ІЗГІЛІК ПЕН КҮШ-ЖІГЕР БІРЛІГІ

Егемен Қазақстан
12.01.2010 2058
Елбасы Н.Назарбаевқа арналған жаңа кітаптың өзегіне айналған “Нұр Отан” халықтық-демо­кра­тиялық партиясының Орталық аппа­ратында “Нурсултан Назарбаев: гуманизм и политическая воля” (Нұрсұлтан Назарбаев: гуманизм және саяси ерік-жігер) атты жаңа еңбектің тұсаукесер рәсімі өтті. Кітап­тың авторлары – Парламент Сенатының депутаты, Жемқорлыққа қарсы республикалық қоғамдық кеңестің төрағасы Оралбай Әбді­кәрімов, философия ғылымдары­ның докторы, профессор Гурий Хан және философия ғылымдарының канди­даты, ҚазГЗУ профессоры Ирина Хан. “Егер де дүниеге жаңа шығарма келіп жатса, бұл – әрқашан жақсы оқиға. Бұл кітаптың ерекшелігін, маңызын жіктеп, бөліп айтуға болады. Біздің саясаттану ғылы­мын­да, жалпы тарихнама ғылы­мын­­да жеке тұлғаның тарихи рөлі­не арналған шығармалар соңғы кез­де жеке бір бағытқа айналып келеді. Жыл басынан бері бірнеше еңбек жарық көрді. Бірақ бұл кітаптың орны ерекше. Себебі, белгілі ғалым­дар мен тәжірибелі саясаткер­дің саяси тұлғаны әр түрлі қырынан көрсетуі, еліміздің күрделі саяси, экономикалық, қоғамдық үдерістер­дегі рөлін айқын белгілеуі көп нәрсені аңғартады. Еңбек гуманизм және саяси ерік-жігер деген ұғым­дар­мен бекер байланыс­тырылмаған. Бұл Елбасының тұлға ретіндегі болмысын айқын көрсететін ұғымдардың бірі”,– деді тұсаукесер кезінде “Нұр Отан” ХДП хатшысы Ерлан Қарин. Оның сөзіне қараған­да, аталған кітапта философиялық, тарихи, саяси әдістер сәтті үйлесім тапқан. Бұл ретте Елбасының тұлға­сы мен болмыс-бітімі белгілі ғалым­дар мен тәжірибелі саясаткердің көзімен ортақ бір жүйеге келтірілген. Сол себепті кітапта Мем­лекет бас­шы­сы­ның баяндама­лары, мақала­лары, еңбектері негізінде оның барлық саяси және мемлекеттік қызметіне ғылыми пайымдау мен жүйелі талдау жасалыпты. Мәселен, кітап авторларының бірі, белгілі саясаткер Оралбай Әбді­кәрімов өз сөзінде Елбасы туралы көптеген кітаптың жазыл­ғанына, әлі де жазыла беретініне тоқталып өтті. “Жалғыз біздің қазақ­стандық ға­лым­дар ғана емес, әлемдік ға­лымдар мен жазушылар тарапынан да айрықша қызығу­шылық бар. Кезін­де мен Ұлыбри­та­ниядан, Америка­дан келген ға­лым­дармен кездестім. Бір еске сала­тын жайт, Елбасы туралы шығар­ма кеңестік кезеңде жарық көрген болатын. “Феномен Назар­­баева” деген атпен. Одан бері жүз­деген еңбек дүниеге келді. Ал бұл кітаптың өз орны, өз ерекшелігі бар дер едім. Мен Нұрсұлтан Әбіш­ұлы­мен 1970 жылы, яғни 40 жыл бұрын танысқан едім. Ал бірге қоян-қолтық жұмыс жасағаны­мызға 20 жылдан астам уақыт өтіпті. Бұл да өз кезегінде кітаптың жазылуына көп көмегін тигізді дер едім. Бұл кітаптың негізгі авторы – Гурий Хан. Мен оған қажетті ақпараттар беріп, көмектестім. Сол себепті ол кісіге алғысымды білдіремін”, – деді О. Әбдікәрімов. Бұдан кейін философия ғылым­дарының докторы Гурий Хан ав­тор­лық ұжымның атынан тұсау­кесердің ұйымдастырылуына ұйыт­қы болған “Нұр Отан” партиясына алғысын жеткізді. Оның сөзіне қара­ғанда, үш автор өз тарап­тары­нан ғылыми-фило­софиялық талдау жасай оты­рып, Елбасының әлемдік аренадағы орнын халықтық және мемлекеттік мүддемен байла­ныс­тыра отырып көрсетуге тырысқан. “Бұл – менің жетекшілігіммен Елбасы туралы шыққан екінші кітап. Мұның алдындағы еңбек “Нұрсұлтан Назарбаев – Қазақ­стан­­ның тәуелсіз сыртқы саясаты­ның негізін қалаушы” деген атпен жарық көрген еді. Бұл кітаптың ерекшелігі неде? Біз, яғни авторлар Елбасы туралы жазылған кітаптар­дың барлығын жан-жақты, тиянақ­ты зерттеп шықтық. Саяси тұлға­ның көпқырлы қызметін қалай айқын көрсетуге болады деп көп ойландық. Бірақ біз өзіміздің стилі­­мізді таптық. Бұл ретте тұлғаның болмысын гуманизм және саяси күш-жігер ұғымдары негізінде ашып көрсетуді, бірінші кезекте осы ұғымдарды басшылыққа алып жазуды жөн көрдік. Яғни, кітаптың өзегі – ол кез келген экономика­ның тек қана адамның қызығушы­лығы және мүддесімен, яғни адам­гер­шілік ұғымымен байланысты даму қажеттігін, сол кезде ғана оның ілгері жылжитындығын көрсету. Мәселен, Мемлекет бас­шы­сының биылғы Жолдауы да әлеу­меттік салаға арналған. Бұл уақыт өте келе мемлекеттік назар­дың әлеуметке, яғни қоғамның дамуына айрықша бұрыла түскен­дігін көрсетеді”, деді Г.Хан. Сон­дай-ақ, ол бұл кітаптың жазылуына Елбасының “Дағдарыстан шығу кілті”, “Бесінші жол” деген мақа­ла­лары да түрткі болғандығын атап өтті. Тұсаукесер кезінде өз ой-пайы­мын жеткізген Астана қаласы Қазақ­­стан халқы Ассамблеясы хат­шы­лығының меңгерушісі Әміржан Әлпейісов “кітапты белгілі бір нақты деректерге сүйене отырып жазу бар да, оны ғылыми, философиялық негізде жазу бір басқа” екендігіне тоқталып өтті. Кітап жеңіл оқы­ла­ды. Онда айтылған ойлар адамның есінде тез сақталады. Бұл да оның артықшы­лығын көрсетеді, – деді Әміржан Қайырұлы өз сөзінде. – Десек те, жаһандану үдерістеріндегі Қазақ­станның геосаяси орнын әлі де ай­шықтап көрсетуге болар еді”. Сон­дай-ақ, Ассамблея өкілі аталған еңбектің ең алдымен қазақ тілінде шығуын назарда ұстау қажеттігін және жоғары оқу орындарында оқитын студенттер, жас саясат­керлер үшін оқу құралы ретінде енгізу керектігін тілге тиек етті. Бұл күнгі басқосуға жиналған билік партиясының өкілдері мен Парламент депутаттары, ғылыми және шығармашылық интеллиген­ция өкілдері кітапта Елбасының қазақ­стандық қоғамды жүйелі мо­дер­низациялау, Қазақстанның әлем­дік сахнадағы орнын нықтау, мемле­кет­тік, елдік, қоғамдық мүддені қор­ғау бағытында атқарған қызметінің нақты көрініс тапқандығына тоқталды. Тағы бір атап өтерлігі, бұл ең­бек­те Елбасының әлемдік сахнаның төрінен орын алған елдермен жүйелі әріптестік байланыс орнату, саяси жүйені модернизациялау, дүние жүзінің белді де беделді ұйымдары­мен ынтымақтастық орнату аясында жүр­гізген бастамаларына ғана баға беріл­меген. Онда Мемлекет бас­шысы тура­лы Маргарет Тэтчер, Жак Ширак, Абдулла Гүл, Цзян Цзе­минь, Евгений Примаков, Джордж Робертсон, Джон Барроу, Азиз Әл Сауд, Эмомали Рахмон, Никита Михалков, Франсуа Трюси секілді әлемдік деңгейдегі белгілі саясаткер­лер мен ғалымдар­дың, қоғам қай­раткерлерінің пікір­лері, бағалаулары көрініс тапқан. Ләйла ЕДІЛҚЫЗЫ.
СОҢҒЫ ЖАҢАЛЫҚТАР

21.11.2018

Шымкентте дәрігерлер тұрғындарға арнайы медициналық көмек көрсетті

21.11.2018

Израильдегі халықаралық турнирде Маңғыстаулық гимнасшылар 8 медаль иеленді

21.11.2018

Мәскеудегі Шереметьево әуежайында ұшақ ер адамды қағып кетті

21.11.2018

«Туған жерге тағзым» жобасы Түркістаннан басталды

21.11.2018

Елбасы: «Ұлы дала» атты ежелгі өнер және технологиялар музейін ашуға мүмкіндігіміз бар

21.11.2018

Алмасбек Әбсадық: Мазмұны терең ой-толғам

21.11.2018

Ертең бокстан шешуші сайыстар басталады

21.11.2018

Маңғыстауда 171 жер учаскесі мемлекет меншігіне қайтарылды

21.11.2018

Б.Көшімбаев: Рухани жаңғырудың қайта түлеген жалғасы көңілімізді демдеп отыр

21.11.2018

Кәсіпкер мен әкімдік арасындағы дау «Атамекеннің» араласуымен шешілді

21.11.2018

Қарағандыда алты көшенің атауы өзгереді

21.11.2018

Ауылдарға көгілдір отын келіп жатыр

21.11.2018

Қызылордада полицейлер қан тапсырды

21.11.2018

Қазақстан құрамасы бесінші себетте

21.11.2018

Жаңақорған ауданында 63 пәтерлік 2 көпқабатты қызметтік тұрғын үй пайдалануға берілді

21.11.2018

Павлодарда Тұңғыш Президент күні  27 жаңа нысан пайдалануға беріледі

21.11.2018

Н.Назарбаев: «Ұлы даланың ұлы есімдері» энциклопедиялық саябағын ашуымыз керек

21.11.2018

Таэквондошылар Әбу-Дабиге аттанды

21.11.2018

Елбасы: Деректі-қойылымдық фильмдердің, көркем картиналардың арнайы циклін өндіріске енгізу қажет

21.11.2018

Польшалық заңгерлер Алматыға келді

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Táýelsizdiktiń tánti bolar tusy kóp

Jylda, Táýelsizdik kúni jaqyndaǵan saıyn osy ýaqyt ishinde elimiz qandaı jetistikterge jetti degen saýaldy ózimizge qoıyp, ony saralaýǵa tyrysamyz. Biraq mundaıda jappaı aıtylyp júrgen jetistikterdi emes, ózimiz baıqaǵan jeke kózqarastaǵy tabystardy taldaýǵa tyrysamyz. Sonyń ishinde kózge túsetin bir ǵanıbetti jańalyq – halqymyzdyń burynǵydaı eshkimnen qysylmaı, kimmen bolsa da ómirdiń barlyq salasynda ıyq teńestire túskeni.

Анар ТӨЛЕУХАНҚЫЗЫ, «Егемен Қазақстан»

Stokgolm sındromy

Jumyr jerdiń betinde sany jaǵynan bizden áldeqaıda kóp, alaıda táýelsiz el atanýdy mańdaılaryna jazbaǵan, ol oryndalmas armandaı kórinetin halyqtar az emes jeterlik. Jaratqannyń qalaýymen qolǵa tıgen táýelsizdik qazaq balasynyń eń bir asyl muraty edi.

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу