Мәжілісте заң жобалары қызу талқыланды

Кеше Палата Төрағасы Нұрлан Нығматулиннің жетекшілігімен палатаның кезекті жалпы отырысы болды. Онда бірнеше мәселе қаралып, депутаттардың орталық атқарушы органдарға арнаған бірқатар сауалдары жарияланды.
Егемен Қазақстан
26.01.2017 4763
2

Алғашқы болып «Қазақстан Республикасының Үкіметі мен Түрік Республикасының Үкіметі арасында арнайы мақсаттағы бөлімшелердің оқу-жаттығуларын өткізу кезінде қабылдаушы тараптың қолдау көрсетуі туралы меморандумды ратификациялау туралы» заң жобасы қаралды. Құжат жобасы туралы баяндама жасаған Қорғаныс министрінің орынбасары Талғат Мұхтаров меморандумның қашан жасалғанын, қандай мақсатты көздейтінін жан-жақты айтып берді.

Меморандумға 2016 жылдың 20 қаңтарында қол қойылған екен. Ол оқу-жаттығу өткізу кезінде қабылдаушы тараптың қолдау көрсетулерінің негізгі қағидаттарын айқындайды. Жаттығулар қабылдаушы тараптың заңнамасына сәйкес жүргізіледі. Соның ішінде қабылдаушы тарап төмендегідей қолдау шараларын жасайды: жаттығулар жасау үшін белгілі бір жер аумағын нақтылайды; техника мен оқ-дәрілерді әкелуге, мемлекет ішінде алып жүруге әуе жолдары мен темір жолдарды пайдалануға рұқсат етеді, жаттығуға келген жауынгерлерді орналастырады, ас-сумен қамтамасыз етеді және т.б.

Қазақстан әскерінің мұндай жаттығуларды ҰҚШҰ-ға мүше мемлекеттер әскерлерімен де, тіпті НАТО-ға мүше басқа елдермен де өткізіп жүргені белгілі. Алайда, депутаттар тарапынан баяндамашыға нақтылау мақсатымен өте көп сұрақтар қойылды. Соның ішінде депутат Зәуреш Аманжолова оқу-жаттығу кезінде мерт болған түркиялық жауынгер үшін отбасына өтемақы мен асыраушысынан айырылғандығына байланысты жәрдемақыны қай тарап төлейді, егер біз төлейтін болсақ, оның шығыны қандай қордан өндіріледі деп сұрады.

Өкінішке қарай, мұндай оқиғалар бізде болып тұрады, деген генерал төлемақылар әр елдің өз заңнамасына сәйкес төленетінін жеткізді. Егер тура біздің тараптың кінәсінен осындай жағдай орын алса, ол бөлек шарттармен реттелетін болады, деді ол.

Депутат Асқар Базарбаев бөтен ел әскерлерінің еліміздің аумағындағы оқу-жаттығуға қару-жарақпен енгізілу тәртібіне назар аударып, олар арнайы тексерістен өткізіле ме деп сұрады. Оған Т.Мұхтаров меморандумның негізінен оқу-жаттығуға қолдау көрсету мәселесін ғана қарастыратынын, ал бөтен ел әскерінің Қазақстан аумағына кіргізілуінің тәртібі еліміздің басқа заңнамаларымен реттелетінін айтты.

Депутат Бақытбек Смағұл Түркияның аумағында болатын «Анатолия» әскери оқу-жаттығуларына Қазақстан қатыса ма және жаттығулардың шығындарын қай жақ көтереді деп сұрады. Оған генерал Түркиямен әскери жаттығулар 2006 жылдан бастап екі жақтың аумағында да кезекпен жыл сайын өткізіліп келе жатқанын айтты. Ал шығындарды меморандумға сәйкес қабылдаушы жақ көтереді екен.

Отырыс барысында меморандумға тікелей қатысы жоқ сұрақтар да қойылып жатты. Бәрін қосқанда жалпы саны 11 депутат осы мәселенің талқылауына араласты. Қосымша баяндаманы Халықаралық істер, қорғаныс және қауіпсіздік комитетінің мүшесі Абай Тасболатов жасады. Ол меморандумның негізгі мәселелеріне тоқтала келіп, Мәжілістің комитеттері оны оң тұрғыдан бағалайтынын жеткізді және әріптестерін заң жобасын қолдауға шақырды.

Заң жобасы талқыланып болған соң бірауыздан ма­құл­данып, Сенаттың қарауына жі­берілді.

Екінші мәселе де екі­жақты жасалған келісімді рати­фи­кациялауға арналды. Бұл жолы «Қазақстан Үкіметі мен Польша Үкіметі арасындағы Адамдардың реадмиссиясы туралы келісімді ратификациялау туралы» заң жобасы қаралды. Бұл заң жобасы екі мемлекеттің аумағына заңсыз келген, онда болған немесе тұрып жатқан уағдаласушы тараптардың азаматтары, үшінші мемлекеттердің азаматтары немесе азаматтығы жоқ адамдар реадмиссиясының құқықтық және ұйымдастыру мәселелерін реттеуді көздейді.

Жалпы отырыс барысында тоғыз депутат құзырлы органдарға сауалын жолдап, мемлекеттік индустриялық-инновациялық даму бағдарламасына қатысатын кәсіпорындар үшін кадр даярлау, балалар денсаулығы, экология, жылу жүйелері және тағы басқа өзекті мәселелерді көтерді. Депутаттардың аймақтарға барып, елдегі түрлі проблемаларды өз көздерімен көріп қайтқандығының нәтижесі осы жерде айқын көрініп тұрды.

Жақсыбай САМРАТ,

«Егемен Қазақстан»

СОҢҒЫ ЖАҢАЛЫҚТАР

19.02.2019

Салық төлеушілердің 20 миллион теңге өсімпұлы кешірілді

19.02.2019

Сенаторлар мемлекеттік-жекешелік әріптестік жобаларын іске асыру мәселелерін талқылады

19.02.2019

56 ауылды елді мекен сапалы интернетпен қамтылды

19.02.2019

«Сергек» жобасы жол-көлік оқиғаларының санын 15%-ға төмендетті

19.02.2019

Астанада шахматтан Әлем чемпионаты өтеді

19.02.2019

Халық сауалы жауапсыз қалмайды

19.02.2019

Қызылордада алаяқтар азаймай тұр

19.02.2019

Астана әкімдігінде тұрғын үй кезегінде тұрған азаматтар санының өсу себептері түсіндірілді

19.02.2019

Жеке клиникалардың белсенділігі жоғары

19.02.2019

«Алтын жауынгер» анимациялық фильмі жарыққа шығады

19.02.2019

Оразалы Досбосынов атындағы аудитория ашылды

19.02.2019

Шетелмен әріптестік нығайып келеді

19.02.2019

«Смарт-Астана» қосымшасының жаңа сервистеріне қатысты мәселелер талқыланды

19.02.2019

Дәурен Сүйеукенов: дзюдодан Еуропа кубогінде ел чемпионатындағы есемді қайтардым

19.02.2019

Әлия Юсупова Гран-при кезеңі мен Будапешттегі халықаралық турнирді қорытындылады

19.02.2019

Ішкі істер министрі Е. Тұрғымбаев батыр баламен кездесті

19.02.2019

Жер жаһанды шарлаған Мағжан

19.02.2019

Қарағандыда 24 000 жер үйге газ құбыры тартылады

19.02.2019

Абылайхан Жүсіпов Софиядағы турнирдің күміс жүлдегері атанды

19.02.2019

Елбасы «Лукойл» мұнай компаниясының президентімен кездесті

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

ҰҚСАС ЖАҢАЛЫҚТАР

Тағы да оқу

Пікір қосу