Делдалды азайтып, тарифті төмендететін құжат

Сәрсенбіде өткен Парламент Мәжілісінің жалпы отырысында төрт мәселе күн тәртібіне шығарылды. Соның ішінде депутаттар «Қазақстан Республикасының кейбір заңнамалық актілеріне электр энергетикасы мәселелері бойынша өзгерістер мен толықтырулар енгізу туралы» заң жобасын кеңінен талқылап, құжат бірінші оқылымда мақұлданды.
Егемен Қазақстан
06.04.2017 2239
2

Мәжіліс Төрағасы Нұр­лан Нығматулин жетекшілік ет­кен жиында еліміздің энер­гетика саласын реттеу­ді көздейтін заң жобасын Энер­гетика министрі Қанат Бо­зым­баев таныстырды. Баян­дама алдында айтқан алғы­сөзінде Мәжіліс Төрағасы атал­ған заң жобасы Мемлекет бас­шысы жария­лаған Ұлт жос­парының 51-қа­дамын орын­дау мақсатында әзірлен­ген­дігін тілге тиек етті.

«Бұл саладағы түйінді тар­­қату тетігі екі жүйеге негіз­делген десек, оның бірі – энер­гия жеткізуші ұйым­дар­ды ірілендіру де, екін­шісі – электр энергиясын тө­мен тарифпен тұрғындарға тарату болып отыр. Осы орай­да жоғарыда аталған екі жүйенің алғашқысын қолда­ныстағы заңымыз реттей ал­мағанын ашық айтуымыз керек. Егер заң жобасын жасаушы мүдделі мекемелер мен тараптар арасында қызу әріптестік орнаған болса, сапалы заң дайындалады. Оның қарапайым ғана көрінісі са­ладағы делдалдардың азды­ғынан және тарифтің төмен­дігінен байқалады. Біз қазіргі күрделі мәселені осындай қарапайым ғана формуламен шешуге тиіспіз», – деді Н.Нығматулин.

Содан кейін сөз алған Энер­гетика министрі Қ.Бо­зым­баев заң жобасының тұжы­рым­дамасы энергия жет­­кі­зуші компания­ларды ірілендіруге бағыт­тал­ған­дығын атап өтті. Оның түсін­діруінше, мұндай қадам энер­гиямен жабдықтаудың сенім­ділігін арттыруға және электр энергиясын беру шы­ғындарын азайтуға мүм­кін­дік береді. Сондай-ақ, министр бұл заң жобасының жер­гілікті атқарушы орган­дар­дың ұсынған мәлімет­теріне сәйкес, өңірлерде 2 110 шақырымға созылатын қа­раусыз қалған желі мен 631 иесіз трансформаторлық қо­салқы стансалардың мәсе­ле­сін шешуді көздейтінін жет­кізді.

«Бұл заң жобасының маңыз­ды қыры болып табыла­ды. Аталған желі санат­тарын энергия жеткізуші ұйым­дар­дың балансына беру мен оларды тиісті деңгейде күтіп, ұсталуын және сапалы қызмет көрсетілуін ұйым­дас­тыру көзделуде. Сонымен қатар, құжат аясында энергия жеткізуші ұйымдарды ірі­лендіруге ынталандыра­тын негізгі тетік электр энер­­гиясын беру қызметіне талап­­тар белгілеу. Ал ондай жүйені кезең-кезеңімен енгізу ұсынылады. Айталық, егер энергия жеткізуші ұйым иесіз қалған электр желілерін қабылдаған жағдайда корпо­ра­тивтік табыс салығы мен мүлік салығынан босатылады және табиғи монополия­лар саласындағы заңнамада көз­делген тыйым салу алып тас­талады», – деді Қ.Бозым­баев.  

Министрдің баяндауынша, мәселені шешудің бас­ты жолы ретінде желілерді тү­ген­деуден өткізу қарасты­ры­луда. Бұл үшін заң аясын­да жергілікті атқарушы орган­дар сот арқылы иесіз қал­ған объектілерді өз балан­сына алып, одан кейін өңір­лік желілік компаниялар­дың балансына береді. Сон­дай-ақ, заң жобасында элек­тр энергиясын беру қыз­метіне қойылатын талап­тарды сақтамағаны үшін жау­ап­ты­лық белгілеу, ерекше пайда­лану шарттары бар электр желі­лерінің күзет аймағын айқын­дау, тұрғын үй кешен­дерін салушылардың балан­сын­дағы электр желілерін маман­дандырылған энергия жет­кізуші ұйымдарға беру рәсімі мен оның тәрті­бін нақ­тылау және энерге­ти­ка­лық ұйымдарды ірілен­ді­руге немесе біріктіруге ын­та­ландырудың тетіктерін кеңей­туді көздейтін түзету­лер енгізілген.

Жалпы отырыста ха­лық қалаулылары тарапынан оң бағасын алған құжат­тың бірі – «Қазақстан Респуб­ли­касының кейбір заңнамалық актілеріне зияткерлік меншік cала­сындағы заңнаманы жетіл­діру мәселелері бойынша өзгерістер мен толық­ты­рулар енгізу туралы» заң жобасы болды. Атал­ған тақырыпта баяндама жасаған Әділет министрі Марат Бекетаев құжат елі­міз­дің Дүниежүзілік сауда ұйы­мына және Еуразиялық экономикалық одаққа мү­шелікке кіруіне орай, Қазақ­стан мен Экономикалық ын­тымақтастық және даму ұйымы елдерінің патенттік заңнамасын үйлестіруге ба­ғытталғандығын атады. Со­нымен қатар, заң жобасы сараптама ұйымы мен автор­лық құқықтарды ұжымдық басқару жөніндегі ұйымдар қызметінің ашықтығын артты­руды және зияткерлік мен­шік объектілеріне құ­қық­­тарды қорғау мен сақтау үр­діс­терін жетілдіруді көздейді.

Жалпы, ел экономикасын жеделдетілген тех­ноло­гия­лық жаңғырту мақ­сатында инновацияны өндіріс­те қолдану аса өзекті екендігін ескерткен Мәжіліс Төраға­сы Мемлекет басшысы өз мәлім­демелері арқылы ғылыми әзірлемелерден практикалық тиімділікке жетуді міндеттеп отырғандығын да жеткізді.

«Ал отандық бизнес осы әзірлемелердің негізін­д­е бәсекеге қабілетті өнім­дерді нарыққа шығаруы керек. Ин­новациялық жаңалық­тарды өндірісте қолдану Елбасы Жолдауында айтылған экономиканы жеделдетілген технологиялық жаңғыртуды жүзеге асыруға мүмкін­дік береді», – деді Н.Нығ­ма­тулин.

Мәжіліс депутаттары осы күні әлеуметтік қамсыз­дан­дыру мәселелеріне арналған, со­нымен бірге ба­ланың құқық­тарын қор­ғау жөніндегі функ­циялар­ды жүзеге асыра­тын ұйым­дардың қызмет­тік мәселелері бойынша маңызды заң жобаларын жұ­мысқа қабылдады. Отырыс соңында бірқатар халық қалау­лылары тиісті мемлекеттік органдар басшыларына депутаттық сауалдарын жолдады.


Нұрлыбек ДОСЫБАЙ,

«Егемен Қазақстан»




СОҢҒЫ ЖАҢАЛЫҚТАР

23.01.2019

«Сервистік әкімдік» Open space режимінде жұмыс істейді

23.01.2019

Ресей 2020 жылғы Олимпиада ойындарына қатыспауы мүмкін

23.01.2019

Қытайдың ІЖӨ-нің өсу қарқыны ең төменгі деңгейге жетті

23.01.2019

Жас мамандарға пайдалы ақпарат (видео)

23.01.2019

Бокстан әйелдер арасындағы әлем чемпионатының қожайыны анықталды

23.01.2019

Футбол күнтізбесі жарияланды

23.01.2019

«Иван Ярыгин» турниріне қатысады

23.01.2019

Данияр Елеусінов шаршы алаңға наурызда шығады

23.01.2019

Маңғыстауда арнайы мониторинг тобының алғашқы отырысы өтті

23.01.2019

«Ойыншық» сабындар

23.01.2019

Мұстафа рухын іздеген қазақтар

23.01.2019

Тұранның тұғырлы тұлғасы

23.01.2019

Инновациялық идеяларды тиімді пайдаланса...

23.01.2019

Ғылым деңгейі неге төмен?

23.01.2019

Adasqandardyń aldy jón, arty soqpaq...

23.01.2019

Қайырымдылық байқауына іріктеу жалғасып жатыр

23.01.2019

Г.Әбдіқалықова Армения елшісімен кездесті

23.01.2019

Бес әлеуметтік бастама: Атқарар іс аз емес

23.01.2019

Ауылда отырып, аукционда жеңген фермер

23.01.2019

Өзгенің қаңсыған су көліктері неліктен біздің жағалауда қалуы тиіс?

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу