Ерлан Сағадиев оқушыларға үй тапсырмасын беруді азайтпақ

Білім және ғылым министрі Ерлан Сағадиев аймақтағы ұстаздар қауымымен кездесуін жалғастыруда.
Егемен Қазақстан
29.03.2017 6615
2

Оңтүстік Қазақстан, Жамбыл, Шығыс Қазақстан, Алматы облысының мектеп директорлары мен мұғалімдері министрлік басшысынан білім мен ғылымның дамуына қатысты жалпы жоспар туралы біліп, өздерін мазалаған сауалдарға жауап алған болатын, деп хабарлайды ҚР Білім және ғылым министрлігінің facebook-тегі ресми парақшасы. 

Ал жуырда министр Алматы қаласының ұстаздар қауымымен кездесті, жиынға 700-ден астам адам қатысты. 

Мектепке дейінгі білім

Мектепке дейінгі білім мен тәрбие беру мәселесі туралы айтқанда Ерлан Сағадиев мемлекеттік-жекеменшік әріптестігі әрі қарай да жалғасатынын, өйткені бұл балабақшадағы орын тапшылығын реттеудің тиімді шешімі болып отырғанын айтты. 2016 жылы 825 мектепке дейінгі білім беретін мекеме ашылса, соның 600-і жекеменшік балабақша екен. Осының есебінен 3-6 жас аралығындағы балаларды мектепке дейінгі тәрбиемен қамту 85%-ға өскен. 

Мемлекеттік-жекеменшік әріптестігін қолдай отырып, заманауи талаптарға сай жаңа санитарлық нормаларды енгізу жоспарланып отыр. Жаңа санитарлық нормалар 3 ай бойы мамандардың қатысуымен талқыланып, қазіргі кезде қол қою үшін жауапты министрліктерге жіберілген. Сондай-ақ, министр балабақшаның кезегін де тәртіпке келтіру, жемқорлыққа жол бермеу туралы айтты.

Бұл мақсатта бүкіл балабақшалардың кезегі бірыңғай республикалық кезекке біріктіріледі, балабақшаға жолдама беру автоматтандырылады және электронды үкіметтен беріледі. Осылайша, ата-аналар ең үздік мекемені таңдай алады (мемлекеттік болсын, жекеменшік болсын), мемлекеттік тапсырыс сол таңдалған мекемеге беріледі. 2016 жылы тәрбиешілердің біліктілігін көтерудің бірыңғай бағдарламасы жаңартылған болатын, осының есебінен балабақша бүлдіршіндеріне білім мен тәрбие берудің де сапасы артпақ. Мектепке дейінгі білім мен тәрбие беру саласына енді даярлық сыныбы енгізілмек. Мектептер мен балабақшалардың даярлық сыныбында балалар «Әліппені» оқиды. Биыл даярлық сыныбы пилоттық жоба ретінде 1000 мектеп пен балабақшаға енгізілмек.

Орта білім

Орта білім берудегі басты жүйелі өзгеріс ретінде жаңартылған мазмұнға көшуді айтуға болады. Министр Қазақстанның жаңартылған мазмұнды кешігіп енгізіп жатқанына назар аударды. Жаңартылған мазмұнға сай, функционалды сауаттылыққа ерекше мән беріледі, яғни біліп қана қоймай, істей алу керек. ЭЫДҰ-ға кіретін 35 ел бұл жүйеге 15 жыл бұрын көшкен, өйткені 20 жыл бұрын заманның талабын түсінген, нақтырақ айтқанда, әр екі жыл сайын ақпараттың екі еселенетінін, ал 5 жылда кейбір мамандықтардың жойылып кететінін түсінген.

Дегенмен, Ерлан Сағадиев 4 жылда бұл ауысуды тиімді жүзеге асыруға болатынын айтты. 2016 жылдан бастап бірінші сыныптар жаңартылған мазмұнмен оқи бастады, ал биыл 2, 5 және 7-сыныптар жаңа жүйеге көшеді. Жаңа бағдарламаны игеру үшін 2016 жылдың жазында 74 мың мұғалім кәсіби біліктілігін арттырды, ал педагогтармен жұмыс істеу жыл бойына жалғасып келеді. Биыл тағы да 75 мың мұғалім оқытылады.

Мұнымен бір мезгілде 5 күндік оқу жүйесіне көшу және бастауыш сынып оқушылары үшін базалық оқулық енгізу де жүріп жатыр. Министр көпшілікті толғандыратын үштілділік мәселесіне де тоқталды. Ерлан Сағадиев қазақ тіліне басымдық беріліп келгенін, солай жалғаса беретінін айтты. Оның үстіне, қазір қазақ мектептерінде оқитын балалардың жағдайы да қуантарлық, қазақша сөйлейтін балалардың 90%-ы қазақ мектептерінде оқиды. Алайда, орыс мектептерінде оқыған балалар 11 жыл оқығаннан кейін де тілді тиісті деңгейде меңгермейтіні негізгі мәселе болып отыр. Осыған орай министрлік орыс тілінде білім беретін мектептерде қазақ тілін оқытудың әдістемесін де жаңартып, ғылыми негізделген, коммуникативті әдіске сүйенген деңгейлі бағдарламаға көшірмек. Бұл әдістеме биыл жекелеген мектептерде сынақтан өткізіледі. Жаңа әдіс ауызекі сөйлеуді дамытатын сөздік минимумына негізделген, бұрынғыдай оқып, мәтін аудару деген мұнда жоқ.

Министр орта мектептердегі ағылшын тіліне қатысты да сөз қозғады, биылғы жылдан бастап пәндерден ағылшын тілінде сабақ беретін 5 мың мұғалімді 9 айға дейін мектептен тыс тереңдетілген тілдік курста оқыту жоспарланып отыр. Биылғы күзден бастап бүгінгі күнге дейін ағылшын тілінде оқытып жүрген 120-дан астам мектептегі 2700 мұғалімнің қатары көбейіп, жүздеген сынып ағылшын тілінде оқуға көшетін болады. Пәндерді ағылшын тілінде оқу ерікті түрде жүреді, ол үшін ата-ананың жазбаша рұқсаты керек. Ерлан Сағадиев биылғы жылы көп сұрақтың жауабы табылатынын, атап айтқанда, дайындық уақыты, оқыту сапасы, мұғалімдер мен балалардың дайындығы сынды мәселелер шешілетінін айтты. Өйткені, осы жұмыстың қорытындысына сай, жоғарғы сыныпта 4 пәнді ағылшын тілінде оқыту кестесіне көшу 2018 жылдың аяғында қабылданады.

Бұл өзгерістерден бөлек, министр еліміздегі мектеп оқушыларына берілетін үй тапсырмасының көлеміне де тоқталды. Балалардың үй тапсырмасын орындауға жұмсайтын уақыты жөнінен Қазақстан 65 елдің ішінде 4-орында. Ал халықаралық зерттеу нәтижелері үй жұмысының көлемі мен білім саласындағы табыстың арасында тікелей байланыс жоқ екенін көрсетеді. Бұл мәселені талқылау үшін ұстаздар мен білім беру саласы мамандарының қатысуымен 2 рет ауқымды жиын өтіп, оның қорытындысы бойынша үй жұмысын оңтайландырудың екі нұсқасы ұсынылды. Бірінші нұсқа бойынша үй жұмысы барлық пәннен қысқартылса, екінші нұсқа жекелеген пәндер бойынша үй жұмысын қысқартуды ұсынады. Екі нұсқа бойынша да үй тапсырмасын орындау уақыты орта есеппен күніне бір сағатқа қысқарады.

Министрліктің мектеп мұғалімдерін оқу процессінен тыс жұмыс пен жүктемеден босату үшін тиісті шаралар қабылдау туралы қадамын кездесуге жиналған ұстаздар қауымы қуана қолдады. Ерлан Сағадиев басқа мемлекеттік орган басшыларымен кездескенін, алдағы уақытта әкімдік және аймақтық білім беру басқармаларының өкілдерімен жиналыс жасауды жоспарлап отырғанын айтты.

Мектептегі ақша жинау мәселесі де министрдің назарынан тыс қалған жоқ. Ерлан Сағадиев демеушілік жасаудың өркениетті жолы бар екенін, бүкіл әлемде сол концепция қолданылатынын айтты. Гарвард сияқты жетекші оқу орнының өзі сол демеушілердің қаражатымен дамып келе жатқанына тоқталды. Мектептегі ақша жинау мәселесін шешу үшін әр мектепте қамқоршылық кеңесі құрылмақ, оған оқушылардың ата-анасы, «Атамекен» палатасы мен мәслихаттың өкілдері кірмек. Сондай-ақ, министр мектеп оқушыларына шкафтар қою ісін Үкімет қолдағанын жеткізді.

Ерлан Сағадиевтен кейін сөз кезегін алған мұғалімдер мен мектеп директорлары көптеген сұрақтарды қойып, білім беру саласын дамытуға қатысты идеяларын ұсынды. Мұғалімдер қауымын мазалаған негізгі мәселелердің бірі жаңартылған мазмұнға қатысты болды, ұстаздар оқушыға баға қою жүйесін қайта қарауды ұсынды. Министр мамандардың сауалдарына жауап беріп, педагогтар мен мектеп басшыларының қатысуымен талқылау ұйымдастыруға уәде берді.

СОҢҒЫ ЖАҢАЛЫҚТАР

13.11.2018

Egemen Qazaqstan алғашқылардың бірі болып Chartbeat құралын пайдаланады

13.11.2018

Жаңақорған ауданында 116 бас қой белгісіз аурудан қырылып қалды

13.11.2018

Қызылордада қауіпті аймақтар анықталып, даярлық мәселелері күшейтілді

13.11.2018

Ақтөбеде жоғары жылдамдықтағы интернет желісі ұлғаяды

13.11.2018

Елбасы Астана клубының төртінші отырысына қатысты

13.11.2018

Нұрсұлтан Назарбаев Ауғанстан Республикасының бұрынғы президенті Хамид Карзаймен кездесті

13.11.2018

«Айша бибі» мен «Ақыртас» әлемдегі ерекше туристік нысандардың тізіміне енді

13.11.2018

Павлодарда Португалиялық профессор студенттерге дәріс беріп жүр

13.11.2018

Т.Сүлейменов ел өңірлеріндегі жылу бағасының әртүрлілігін түсіндірді

13.11.2018

Тайваньда таеквондодан Президент кубогі додасы аяқталды

13.11.2018

Елордалықтар 14 қарашада жалпыхалықтық диктант жазуға қатысады

13.11.2018

Үкіметте 10 айдағы әлеуметтік-экономикалық даму қорытындылары қаралды

13.11.2018

Б.Сағынтаев өңірлердегі халықтың нақты табысының көрсеткіштеріне ерекше көңіл бөлуді тапсырды

13.11.2018

Тұрмыстық қатты қалдықтар адамдардың қажетіне жарай бастады

13.11.2018

Шымкентте 5 000 000 теңгеге бағаланған көгершін көрмеге қойылды

13.11.2018

Қызылорда облысында газ құбыры құрылысы басталады

13.11.2018

Елбасы Еуропалық комиссияның бұрынғы төрағасы Жозе Мануэль Баррозумен кездесті

13.11.2018

Венгрияда синхронды жүзуден жасөспірімдер құрамасы бірінші орынды иеленді

13.11.2018

Тарифтерді көтерген монополистер заң алдында жауап береді

13.11.2018

Алматыда мектеп оқушылары арасында шешендік өнер байқауы өтті

ТАҒЫ ЖҮКТЕУ
КОЛУМНИСТЕР

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

Сүлеймен МӘМЕТ, «Егемен Қазақстан»

Qazaq otbasy

Otbasy uǵymy – qazaq úshin qasıetti de qadirli. Túbiri − ot, ot jylý beredi, ómir syılaıdy, tirshiliktiń kózi, úıdiń ishindegi «ýildegen» jeldi, «azynaǵan» aıazdy toıtaryp, otbasy ıesine sanalatyn adamǵa baq-dáýlet darytady. Otanasy, otaǵasy degen eki sózdiń arǵy jaǵyna oı jiberseń – qazaqtyń kemeldigine, bárin qysqa baılammen uǵyndyratyn kemeńgerligine kóz jetkizesiń. Sondyqtan da shyǵar, otbasy qaǵıdasynyń qashan da bıik turatyny. Qazaq otbasyn qurǵanda jetesizdikten jerip, kórgensizdikten boıyn aýlaq salǵan. Ata-ana úlgisin alǵa ozdyrǵan.

Сұңғат ӘЛІПБАЙ, «Егемен Қазақстан»

Zaman talqysyndaǵy qazaq

Feısbýktegi paraqshamdy ashyp qaraımyn da oılanamyn. Feısbýkti men ádette merzimdik buqaralyq aqparat quraldarynyń nazarynan tys qalǵan oqıǵalar men jańalyqtardy jáne oǵan degen qoǵamnyń kózqarasyn bilý úshin ashamyn. Meniń paraqshamda úsh jarym myńnan astam jazylýshym bar. Olardyń 95 paıyzdan astamy – qazaqtar.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу