Бөлінген қаражат мақсатты игерілуі тиіс

Кеше Премьер-Министр Бақытжан Сағынтаевтың төрағалығымен өткен кезекті Үкімет отырысында көктемгі егіс жұмыстарын жүргізуге дайындық барысы және 2016 жылдың қорытындысы бойынша мемлекеттік индустриялық-инновациялық даму бағдарламасын іске асыру жайы талқыланды.
Егемен Қазақстан
29.03.2017 1724
2

Көктемгі егіске дайындық көңілден шыға ма?

Ауыл шаруашылығы бірін­ші вице-министрі Қайрат Айту­ға­новтың айтуынша, биыл ауыл­ша­руа­шылық дақылдарын 22 млн гек­тар алқапқа себу жоспарланып отыр, өткен жылғымен салыс­тырғанда 311 мың гектарға артық. Мұның ішінде көктемгі егіс алқабының көлемі 18,5 млн гектарға жуықтайды. Дәнді дақылдар 15,1 млн гектар жерге егіледі, ал бидай  12,1 млн гектар алқапқа себілмек. Бұл дақыл өткен жылғы деңгеймен салыстырғанда 339 мың гектар алқапқа азайтылған. Сонымен қатар, су сіңіретін дақылдар алқабын азайту көзделіп отыр. Мәселен,  күріш алқабы – 1,9 мың гектар, мақта алқабы 4,6 мың гектарға қысқартылып, басымдықты дақылдар алқабы арттырылады. Сондай-ақ, вице-министр мал азығы дақылдары (арпа, сұлы, дәндік жүгері, бұршақ, ноқат) алқабы 208 мың гектарға, жарма дақылдары алқабы 10 мың гектарға  арттырылатынын жеткізді. Майлы дақылдар алқабы 2,1 млн гектарға дейін жеткізіледі.

Ауылшаруашылық тауарларын өндірушілерді жоғары сапалы тұқымдармен қамтамасыз ету мақсатында мемлекеттік бағ­дар­лама аясында тұқым шаруашы­лығын қолдау тетігі жетілдірілді. Айталық, биылдан бастап түпкі және таңдаулы тұқымдарды субсидиялау қайта жандандырылады, ал алғашқы репродукция тұқымдары тек басымдықты дақылдар бойынша, минималды нормаларсыз субсидияланатын болады. Сонымен бірге, жеміс-жидектер мен жүзімдердің таңдаулы көшеттерін, бірінші буындағы гибридтерді субсидиялау жалғасады, деп атап өтті Ауыл шаруашылығы бірінші вице-министрі.   Биыл сондай-ақ, мемлекет АӨК-тің 1500 субъектісіне көктемгі егіс және оны жинау жұмыстарын жүргізу үшін шекті мөлшерлемесі жылына 6 пайыздан аспайтын қаржыландыру жүзеге асырылмақ. Осы жылы көктемгі егіс және оны жинау жұмыстарын қаржыландыруға 60 млрд теңге сомасында бюджеттік несие бөлінген.

2017 жылдың басындағы жағдай бойынша республикада 153 мың трактор, 83 мың тұ­қым сеп­кіш, 292 мың топырақ өңдей­тін құ­рал-жабдық, 5 мың бүркуіш, 3,6 мың заманауи өнімділі­гі жоғары егіс кешені бар. Ал көк­тем­гі егіс жұ­мыс­тарын уақтылы жүр­гізумен қамта­масыз ету мақ­сатында дизель отынының 375 мың тонна кө­ле­міндегі қажетті көлемі анықталған.

Премьер-Министр Б.Са­ғынтаев облыс әкімдерінің де көк­темгі егіс науқанына дайын­дық­тары жайында есептерін тың­дап, жауапты мемлекеттік орган­дарға алдағы жұмыстарды жүргізу аясында бірқатар тапсырма берді.

Премьер-Министр Үкімет тарапынан көктемгі егіс жұмыстарын қаржылық және материалдық-тех­никалық қамтамасыз ету бойынша барлық шешімдер қабылданғанын атап өтті. Осыған байланысты бар­лық ауыл шаруашылығы жерлері тиімді пайдаланылуы керек. Бюджетте егістік үшін қарас­ты­рылған қаражат қатаң түрде өз  мақсатына бағытталуы тиіс, бұл мәселе тұқымдарды субсидиялауға да қатысты айтылды.    

Премьер-Министр Б.Са­ғын­таев өзінің орынбасары, Ауыл шаруашылығы министрі А.Мыр­­захметовке Энергетика министрлігімен бірлесе отырып ауыл­шаруашылық тауар өндіруші­лерін дизель отынымен қамтамасыз ету мәселесін бақылауға алуды тапсырды. Сонымен қатар, «ҚазАгро» холдингіне ақшалай қаражатты уақтылы бөлу және ауылдықтар үшін оның қолжетімділігін қам­тамасыз ету тапсырылды.

Индустрияландыру индикаторы қандай?

Үкімет отырысында қаралған келесі мәселе – 2016 жылдың қоры­тындысы бойынша 2015-2019 жылдарға арналған мемлекеттік индус­триялық-инновациялық даму мемлекеттік бағдарламасын іске асыру барысы.

Инвестициялар және даму министрі Жеңіс Қасымбектің айтуынша, бағдарлама мен оны іске асыру бойынша шаралар жос­парында 4 мақсатты индикатор және 10 нәтижелер көрсеткіші қарастырылған. Бағдарламада жос­пар­ланған 10 нәтижелер көрсет­кішінің 2016 жылғы қорытын­ды­сы бойынша 8-і жүзеге асырыл­ған. Нәтижесінде, дәстүрлі сек­тор­­лар­дағы кәсіпорындарды жаң­ғыр­ту есебінен қолданыстағы өнді­ріс­терді жаңғырту мен кеңейту бойын­ша, жалпы сомасы шамамен 68,7 млрд теңге болатын, еліміздің 7 өңірін­де 10 жоба іске асырылған.

«Жалпы, бағдарламаның инди­каторлар мен нәтижелер көрсет­кішінің жүзеге асырылу деңгейі 84,6 пайызды құрады», деді Ж.Қа­сымбек. Ал, шаралар жос­парының тармақтарын мемлекеттік органдар мен ұйымдардың іске асыру деңгейі 97,6 пайызды құраған.

2016 жылы Индустрияландыру картасы аясында 10 мыңнан астам тұрақты жұмыс орындары ашылыпты. Өз кезегінде Ұлттық экономика министрі Тимур Сүлейменов те бұл бағыттағы жұмыстардың жүйелі жүріп жатқанын алға тартты. «Бағдарламаны жүзеге асыру қорытындыларын оң деп бағалауға мүмкіндік бар деп санаймыз», деді министр.

Үкімет басшысы Бақытжан Сағынтаев баяндамашыларды тыңдап болған соң өнеркәсіптің базалық салаларын технологиялық қайта жарақтандыру бойынша бірқатар тапсырмалар берді.  Премьер-Министр Мемлекет басшысы өз Жолдауында индустрияландыру мәселелерінің маңызды рөлі көрсетілген Қазақстанның үшінші жаңғыруын іске асыруға байланысты тапсырма жүктегенін атап өтті.

«Бізге Индустрия 4.0 элемент­терін енгізумен қатар, өнеркәсіптің базалық салаларын технологиялық  қайта жарақтандыру бойынша ауқымды әрі көп еңбекті талап ете­тін жұмыстар істеу қажет», – деді Б.Сағынтаев. Сонымен қатар, Пре­мьер-Министр еңбек өнім­ділігін одан әрі арттыру мәселе­леріне баса назар аудару қажет­тігін айтты. Қазақстандағы инвести­ция­лық ахуалды жақсарту және шикі­зат­­тық емес экспортты дамыту бо­­й­ын­ша бірқатар тапсырмалар берді.

Премьер-Министр қазіргі сәтте Үкіметтің инвестициялар­ды тарту жүйесін өзгерту бойын­ша жұмыстар жүргізіп жатқа­нын және биылғы жылдың маусым айының соңына дейін Инвес­ти­ция­ларды тарту бойынша ұлттық стратегия әзірленетінін, соны­мен қатар, бірыңғай ақпарат­тық-мониторингтік жүйе енгіз­іле­тінін атап өтті. Бұл шаралар ин­вес­тициялық ахуалды жақсартуға бағытталған. Сонымен қоса, Үкімет басшысы жұмыс көрсеткіштерінің бірі инвесторларға ұсынуға болатын пысықталған жаңа жобалар болуы тиіс екеніне назар аударды. Осыған орай индустрияландыру басымдықтарына сай келетін жобаларды сапалық тұрғыдан іріктеуге ерекше көңіл бөлу қажет. Сондай-ақ, Премьер-Министр Мемлекет басшысы Үкімет алдына шикізаттық емес экспорт көлемін 2025 жылға қарай 2 есеге дейін арттыру туралы міндет қойғанын айтты. Қойылған міндетті жүзеге асыру экспорттық қолдау жүйесін «қайта жүктеу» бойынша жүргі­зілетін жұмыстарды ескерумен және жалпы экономиканың басым сала­ларында бәсекеге қабілетті экспорт­тық өндірістерді дамытумен жүзеге асырылуы тиіс. Пре­мьер-Министрдің бірінші орынба­сары А.Маминге аталған мәсе­лелерді бақылауда ұстау жүктелді.  

Мәселенің бәрі Үкімет назарында

Айтқандай, Үкімет отырысы­ның басында ағымдағы мәселелер жайы да сөз болды. Мәселен, Пре­мьер-Министр бұрнағы күні Қызылорда облысында Сырдария өзенiнде су тасқыны басталғанын айтып, аймақ басшысы Қырымбек Көшербаев пен IIМ басшысы Қалмұханбет Қасымовтан жағдайды баяндауды сұрады. Тиісті шаралар дер кезінде қолға алынуы керектігін баса айтты. Үкімет басшысы сондай-ақ, кешелі бері қоғам назарын аударған тағы бір мәселе − Ақтөбедегі газ тапшылығының туындауына қатысты да мән-жайды сұрады. Бұл ретте Ақтөбе облысының әкімі Бердібек Сапарбаев пен Энергетика министрі Қанат Бозымбаев сөз алды. Олар аймақтағы сұйық отынның жетіспеушілігінің алдын алу шаралары туралы есеп берді.  Премьер-Министр мәселені Үкіметтің назарда ұстайтынын айтып, жанармай тапшылығын жою бойынша алдын ала жұмыстар жүргізуді тапсырды.

Динара БІТІКОВА, «Егемен Қазақстан»



СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу