ҚЫТАЙҒА ЖЕР САТУ ТУРАЛЫ ӘҢГІМЕНІҢ ЕШБІР НЕГІЗІ ЖОҚ

Егемен Қазақстан
15.01.2010 1741
Ауыл шаруашылығы министрі Ақылбек Күрішбаев осылай деп мәлімдеді Еліміздегі жекелеген бұқаралық ақпарат құралдары “Қазақстан 1 миллион гектар ауыл шаруа­шы­лығы жерін Қытайға сатады екен-мыс” деген ақпарат таратқандығы бел­гілі. Бұл ақпарат қоғамда әр­түр­лі алып-қашпа әңгімелер туғызуда. Осы оқиғаға байланысты қазақ­стандық тиісті мемлекеттік орган­дар мен ресми тұлғалар өздерінің түсі­нік­темелерін жасады. Бәрінің байламы біреу: “Қытайға, жалпы еш­бір елге Қаз­ақстанның ауылша­руа­шылық жер­лері сатылмайды. Өйткені, мұндай әрекет заңға қайшы болып табылады”. Кеше Ауыл шаруашылығы ми­нистрі Ақылбек Күрішбаев та жур­налистер алдында осы өрбіген әң­гімеге байланысты тиісті мәлімдеме жасады. Ол былай деді: “Ауыл шаруашылығы жерлерін қытай инвесторларына беру туралы ақпарат шындыққа сәйкес келмейді және мұндай әңгіменің негізі де жоқ. Біріншіден, ҚР Жер кодексінің 23-бабына сәйкес ауыл шаруа­шы­лығы жерлері шетел азамат­та­ры­ның және заңды тұлғалардың жеке меншігінде бола алмайды. Екіншіден, Қытай Халық Рес­публикасы біздің елімізден соя им­порттауға қызығушылық танытуда. Алайда, Қазақстанда сояны өндіру тек суармалы жерлерде қолайлы. Суарма­лы жерлердің аумағы біздің елде тек қана 1,3 млн. гектарды құ­райды. Олар­дың барлығы отандық ауылша­руа­шылық өнімдерін өнді­ру­шілердің қарамағында тұр. Со­нымен қатар ҚР Жер кодексінің 38-бабына сәйкес жерлерді суба­рендаға беруге тыйым салынған. Яғни, жерді мемлекеттен өзі жалға алып отырған тұлға оны екінші біреуге жалға бере алмайды. Егер ауыл шаруашылығы өнімдері туралы қытай жағымен министрлік тарапынан белгілі бір келіссөздер жүргізілетін болса, ол келіссөздер тек өндірілген өнімді сату және сатып алу жөнінде ғана болмақ. Бұл келіссөз­дердің жер қатынастары мәселесіне ешбір қатысы болмайды. Қазақстан Республикасының Ауыл шаруашылығы министрлігі өзінің қызметінде тек қана ашық­тық қағидатын ұстанатынын мә­лім­дейді. Министрліктің осы бағытта атқарып жатқан барлық жұмыстары бұқаралық ақпарат құралдарына хабарланатын болады”. Министр осылай дей келе елі­міздегі соя егістігінің көлемі 50 мың гектарды ғана құрайтындығын жеткізді. Егер еліміздің ішінде соя егуге ықылас танытатындар болса, оның көлемін әрі кеткенде 200 мың гектарға дейін жеткізуге болар еді. Демек, 1 миллион гектар туралы әңгіме қозғаудың өзі негізсіз. Мұнан кейін Ауыл шаруашы­лы­ғы министрлігі Қайта өңдеу өн­ер­кәсібі және аграрлық нарық­тар­ды дамыту департаментінің дирек­торы Айна Құсайынова “Қазақ­стан, Бела­русь, Ресей арасында кедендік одақ­тың құрылуына орай азық-түлік ба­ғасы өседі екен” деген қауесетке бай­ланысты түсініктеме берді. Ол бұл пікірдің шындыққа жанаспайтын­ды­ғын, демек баға өседі екен деп халық­тың алаңдауы­на негіз жоқ екендігін айтты. Әри­не, нарық жағдайына байланысты кез келген тауардың бағасы ауыт­қымалы келетіндігі бұ­рыннан бел­гілі. Бірақ Қазақстанның Кедендік одаққа қосылуына орай азық-түлік бағасы қымбаттайды деген сөз шындықпен қабыспайды. Тек бұл жерде мына бір мәселені ескеру ке­рек. Кедендік одақтың құрылуына байланысты кедендік баж салығы­ның көлемінде өзгерістер болуы ти­іс. Осыған орай азық-түлік өнімдері үш топқа топтастырылған. Бірінші топқа баж салығы бірқалыпта сақ­талатын, екінші топқа баж салығы көтерілетін, үшінші топқа баж са­лығы төмендетілетін азық-түлік түр­лері жатқызылған. Кедендік баж салығы көтерілетін азық-түлік өнімдері арасында күріш, қияр, май секілді өнімдер бар. Бұл өнімдер біздің өз ішімізде жеткілікті дәре­жеде өндірі­леді. Сондықтан ішкі рыноктағы бағаға әсері болмауы тиіс. Ал баж салығы шәй, тропи­ка­лық май секілді үшінші топқа жат­қызылған өнімдерге төмендетілетін болады. Себебі, бұл өнімдер Кеден­дік одаққа біріккен мемлекеттерде өндірілмейді. Сондықтан олардың сырттан келуін ынталандыру қажет. Түптеп келгенде осының барлығы халықтың, тұтынушылардың мүд­десін қорғау мақсатында жасалуда. Азық-түлік өнімдері бағасының қымбаттамайтындығының тағы бір кепілі Қазақстан өткен күзде олар­дың көптеген түрлері бойынша мол өнім алды. Статистика агенттігінің алдын ала жасаған мәліметтері бой­ынша ауыл шаруашылығы өнім­дерінің 2009 жылғы жалпы мөлшері 1620,3 млрд. теңгені құрады. Бұл 2008 жылмен са­лыс­тырғанда 13,8 пайызға көп. Атал­мыш мәлімет соңғы 8 жылдағы ең жоғарғы көрсеткіш болып табылады. Елімізде соның ішінде өсімдік шаруашылығы өнімдерінің көпте­ген түрлері бойынша ең жоғарғы түсім алынды. Алынған астықтың өң­делген кейінгі жиынтық салма­ғы­ның өзі 20 млн. тоннадан асты. 700 мың тонна­дан артық майлы дақылдар өнімдері жи­налды. Бұл да рекордтық көрсеткіш. 2010 жылдың 1 қаңтарындағы мәлімет бойынша, мал шаруашы­лы­ғында былтырғы жылдың осы мер­зімімен салыстырғанда ірі қара мал­дың саны 2,1 пайызға, қой мен еш­кі 3,7 пайызға, жылқы – 3,6, түйе – 4, құс саны 9,3 пайызға өсті. Тамақ өнімдерінің өндірісі 2009 жылдың қаңтар-желтоқсан айлары­ның аралығында 721,9 млрд. тең­гені құрады. Бұл былтырғы жылмен шамалас көрсеткіш болып табылады. Сөйтіп, еліміздің ауыл шаруа­шы­лығы мол өнімге, жақсы табыс­тарға қол жет­кізіп отыр. Демек алаңдауға негіз жоқ. Сұңғат ӘЛІПБАЙ.
СОҢҒЫ ЖАҢАЛЫҚТАР

21.11.2018

«Қасиетті Қазақстан: Туған жерге тағзым» атты тарихи-танымдық экскурсиялар сериясы басталды

21.11.2018

ҰБТ-ға өзгерістер енгізіліп жатыр

21.11.2018

Мемлекет басшысы бірқатар заңдарға қол қойды

21.11.2018

Елбасы білім беру жүйесін одан әрі жаңғырту мәселесі жөнінде кеңес өткізді

21.11.2018

Түркістанның ежелгі беделін қайта көтеру – бүкіл түркі әлемі үшін үлкен жетістік болады

21.11.2018

Мархабат Байғұт: Әлемдік әдемі әңгіме

21.11.2018

Түркі киносын әлемге танымал етудің жайы талқыланды

21.11.2018

Бердібек Сапарбаев Ақтөбе қаласындағы өндіріс нысандарын аралады

21.11.2018

«Егемен Қазақстан» газетінің журналистері болашақ тілшілермен кездесті

21.11.2018

Голландиялық бизнесмен Ақтөбе облысының инвесторларға тартымды екенін айтты

21.11.2018

Нұрболат Ахметжанов: Көне тарих көмескі тартпасын

21.11.2018

Әбдіманап Бектұрғанов: Тарихқа тағзым

21.11.2018

Қ.Әбдірахманов: «Ұлы даланың жеті қыры» әлем мәдениетін жақындастырады

21.11.2018

Павлодарда археологтар б.з.д. 5-ші мыңжылдықта жерленген жылқылар сүйектерін тапқан

21.11.2018

«Ақтөбе» футбол клубы сенімді басқармаға берілді

21.11.2018

Ұлттар Лигасының қорытындысы шығарылды

21.11.2018

Такир Балықбаев: Жаңа еңбек жаңаша ой салды

21.11.2018

Ақтөбеде кәсіп бастағысы келетін жандарға кеңес берілді

21.11.2018

Мәулен Әшімбаев: Ұлт тарихын танудың жаңа кезеңі

21.11.2018

Chartbeat жобасы аясындағы байқау жеңімпаздары ашық деректер панелін құрады

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Táýelsizdiktiń tánti bolar tusy kóp

Jylda, Táýelsizdik kúni jaqyndaǵan saıyn osy ýaqyt ishinde elimiz qandaı jetistikterge jetti degen saýaldy ózimizge qoıyp, ony saralaýǵa tyrysamyz. Biraq mundaıda jappaı aıtylyp júrgen jetistikterdi emes, ózimiz baıqaǵan jeke kózqarastaǵy tabystardy taldaýǵa tyrysamyz. Sonyń ishinde kózge túsetin bir ǵanıbetti jańalyq – halqymyzdyń burynǵydaı eshkimnen qysylmaı, kimmen bolsa da ómirdiń barlyq salasynda ıyq teńestire túskeni.

Анар ТӨЛЕУХАНҚЫЗЫ, «Егемен Қазақстан»

Stokgolm sındromy

Jumyr jerdiń betinde sany jaǵynan bizden áldeqaıda kóp, alaıda táýelsiz el atanýdy mańdaılaryna jazbaǵan, ol oryndalmas armandaı kórinetin halyqtar az emes jeterlik. Jaratqannyń qalaýymen qolǵa tıgen táýelsizdik qazaq balasynyń eń bir asyl muraty edi.

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу