурен Абаев, Астана қаласының әкімі Әсет Исекешев пен Атырау қаласының әкімі Нұрлан Ноғаев марапаттады.

Әли БИТӨРЕ,
«Егемен Қазақстан»

СОҢҒЫ ЖАҢАЛЫҚТАР

17.10.2018

Халықтың әл-ауқатын арттыру басты назарда

17.10.2018

Сенатор Б.Шелпеков Маңғыстау облысына іссапармен келді

17.10.2018

Финляндияның бірқатар компанияларымен контейнерлік тасымалды дамыту жөніндегі келісімге қол қойылды

17.10.2018

Агенттіктің аумақтық департаментінде өзгеше форматта кездесу өтті

17.10.2018

Йеменде 18 миллион адам азық-түлікке зәру

17.10.2018

Әміре Қашаубаев фестивалінің бас жүлде иегері 1 миллион теңге алады

17.10.2018

Нұрсұлтан Назарбаев Карл Маннергейм бейіті мен «Батырлар кресі» ескерткішіне гүл шоғын қою рәсіміне қатысты

17.10.2018

Елбасы Финляндияға ресми сапарының қорытындысы бойынша БАҚ өкілдеріне брифинг өткізді

17.10.2018

Нұрсұлтан Назарбаев Финляндия Республикасының Президенті Саули Ниинистёмен кездесті

17.10.2018

Дзюдодан ел чемпионаты Астанада өтеді

17.10.2018

Елеусінов Монте-Карлода жұдырықтасады

17.10.2018

Сенаторлар Түркістан облысының тұрғындарымен кездесті

17.10.2018

«Батыс» өңірлік қолбасшылығында армиялық қоян-қолтық ұрыстың үздік жауынгерлері анықталды

17.10.2018

«Егеменнің» тілшісі Хамит Есаман жүлдегер атанды

17.10.2018

Алматы облысында екі ауданға жаңа әкім тағайындалды

17.10.2018

Альварес Головкинмен қайта жұдырықтасуға қарсы емес

17.10.2018

Маңғыстауда Қарақия ауданының 45 жылдығы тойланды

17.10.2018

Мемлекет басшысының Финляндия Республикасына ресми сапары жалғасуда

17.10.2018

Kazakhstan Fashion Week сән апталығы басталды

17.10.2018

«Орда» бағдарламасы-әлеуметтік жағынан аз қорғалған отбасылардың үлкен үміті

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Urpaq azsa – ultqa qater

J.Aımaýytov pen M.Áýezov keıbir qazaq mineziniń minin, sol mindi kórip ósken balanyń jamandyqqa salynatynyn 1917 jyly «Alash» gazetinde jarıalaǵan maqalasynda: «Ultym», – dep oqyp shyqqandar halyq arasyna kelse, qaraıa bastaıdy» dep, artynan: «Saıyp kelgende, qazaqta qalyp turǵan ózgeshe minezder: tili aıtqandy qoly qylmaıtyn – turaqsyzdyq, uıymsyzdyq, basynan aspaıtyn – ózimshildik, ezdik» depti. 

Сұңғат ӘЛІПБАЙ, «Егемен Қазақстан»

Megapolıster múmkindigi

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda elimizdiń aýmaqtyq damýyna jańa tásilder engizýdi qamtamasyz etý qajet ekendigin aıta kele: «Búginde jetekshi elderdiń ekonomıkasy kóbine jahandyq qalalar nemese megapolıster arqyly tanylady.

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

Арнұр АСҚАР, «Егемен Қазақстан»

Jer emgender oza ma, toza ma?

Jalpy, bizdiń halyqtyń arman-maqsatynyń bir ushyǵy qashan da jermen baılanysty sıaqty. Jerdi keńeıtý, jerdi qorǵaý, jerdi óńdeý, jerdi qurmetteý... Mentalıtetimiz jerge jaqyn. Bul basqa halyqtarda olaı emes degen sózimiz emes, biraq bizdiń halyq úshin tym erekshe sıaqty. 

Анар ТӨЛЕУХАНҚЫЗЫ, «Егемен Қазақстан»

Qatygezdik vırýsy

О́tken ǵasyrdyń 80-jyldary rejısser R.Bykovtyń «Chýchelo» atty fılmi Odaq kólemindegi búkil eldi shýlatqan bolatyn. Kishkentaı ǵana 6 oqıtyn balalardyń boıynan sonshalyqty qatygezdikti kórgen qazaq qaýymy, bálesinen aýlaq, qalada ósken ózge ulttyń qatybastary ábden buzylyp ba­rady eken, bizdiń balalarymyzdan, keleshegimizden aýlaq dep shoshyǵan. Ol kezde mundaı zulymdyq qazaq balasynda kezdespeıtin jat qylyq sanalatyn. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу