Мәдени құндылықтарға қатысты заң жетілдірілуде

Кеше Парламент Сенатының Төрағасы Қасым-Жомарт Тоқаевтың жетекшілігімен палатаның жалпы отырысы өтіп, онда сенаторлар «Қазақстан Республикасының Үкіметі мен Сербия Республикасының Үкіметі арасындағы халықаралық автомобиль қатынасы туралы келісімді ратификациялау туралы» заң жобасын қарады.
Егемен Қазақстан
21.04.2017 2851
2

Инвестициялар және даму ми­нистрі Жеңіс Қасымбек таныс­тырған заң жобасын сена­торлар бірауыздан мақұлдады. Себебі, халықаралық бағыттарда жүк тасымалдаумен айналысатын қазақстандық тасымалдаушылар үшін тиімділігі жоғары бұл құжат Сербия аумағын транзит­тік мақсатта пайдалана отырып, Болгария мен Грекия және Хор­ватияға кедергісіз өтуді қам­тамасыз етеді.

«Аталған келісімді рати­фикациялау бюджет қаражатын жұмсауды қажет етпейді. Өткен жылы Қазақстан мен Сербия арасындағы автомобильмен жүк тасымалдау көлемі 15 пайызға ұлғайып, 5 400 тоннаны құрады. Сондай-ақ, бұл келісіммен екі ел арасындағы автомобиль тасымалдарын жүзеге асыру үшін ұлттық норма орнатылып, тасымал түрлері мен бланкілерді алмасу бойынша квота белгілеу тәртібі де реттелген. Бұдан бы­лай екіжақты және транзиттік тасы­малдар рұқсатсыз негізде жүзеге асырылатын болады», – дедi Ж.Қасымбек.

Сенат отырысында, сондай-ақ «Қазақстан Республикасының кейбiр заңнамалық актiлерiне мәдениет мәселелерi бойынша өзгерiстер мен толықтырулар енгiзу туралы» заң жобасы екiншi оқылымда талқыланып, қабыл­данды. Мәжіліс мақұлдаған бұл құжатқа енгiзiлген өзгерiстерде ауылдық жерлердегi мәдениет ошақтарының негiзсiз жа­былуы­на жол бермеу тетiгi қарас­тырылған.

«Бұл заң жобасы мәдениет және тарихи-мәдени мұра сала­сында орын алып отырған бiр­қатар проблемаларды шешуге бағытталған. Бiрiншi − 2015 жылы мәдениет саласындағы бiлiм беру ұйымдары Мәдениет және спорт министрлiгiнiң қа­ра­мағына берiлген болатын. Бiрақ, бұл заңда мамандарды даярлауға мемлекеттiк бi­лiм беру тапсырмасын бөлу және орналастыру, мәде­ниет са­ла­сындағы бiлiм беру ұйым­дарының қызметiн үйлес­тi­рудi осы министрлiктiң құзы­ре­тiне беру сияқты бiр­қатар мәселелер ескерiлмей қал­ған. Біз заң жобасындағы осын­­дай кемшіліктерді жоюға тырыс­тық», – дедi негізгі баян­да­ма жасаған Мәжiлiс депутаты Майра Айсина.

Депутаттың айтуынша, атал­ған құжаттың осал тұстары сал­дарынан 2013-2015 жылдары елімізде 40 мәдениет ошағы, оның iшiнде 2 театр, 1 музей және 37 кiтапхана жабылған.

«Біз бұл мәселені шешу үшiн мәдениет ұйымдарын құру, қайта ұйымдастыру және тарату мәселелерiн уәкiлеттi орган­мен мiндеттi түрде келiсудi көздедiк. Мұндай қадам мәде­ниет ошақтарының негiзсiз жа­былуын болғызбаумен қатар, министр­лiктiң тұтас Қазақстан бойынша мәдениет ұйымдарына қатысты болып жатқан жағдай­лар­ға нақты мониторинг жүр­гiзуiне, жағдайды толық бай­қауына және тиiсiнше шара қабылдауына мүмкiндiк бередi», – деді М.Айсина.

Сенаторлар талқысына, сонымен қатар, «Қазақстан Рес­­пуб­ликасының кейбір заң­н­а­малық актілеріне көлік мә­се­лелері бойынша өзгеріс­тер мен толықтырулар енгізу туралы» заң жобасы ұсыныл­ды. Екі оқы­лымда қаралып, қабыл­дан­ған заңның негізгі мақсаты – мемлекеттік бақылаудың қолданыстағы жүйесін жетілдіру арқылы судағы, автомобиль, темір жол және қаладағы рельсті көліктің қауіпсіздігін қамта­масыз ету.

Құжатпен бірқатар заңна­ма­лық актілерге өзгерістер мен толықтырулар енгізіледі. Ұлт­тық заңнама ережелерін Кеме­лер­ден болатын ластануды бол­дырмау жөніндегі, теңізде адам өмірін қорғау жөніндегі халық­аралық конвенциялардың және Кемелер мен порт құралдарын қорғау жөніндегі халықаралық кодекстің теңіз ортасын кеме­лерден болатын ластанудан қор­ғауды арттыру, теңізде кемелер мен порт құралдарын қорғауды күшейту, сондай-ақ теңіздегі тасымалдаулардың қауіпсіздігін қамтамасыз ету саласындағы талаптарына сәйкес келтіру; өздігінен жүрмейтін шағын көлемді кемелерді тіркеуден шы­ғару рәсімін оңайлату ар­қылы шағын көлемді кеме­лерді есепке алу мен тіркеудің мемлекеттік жүйесін жетілдіру; көлік саласындағы уәкілетті мемлекеттік органға қалалық рельсті көлікті қауіпсіз пайда­лануды қамтамасыз етуді және ондағы қызметті бақылау функ­циясын бекіту; өз өнімін тасы­малдау үшін кірме жолдарды пайдаланатын субъектілердің қызметін ұйымдастырудың тиімді тетігін және Мемлекет­тік шекара арқылы адамдар­ды, көлік құралдарын, жүктер мен тауарларды өткізуді ұйым­дас­тыру үшін құқықтық негіз жасау көзделіп отыр.

Сонымен қатар, палата «Қазақстан Республикасының кейбір заңнамалық актілеріне әуе кеңістігін пайдалану және авиация қызметі мәселелері бойынша өзгерістер мен толық­тырулар енгізу туралы» заң жобасына түзетулерді екінші оқылымда қабылдады.

Құжаттың мақсаты − азамат­тық авиация және әуе кеңістігін пайдалану саласындағы Қазақ­стан Республикасының заң­намасын жетілдіру, сондай-ақ, оны Халықаралық азаматтық авиация ұйымының (ИКАО) стандарттарына сәйкес келтіру. Заң әуе кеңістігін және авиа­ция қызметін пайдалану саласын­дағы бақылау мен қадаға­лау­ды күшейтуге, көрсетілетін қыз­мет­тердің сапасын көтеру мен ұшу қауіпсіздігін қамтамасыз етуде жауаптылықты арттыруға бағытталған.

Құжатпен сегіз заңға, оның ішінде Салық және бюджетке төленетін басқа да міндетті төлем­дер туралы, Халық денсау­лығы және денсаулық сақтау жүйесі туралы, Әкімшілік құқық бұзушылық туралы кодекстерге, «Қазақстан Республикасының әуе кеңістігін пайдалану және авиация қызметі туралы» және басқа да заңдарға өзгеріс­тер мен толықтырулар енгізіл­ді. Сондай-ақ, шетелдік тасымал­даушыларды аккредиттеу, коммерциялық емес ұйымдар­ды тарту және әуе кемелерін пай­даланушылардың, аэро­навигациялық қызмет көрсету­шілердің, авиациялық оқу орта­лықтарының қызметін қада­ға­лау бөлігінде азаматтық авиа­ция саласындағы уәкілетті орган­ның құзыреті нақтыланады және толықтырылады. Әуежай­лардағы бәсекелестікті дамыту­ға және әуе кемелеріне жер үс­тін­де қызмет көрсету­ші­лер­дің қыз­метін реттеуге бағыт­­тал­ған ережелер қарас­тырыл­ған. Аза­маттық-әскери ынтымақт­ас­тық пен әуе кеңісті­гін тиім­ді пайдалануды үйлестіру қағи­дат­тары бекітіледі.

Сондай-ақ, авиация қызмет­керлерін медициналық куә­лан­дыру жүйесін жетілдіру көз­­деледі, авиациялық меди­цина­лық орталықтарды серти­фикат­таудың жаңа түрі ұсы­нылады. Шағын авиацияны дамытуға, ұшқышсыз ұшатын аппараттарды есепке алуға, арнаулы ұшуға рұқсат алуға, әуе кемелерін пай­дал­анушыларға жалға беруде әкімшілік кедер­гілерді жоюға қатысты ережелер енгізіледі.

Құжатпен акционерлік қоғам сипатындағы авиакомпа­ния­лардың жарғылық капиталына шетелдіктердің, азаматтығы жоқ адамдардың және шетелдік заң­ды тұлғалардың қатысу үлесін 49 пайызға дейін шектеу ережесі белгіленген.

Нұрлыбек ДОСЫБАЙ,

«Егемен Қазақстан»

СОҢҒЫ ЖАҢАЛЫҚТАР

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

17.02.2019

Дәрігерлер балаларды көңілді бимен оятты

17.02.2019

Алакөл ауданында көпбалалы отбасыларға пәтер берілді

17.02.2019

Қазақстан дзюдошылары Еуропа кубогінен екі медаль жеңіп алды

17.02.2019

Жансель Дениз Turkish Open турнирінде жеңімпаз атанды

17.02.2019

Елена Круглыхина могулшылар алдындағы басты міндетті атады

17.02.2019

17 ақпанға арналған ауа райы болжамы

16.02.2019

ҚХЛ: «Барыс» биыл «Авангардтан» төртінші мәрте жеңілді

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу