Ел тілегі – ЭКСПО-ны жоғары деңгейде өткізу

Елордада өтетін ЭКСПО-2017 халықаралық мамандандырылған көрмесіне қатысты жағымды жаңалықтар легі күн санап жаңаруда. Көпшілікті құлағдар ету мақсатында барынша салмақты, ілкімді дүниелерді іріктеп алудамыз. Әлем көз тіккен ғаламат шараның қазақтың астанасында ұйымдастырылуы, әлбетте әрбірімізге жауапкершілік жүктейді. Көрменің көп күткендей жоғары деңгейде өтуіне тілекшіміз. Осындай мүддеге жұмылған отандастарымыздың әрекеті тіпті көңіл қуантады.
Егемен Қазақстан
09.06.2017 2170
2

Алматы күндері ән-күймен өрілмек

ЭКСПО аясындағы көпшілік басқосулардың бірі – Алматының мәдени күндері. 11-19 маусым аралығында өтетін жиында 400-ден астам эстрада жұлдызы, қол­өнерші, шығармашылық өкіл­дері шетелдік қонақтарға өнер­лерін паш етеді. «Қазақ­стан» орталық концерт залында ұйымдастырылатын «Махаб­батпен, Алматыдан!» атты ал­ғаш­қы концерттік бағдарламаға эс­трада жұлдыздары Роза Рым­баева, Қайрат Нұртас, Маржан Арапбаева, Мәдина Сәдуақасова, «Дос-Мұқасан», «Жігіттер» топтары, «Сарын» дуэті, «Салтанат» ансамблі және басқалар өнер көрсетпек. 12-16 маусым ара­лығында Алматы мемлекеттік қуыршақ театры Қ.Қуанышбаев атындағы музыкалық-драма теа­трында күніне екі рет «Құ­лын­шақ пен Бөлтірік», «Веселые мед­вежата» атты үздік спек­такль­дерін қазақ және орыс тіл­дерінде ұсынады. 16-17 маусым аралығында «Алатау» дәс­түрлі өнер театры ұжымының «Жас­тар» театрында «Асқақтай бер, қа­зақтың сазды әуені» ат­ты му­зыкалық кеші өтеді.

Көпшілік апта бойы «Этноауыл Алматы» көрмесін тамашалайды. Мұнда үздік суретшілер мен қолөнершілер өз туындыларын қойып, шеберлік сабақтарына шақырады. 17 маусымда көрме қо­нақтары «Сазген сазы» фо­ль­к­лорлық-этнографиялық ан­сам­блінің концертін көрсе, келесі күні көрменің амфитеатрында мәдени күндердің «Асқар таулы Алматы!» атты қорытынды кон­церті өтеді. Оған ұлттық ән-күй өнерінің тарландары Асылбек Еңсепов, Ерболат Шалдыбеков, Ра­мазан Стамғазиев, Еділ Құ­сайынов, Шолпан Даржанова, Сәу­ле Жұмабай, «Ұлытау», «Арт Дала», «Алашұлы» топтары, «Же­тіген», «Сазген сазы», «Салтанат» ан­самбльдері және басқалар қаты­сады деп күтілуде.

Желаяқ Екібастұзға жетті

Мамыр айының соңында шы­ғыс­қа­зақстандық Ғалымжан Тоқ­тар ЭКСПО-2017 халық­ара­лық көрме­сіне қатысу үшін Аста­наға дейін жүгі­руге бел байлаған болатын. Ол өзінің бұл әрекеті арқылы елімізге және көрмеге қолдау көрсететінін жет­кізген. Өскемендегі Қабанбай батыр ескерткішінен бастап жүгір­ген марафоншы күні кеше Екі­бастұзға аялдап, тұрғындарды қаланың 60 жылдық мерейтойымен құттықтады.

«Марафоншымен Екібастұз қала­сының шетіндегі стеллада кездесіп, сұх­баттастық. Онда түскі сағат 12 кезін­де келген ол шамамен 10-15 минуттай аялдап, Павлодар – Астана автожолымен әрі қарай кетті. Жүгірісін 10 мау­сым күні Астанада аяқтайды. Сонда барлығы 1000 шақырым жолды жаяу бағындырмақ», дейді Екібастұз қалалық дене шынықтыру және спорт бөлімінің бас маманы Талғат Сәкен.

Ғалымжан Тоқтар Өскемен қаласындағы халыққа қызмет көрсету орталығында инспектор болып жұмыс істейді. ЭКСПО-2017 көрмесінің құр­метіне Астанаға дейін жаяу жүгі­ріп бару үшін 26 мамыр күні жолға шыққан ол күніне 10 сағат жүгіріп, шамамен 60-70 шақырым жолды артқа тастайды. Ауа райы қолайлы болса, 80 шақырымға дейін жеткізетінін айтқан. Ал спортшының жары Еркегүл Мұқият көлікпен іле­сіп, барлық жол барысын бейне­тас­паға түсіруде.

Ерікті қария ЭКСПО-ға қызмет етеді

Көрмеге қатысты тағы бір қызықты жаңалық: Астана қала­сы әкімдігі жастар саясаты мәсе­лелері басқармасының басшысы Асхат Оралов еріктілер арасында қарттар да бар екенін айтты. «Еріктілердің жүзге жуығы ересектер мен зейнеткерлер. Арнайы форма алған олар жұмысқа сақадай-сай. Ең үлкен еріктінің жасы жетпістен асқан, зейнеткер. Ең жасы он бесте, ол Назарбаев зияткерлік мектебінде оқиды. 18 жасқа дейінгі барлық еріктілерді тек ата-аналарының рұқсатымен ғана қабылдадық», дейді әкімдік өкілі.

А.Оралов еріктілер құра­мының ұлттары да әртүрлі екенін жеткізді. Олардың қатарында тек астаналықтар ғана емес, шетелдік студенттер де бар екен. Мәселен, Қытайда білім алып жатқан, қытай және ағылшын тілдерін еркін меңгерген 24 студент шілде айында келеді және тамыз айында оларға тағы 59 адам қосылады. Сонымен бірге, Миландағы ЭКСПО-да ерікті болған 12 италиялық азамат өтінім берген. Олар маусым айының соңында келмек.

Ең белсенділері оқу гранттарын иеленеді

Жалпы, көрме жұмысына ерікті болуға үш мыңнан астам астаналық студент өтініш біл­дірген. Олардың арасынан ке­мінде үш тіл білетін 1500 ерікті ірік­телген. Айта кетерлігі, ЭКСПО-2017 көрмесінде 6 мың­нан астам ерікті жұмыс істе­се, 4500-і көрме аумағында, 1500-і әуежай, темір жол вокзалы, жедел мамандандырылған қыз­меттер, мәдени нысандар, қонақүйлер сынды қаланың маңызды нысандарында қызмет етеді. Ал қала әкімдігі ЭКСПО көрмесінде белсенділік танытқан 20 студентке бір жылдық оқу грантын бөлмек. Жастар саясаты мәселелері басқармасының басшысы Асхат Ораловтың мәлі­метінше, жеңімпаздарды су­первайзерлер (еріктілердің үй­лестірушілері) анықтайды. «Одан бөлек, олар алғыс хаттар, сый­лықтар мен жүлделер алады. Сондай-ақ, еріктілердің арнайы формасы әзірленді, онда үш жей­де, бейсболка, күрте, рюкзак және термос бар», дейді ол.

Тағы айта кетерлігі, ерік­ті­лердің барлығы «Ника» оқы­ту орталығында арнайы дайын­дық­тан өтіп, тәлім алған. Онда қала тарихы, Астананың көрікті орын­дары, ЭКСПО тарихын оқып, шетелдік қонақтармен келіс­сөздер жүргізудің қыр-сырын мең­герді. Оқыту аяқталған соң барша еріктіге сертификаттар тапсырылыпты.

Еріктілердің жемісті жұмыс істеуі үшін қала әкімдігі барлық қолайлы жағдайды жасады: бір ауысымда 500 ерікті қала­ға шығады, олар Л.Н.Гумилев атын­­дағы Еуразия ұлттық универ­­ситетінің студенттер үйіне тегін орналастырылады және бар­лығы ыстық тамақпен, тегін автобус билеттерімен қамта­масыз етіледі. Сонымен қатар, бос уақыттарында қалада өтетін негізгі концерттер мен іс-ша­­раларға тегін кіре алады және ерік­тілер үшін отандық жұлдыз­дармен бейресми кездесу, музыкалық кештер ұйымдастырылады.

Асхат РАЙҚҰЛ,
«Егемен Қазақстан»

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу