Бұл жарыс бұрынғыдан өзге­рек

Спорт – денсаулық кепілі. Кеше ЭКСПО-2017 көрмесі аясында кезекті маңызды спорттық шара ұйымдастырылды. Астана қаласында үшсайыстан, яғни жүгіру, жүзу және веложарыс бойынша тұңғыш рет Қазақстан Республикасының ашық чемпионаты өтті.
Егемен Қазақстан
31.07.2017 2305
2

Суреттерді түсірген Орынбай БАЛМҰРАТ, «Егемен Қазақстан»

Бұл жарыс бұрынғыдан өзге­рек. Халықаралық деңгейде өткен бәй­геге кәсібилер мен спортты сүйікті ісіне айналдырған әуесқойлар бө­лек-бөлек қатысты. Сынға түскендер суда 1,9 шақырым жүзіп, 21 шақырым қашықтықты жаяу жүгіріп, сондай-ақ, 90 шақырымды велосипедпен жүріп өтті.
Мұндай ауқымды шараны Мәдениет және спорт министрлігі, Астана қаласының әкімдігі, Қа­зақ­стан триатлон федерациясы, Азия триатлон конфедерация­сы (ASTC), Халықаралық триат­лон одағы (ITU) бірігіп ұйымдастырды. Ал жеңімпаздарды марапаттау үшін Премьер-Министр Бақыт­жан Сағынтаев, Триатлон феде­ра­циясының президенті Кәрім Мәсі­мов, Мәдениет және спорт министрі Арыстанбек Мұхамедиұлы, сондай-ақ, Астана қаласының әкімі Әсет Исекешев қатысты. Олар мәре сы­зығын кескен жеңімпаздар мен қаты­су­шыларды қарсы алып, жылы лебіздерін білдірді.
Кәрім Мәсімов өз сөзінде барлық қатысушыларды, ұйым­дас­тырушыларды, сондай-ақ, жарыс­тың көркін қыздырған жанкүйер­лерді Триатлон федерациясы атынан Қазақстан Республикасындағы тұңғыш ашық чемпионаттың ашылуымен құттықтады.
– Бұл дүние жүзіне кеңінен танымал спорт түрі. Кеше дәл осы жерде Халықаралық триатлон одағының қолдауымен Азия Кубогының іріктеу кезеңін көргенбіз. Жанкүйерлердің ұшқын атқан жанарынан спорттың бұл түріне деген қызығушылықты бірден байқауға болады. Болашақта триатлонды дамыту үшін келесі жылы Ironman 70.3 жарысын ұйымдастыруды жоспарлап отырмыз. Бүгінгі жарысқа қатысқан спортшыларды құттықтаймын! Олар келер жылдың шілдесінде Ironman 70.3 Astana жарысына алғаш болып қатыса алады, – деді Кәрім Қажымқанұлы.
Қазіргі таңда әлем елдеріндегі секілді бізде де Age Group, яғни әуесқойлар санатындағы спортшылардың саны күннен күнге артып келеді. Оған осы жарыс­ты мысалға келтіруге болады. Ұйымдастырушылардың айтуынша, жарысқа қатысуға 200-ден астам адам ниет танытқан екен, бұл жолы 155 адам тізімге іліккен. Кәрім Мәсімов ілгеріде айтып өткендей, бұл жарыс елімізде өткізілсе, Қазақстаннан да әлемдік деңгейге шығатын спортшыларымыздың саны артар еді. Жоғары лауазымды тұлғалардың көпшіліктің қызығушылығын арттырып, спорт­тың осындай түріне ден қоюы мен қолдау көрсетуі қарапайым жұрт­шылыққа шабыт беретіні анық.
Чемпионатқа қатысушылардың арасында велошабандоз, 2012 жылғы Лондон олимпиадасының чемпионы Александр Винокуров та болды. Бұл жолы ол әуесқойлар арасында бақ сынады. Ол 40-44 жас аралығындағы сында мәре сызығын 4 сағат 25 минутта кесіп өтті. Оның жұртшылық арасына келіп, қоян-қолтық араласа жүруі жарыстың мәртебесін арттыра түскендей.
– Бас қаламызда өтетін осындай үлкен жарыс туралы естігеннен кейін үйімде қарап отыра алмадым. Шынымды айтсам, спорттан кеткендіктен болар, маған оңайға соқпады. Алайда велосипед өмірімнің бір бөлшегіне айналып кеткен ғой, сондықтан бұл жағы маған жеңіл болды. Ал ең ауыр тигені – жүзу түрі. Шамамен, бірін­ші болып жеткен әріптесімнен жарты сағатқа кешігіп келген болармын. Жарыста үздік болып, бірінші орынды алуды мақсат еткенім жоқ. Тек өскелең ұрпақтың спортқа деген қызығушылығын арттырып, аз да болсын септігімді тигізсем, жоспарымның орындалғаны болар еді, – деді Лондон олимпиадасының чемпионы.
Кәсіби спортшылар арасында ресейлік Иван Тутукин бірінші орынға ие болса, күмісті отандасымыз Максим Крят иеленді. Ал үздік үштікті Украинадан келген Виктор Земцев қорытындылады. Сонымен қатар, ұйымдастырушылар әуес­қой­лар арасындағы үздіктерді түрлі жас дәрежелеріне қарай марапат­тады.
Өз кезегінде Максим Крят 2015 жылдан бері мұндай қашықтықта сын­ға түспегендіктен жарыстың қиын болғанын айта келіп, екін­ші орын алғанына қуанғанын мәлім­деді. 
Айта кетейік, 29 шілде күні триатлоннан ерлер мен қыздар арасында Азия Кубогы өтті. Қатысушылар спринт арақашықтығында бақ сынады. Яғни, жүзу – 750 метр, веложарыс – 20 шақырым, жүгіру – 5 шақырым. Мұндай ауқымды жарысты елордамызда өткізу Халық­аралық триатлон одағы мен Азия триат­лон конфедерациясы арасында өт­кен келіссөздер нәтижесінде шешіл­ген болатын.
Саламатты өмір салтын ұстану, ауырып ем іздегенше, ауырмайтын жол іздеу көптеген дамыған ел­дердің халқы ұстанатын жол. Жыл өткен сайын біздің ел азаматтары да оны дәстүрге айналдырып келеді. Билік бастап, халық қостаса, алдымызда әлі талай біз алатын асулар тұр.

Аян ӘБДУӘЛИ,
«Егемен Қазақстан»

СОҢҒЫ ЖАҢАЛЫҚТАР

23.09.2018

Туған жерін сүйе алмаған, сүйе алар ма туған елін?

23.09.2018

Түркістанда халықаралық деңгейдегі инвестициялық және туристік форум өтеді

23.09.2018

Әдет қалыптастыру оңай ма?

23.09.2018

Тіл ықылассыз істі емес, періште көңілді ұнатады

23.09.2018

«Әкім Тарази шығармашылығының феномені» халықаралық ғылыми-практикалық конференциясы өтті

23.09.2018

Қостанайда екі полицей жол бойында әйелді ажалдан аман алып қалды

23.09.2018

Павлодарға Дүниежүзілік Украиндар конгресінің президенті Евгений Чолий келді

23.09.2018

Балалар Евровидениесінде еліміздің намысын Даниэла Төлешова қорғайтын болды

23.09.2018

Энтони Джошуа ресейлік боксшы Александр Поветкинді жеңді

23.09.2018

Астанада ТҚО объектілерді қорғаудың цифрлық басқару жүйесі ұсынылды

23.09.2018

Екібастұзда алғашқы STEM-зертханасы ашылды

23.09.2018

Маңғыстауда VI Халық спорты ойындары басталды

23.09.2018

Астаналықтар заң мәселесі бойынша тегін кеңес алды

23.09.2018

Ақтауда триатлоннан Қазақстан Кубогының финалы басталды

22.09.2018

Жалпықалалық сенбілікте 9 мыңнан астам ағаш егілді

22.09.2018

Мақтаарал ауданында «Жасыл ел» жастардың еңбек жасақтары жұмысын бастады

22.09.2018

«Балалар Евровидениесі» байқауының жеңімпазы анықталмақ

22.09.2018

Халықаралық «Ясауитану-2018» байқауы өз мәресіне жетті

22.09.2018

Елбасы елорданың қала құрылысын игеру жоспарымен танысты

22.09.2018

Даниал Ахметов Зырян ауданын Алтай деп атау туралы ұсынысты қолдады

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу