"Хат қоржын" (30.03.2017)

Егемен Қазақстан
30.03.2017 3617
2

Оқырман сұрау салады

Көгiлдiр отынның бағасы аспандап тұр

Жамбыл облысының Шу ауданында ауыл-аймақты газдандыру мәселесi бүгiнде халықты қиын жағдайда қалдырып отыр. Мәселен, «ҚазТрансГаз Аймақ» мердiгерлерi тарапынан Шу қаласы мен Көкқайнар, Белбасар, Еңбекшi, Жаңа жол, Қонаев, Бiрлiк, Көктөбе ауылдарына газ құбырларын жүргiзу үшiн әр үйден 300-350 мың теңге аралығында ақша алынды. Ал «Париев» ЖШС мердiгерi 20 мыңнан аса тұрғыны бар Төле би ауылының әр үйiнен пешсiз, өлшеуiш құралдарынсыз 570 мың теңгеден талап етуде. Ол ол ма, Төле би ауылынан он шақырым қашықтықтағы Абай ауылы тұрғындарынан бiр миллион теңгеден талап еткен.

Осындай тұрақсыз, қарапайым халықтың қалтасы көтермейтiн бағаның кесiрiнен Төле би, Абай ауылымен қоса тағы он шақты елдi мекен әлi күнге газбен қамтамасыз етiлмей отыр. Ал газ құбырларын жүргiзу жұмыстары кезiнде баға 420 мың теңгеге көтерiлдi. Кейiн 2016 жылдың басынан 570 мың теңгеге бiр-ақ шарықтап кеттi. Мұн­дай соманы қарапайым халық мүлдем төлей алмайды. Аудан әкiм­дiгiнiң халыққа алдын ала ескертпей, «Париев» ЖШС-мен хаттама жасас­қаны күмән туғызады. Сол себептi ауданаралық прокуратура осы мәселенi қолға алып, бiр шара қолданады деген үмiттемiз.

Жамбыл облысы тұрғындарының атынан

Мәкен УАҚТЕГI

Төле би ауылы,

Шу ауданы

 

...үлгі тұтады

Қарияларға қамқорлық жасайық

«Нұр Отан» партиясының «Ардагерлерді ардақтайық!» акциясы аясында Маңғыстау аудандық филиалының «Жас Отан» жастар қанаты бастауыш партия ұйымының мүшелері Шетпедегі тыл және еңбек ардагерлерінің үйлеріне барып әлеуметтік қолдау танытуда. Алғашқы болып партия белсенділері шетпелік тыл және еңбек ардагері Тұрсын Жылқыбекованың шаңырағында болды. Жастар алдымен 90 жасқа жақындаған ардагермен сұхбат жүргізіп, бүгінгі тұрмыс жағдайымен танысты. Омырауындағы ордендері мен медальдары – қарияның тылдағы еңбектерінің куәсі. Айта кетейік, ауданда қазір 169 тыл ардагері бар. Ал аудан орталығы Шетпеде 30-дан астам ардагер тірлік етеді. Барлығы «Ардагерлерді ардақтайық!» жобасының шапағатын көрмек. Шара аясында жастар тыл және еңбек ардагерлерінің үйлеріне барып, есік алдын тазалап, қол көмегін созды.

Алдаш ШОҢАЙ

Маңғыстау облысы,

Маңғыстау ауданы

 

...үміт артады

Кезегім жылжитын түрі жоқ...

«Үй болмай, күй болмайды» деп дұрыс айтылған. Көптен бері күйім болмай жүрген жандардың бірімін. Тұрғын үй кезегіне бұдан жеті жыл бұрын тұрған болатынмын. Алайда кезегім алға қарай жылжымай тұр. Бұған дейін жағдайымды Ақтөбе қалалық тұрғын үй коммуналдық шаруашылық бөліміне барып айтқанмын. Бірақ одан ешқандай нәтиже шықпады.

Таяуда өтінішімді Ақтөбе қалалық мәслихатының хатшысы Сұлутаң Шынтасоваға білдірдім. Ол мені «Тұрғын үй құрылыс жинақ Банкі» АҚ директорының орынбасары Талғат Өтебаевқа жіберді. Бұл азамат маған кезекте тұрғандарға депозит тегін ашылатынын айтты. Осыған орай алдағы сәуір айында өтетін конкурсқа қатысуым керек екен. Оның айтуынша кезегім бойынша үй алуға болады екен. Орынбасардың әңгімесінен түсінгенім, бұл конкурстың талаптары өте жоғары секілді. Ол депозит бойынша балл есептеледі деген мәселелерді айтты. Қысқасы, қазіргі күні де мұның өзі тумаған сиырдың сары уызына ұқсап кетпесе екен деп алаңдай беремін.

Ақмаржан ШОРАЕВА,

Қарғалы селолық округіне қарасты перзентхана акушері

Ақтөбе

 

...ой бөліседі

Бала оқытқаннан доп қуған жақсы...

Дүниеде мыңдаған мамандықтардың iшiндегi ең қиыны да, құрметтiсi де, мәртебелесі де – ұстаз мамандығы. Ал ұстаздық етуден жалықпай, сан ұрпаққа жүрек жылуы мен мейiрiм шуағын төккен ұстаздың бүгiнгi таңдағы хал-ахуалы қандай дәрежеде? Қазiр ұстаздар қауымы бұрынғыдай емес, айлық еңбекақысын уақытында алады. Оған да шүкiр. Бiрақ алып отырған жалақысы бiр отбасын асырауға жете ме? Бүгiнгi таңда басында несиесi жоқ мұғалiм кемде-кем.

Ендi қараңыз, футболшылардың жағдайы ұстаздардыкiнен әлдеқайда керемет екен. Мен бұл жерде оларға қызғанышпен қарап отырған жоқпын. Өзiм спорт жанкүйерi болғандықтан, әрине, елiмiзде спорттың түр-түрiнiң дамуына қуанамын. Олардың еңбектерiнiң де өз ерекшелiгi бар. Дегенмен, елiмiзде ұстаздардың құны спортшыларға қарағанда өте төмен бағаланатыны менi қуанта қоймайды. Футбол командасының бiр ойыншысына 2016 жылғы мәлiмет бойынша ай сайын 9 миллион теңге жалақы төленiпті. Бұл дегенiмiз – бiраз мұғалiмнiң айлығы ғой. Ұзын сөздiң қысқасы, ұлағатты ұстаз бен футбол ойыншысының еңбекақыларындағы айырмашылық – жер мен көктей.

Осы жайттарды ескере отырып, жас ұрпақтың болашағына алаңдап, самай шашы ағарғанға дейiн балаларға бiлiмi мен тәрбиесiн берiп, аянбай еңбек етiп келе жатқан ұлағатты ұстаздың мәртебесi неге өте төмен?! Алдағы уақытта бұл мәселеге тиiстi дәрежеде көңiл бөлiнсе өте орынды болар едi. Әйтеуiр елдiң, ұрпақтың болашағы үшiн еңбек етiп жүрген ұстаздар қауымының да жағдайы жақсарады деген үмiттемiн.

Қайрат ОМАРОВ,

ұстаз

Шымкент

 

...қауіп етеді

Ойына келген бағаны қоятыны несі?!

Кеңестiк кезеңде «алыпсатар» деген ұғым жұрттың зәресiн алушы едi. Қазiр бұл сөз жиi қолданылмаса да, қаптаған дүкендердегi тауар бағалары осы алыпсатарлықты еске түсiрiп жатқандай. Оған мысал ретiнде мына бiр жағдайды айта кетейiн. Жақында бiр супер­мар­кеттен өзiм жақсы көретiн «Жокей Арабика Триумф» деген кофенiң ең кiшкентай ыдыстағысын сатып алдым. Кофенiң бұл түрi Алматы дүкендерiнде сирек болады, бағасы – 590 теңге. Тағы бiрде сүт алмақ болып, «SMALL» (Розыбакиев пен Мыңбаев көше­лерi­нiң қиылысындағы) супермаркетiне бардым. Жаңағы 590 тең­ге­лiк «Жокей Арабика Триумф» деген кофем бұл жерде 990 теңге екен. Ойпыр-ай! Бұл не болғаны сонда?! Супермаркеттiң шеке­сiн­дегi «Бiзде өте төмен баға!» деген жазуы өтiрiк болғаны ма?! Бұл дүкендегi тауар­лардың бағасы ең төмен емес, ең қымбат қой! Со­дан ойлана келе, бұл дегенiмiз бұрынғы алыпсатарлықтың бүгiнгi түрi екен ғой деп топ­шыладым. «Алыпсатар» деген ұғым ашық қол­даныл­маса да, дүкен­дер ойына келген бағаны қойып, оның есесiн қай­тарып жатыр екен.

Құттыбек ҚЫБЫРАЙҰЛЫ

Алматы

 

СОҢҒЫ ЖАҢАЛЫҚТАР

14.11.2018

Ардақ Әшімбекұлы Мемлекеттік күзет қызметінің бастығы қызметіне тағайындалды

14.11.2018

Б.Сағынтаев Жамбыл облысының білім беру саласының мамандарымен кездесті

14.11.2018

Сыбайлас жемқорлыққа қарсы іс-қимыл мәселелері жөніндегі комиссия отырысы өтті

14.11.2018

Елбасы «Астана Бас жоспары» ғылыми-зерттеу жобалық институтында болды

14.11.2018

Үкімет басшысы Жамбыл облысында болды

14.11.2018

Атыраулықтар жалпыұлттық диктант жазуға қатысты

14.11.2018

Қазақстанның бірқатар өңірлерінде Азаматтарға арналған қоғамдық қабылдаулар өтті

14.11.2018

Қ.Тоқаев: Бюджетті қарау кезінде тек мемлекеттік мүдде үстем болуы тиіс

14.11.2018

Африканың Батыс Сахарасында күрделі тапсырмаларды орындады

14.11.2018

Батыс Қазақстан облысында тағы бірнеше кәсіпорын жалақы өсірді

14.11.2018

Халықаралық балалар шығармашылығы Фестивалінің жеңімпаздары марапатталды

14.11.2018

Батыс Қазақстан облысының Жәнібек ауылында 40 пәтер пайдалануға берілді

14.11.2018

Елбасы кітапханасы ақтөбелік жоғары оқу орнына 350-ден аса кітап тарту етті

14.11.2018

Алматыда мұғалімнің кәсіби құзыреттілігін қалыптастыру мәселесі талқыланды

14.11.2018

Алматы жұртшылығы жалпыхалықтық диктант жазуға қатысты

14.11.2018

Алматыда «Көшпенділер әуені» атты дәстүрлі орындаушылардың ІІ Республикалық байқауы өтті

14.11.2018

Алматыда дәстүрлі «Болат Тұрлыханов кубогі» өтеді

14.11.2018

Бақытжан Сағынтаев Таразда Халықты жұмыспен қамту орталығына барды

14.11.2018

Асқар Мамин өңіраралық семинар-кеңеске қатысты

14.11.2018

Премьер-Министрге «Смарт-Тараз» және Тараз-Хаб жобалары таныстырылды

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

Сүлеймен МӘМЕТ, «Егемен Қазақстан»

Qazaq otbasy

Otbasy uǵymy – qazaq úshin qasıetti de qadirli. Túbiri − ot, ot jylý beredi, ómir syılaıdy, tirshiliktiń kózi, úıdiń ishindegi «ýildegen» jeldi, «azynaǵan» aıazdy toıtaryp, otbasy ıesine sanalatyn adamǵa baq-dáýlet darytady. Otanasy, otaǵasy degen eki sózdiń arǵy jaǵyna oı jiberseń – qazaqtyń kemeldigine, bárin qysqa baılammen uǵyndyratyn kemeńgerligine kóz jetkizesiń. Sondyqtan da shyǵar, otbasy qaǵıdasynyń qashan da bıik turatyny. Qazaq otbasyn qurǵanda jetesizdikten jerip, kórgensizdikten boıyn aýlaq salǵan. Ata-ana úlgisin alǵa ozdyrǵan.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу